صيانة الـ15,000 للسيريون

[عمرو عمارة]

السلام عليكم

الحمد لله بالأمس تم عمل صيانة الـ15ألف.....إليكم التفاصيل :

- زي ما انتم عارفين أنا معملتش صيانة الـ10ألف عشان كانت تكلفتها مبالغ فيها....المهم المهندس قالي إهنا كده هانعملك صيانة الـ10ألف مع تغير الزيت (Mobil 1 ) عشان صيانة العشرة أهم....قولتله يعيني إنتوا في الـ15 بتغيروا زيت بس.....قالي أيوة مع تربيط عفشة وتنظيف فلتر الهوا

- كنت مراقب العربية من لحظة دخولها الساعة 10:30 حتى الإنتهاء منها الساعة 12:00.....الشغل الي تم في العربية ما خدش نصف ساعة بضبط ....تم عمل:
1-فك فلتر الهواء والتنظيف بالهواء
2-عمل Rotation للعجل
3-رجلاش للفرامل الخلفية
4-تغير زيت وفلتر
5-تزويد مياه الردياتير بمية حنفية بدون أي داعي...وده أكتر شىء دايقني أولاً عشان منسوب المياه كل فترة باكشف عليه وهو مضبوط....ثانياً ليه يحط مية من الحنفية؟؟!! ده أكتر شىء بيضر الردياتير ووش السيلندر وبيعمل فيها بلاوي.....إزازة مية مقطرة بـ1.5جم مش هاتخسرهُ حاجة
6-الكشف على جميع الأنوار

العربية وقفت حوالى نصف ساعة مستنية دورها في الغسيل ونصف ساعة عشان المهندس يعملي الفاتورة النهائية ( واحدة واقفة معاه حوالي نصف ساعة بتستلم عربيتها )

الـHand Brake أصبحت أقوى وإستجابة الفرامل أحسن كتير

الفاتورة :

- 186 جم صيانة 10,000
- 260 جم زيت Mobil 1
- 48 جم فلتر زيت
- 10 جم ( مش عارف إيه الي مكتوب )

المجموع 539 جم بالضريبة

لا حول ولا قوة إلا بالله....200جم عشان rotation ورجلاش وتزويد مية من الحنفية ولو كنت عملت صيانة الـ10ألف من قبل كان هايحاسب على صيانة الـ15 بـ420جم...يعني 120جم زيادة عشان تغير زيت وشوية كلام فارغ كله

لو شوفته العربية وهي بتتعمل هاتعرفوا أد إيه أنا محروق على الـ200جم من بساطة العمل الشديد

حسبنا الله ونعم الوكيل

[hitham_sh]

يجامعاه المصنعيات مبالغ فيها جدا جدا جدا لان الحجات الي بتتعمل ممكن اي حادي يعملها ب 20 جنيه وهيبقى مبسوط جدا وانت بتديلو ال 20 جنيه

وياريتهم بيعملوها صح

[عمرو عمارة]

يجامعاه المصنعيات مبالغ فيها جدا جدا جدا لان الحجات الي بتتعمل ممكن اي حادي يعملها ب 20 جنيه وهيبقى مبسوط جدا وانت بتديلو ال 20 جنيه

وياريتهم بيعملوها صح

عمل Rotation في مركز بيرجيستون بـ5جم وبيرفع العربية كلها زي التوكيل كده
الرجلاش ده أنا بعملوه ببلاش لما بعمل صيانة لعربيتي
حوار تنظيف تيل الفرامل فاشل.....بيضرب خرطوم الهوا على الطنابير وشكراً
لو شوفت فلتر الهواء وهو بيتفك ويتنظف ويركب تاني هاتعرف أنا محروق أد إيه

حسبنا الله ونعم الوكيل

[توفيق طة]

عمروباشا/ حبيب قلبى .

ياااااااة من زمان لم أسمعك واحشنى ياراجل .

بالنسبة للصيانة وألف مبروك

أولا ثانيا أنا قلت قبل كدة لازم تكون لنا وقفة مع

مركز الصيانة عشان هما كدة بيطفشونا ؟ الأخ أبوعبدالله قال نقف مع بعض .طب اذاى وهما
فى المركز على طريقة أخطف واجرى .ندائى
الأن الى جميع السريونية لازم نعمل حاجة ؟؟؟؟

تحيــــــــــاتى

[Matrix_Reloaded]

عمروباشا/ حبيب قلبى .

ياااااااة من زمان لم أسمعك واحشنى ياراجل .

بالنسبة للصيانة وألف مبروك

أولا ثانيا أنا قلت قبل كدة لازم تكون لنا وقفة مع

مركز الصيانة عشان هما كدة بيطفشونا ؟ الأخ أبوعبدالله قال نقف مع بعض .طب اذاى وهما
فى المركز على طريقة أخطف واجرى .ندائى
الأن الى جميع السريونية لازم نعمل حاجة ؟؟؟؟

تحيــــــــــاتى

سيبك من السيريون والتوكيل واللبخ ده

سعادتك زى العسل

[عمرو عمارة]

عمروباشا/ حبيب قلبى .

ياااااااة من زمان لم أسمعك واحشنى ياراجل .

بالنسبة للصيانة وألف مبروك

أولا ثانيا أنا قلت قبل كدة لازم تكون لنا وقفة مع

مركز الصيانة عشان هما كدة بيطفشونا ؟ الأخ أبوعبدالله قال نقف مع بعض .طب اذاى وهما
فى المركز على طريقة أخطف واجرى .ندائى
الأن الى جميع السريونية لازم نعمل حاجة ؟؟؟؟

تحيــــــــــاتى

الله يباركلك أستاذ توفيق حبيبي.....بس والله أنا مش في مود الفرحة الي الناس ممكن تباركلي عليها

أنا مجرد واحد غير زيت وفلتر ودفع 540جم

[aliabutaleb]

أنا مجرد واحد غير زيت وفلتر ودفع 540جم

للأسف
كلنا هذا الرجل
يا راجل دانا شايف موضوعك من الصبح ومش قادر أدخل أقول لك مبروك
ربنا يعين كل ملاك الياباني على الأرقام المفزعة دي
ولعل وعسى إن مسألة مراجعة الأسعار اللي نوه عنها معاذ تيجي بفايدة

[rzeiny]

عمرو باشا واحشني والله قلبي معاك ومع كل السيريونية
انما من كلامك عن الي اتعمل في الصيانة انا شايف انه ممكن يتعمل في اي محطة بنزين ومش حيكلف حاجة ،لكن السؤال هنا الي حيعمل الصيانة برة حيخرج من الضمان ولا ايه
وتاني عربيتي كانت مواصفات خليجي ومن غير ضمان وما احتجتش لاي توكيل ولا صيانة مبالغ فيها من يوم ماجبتها وعاشت معايا زي الفل وده الي زود ثقتي في الياباني عموما وانه اقتصادي في صيانته ووقوده وقطع غياره وربنا يحنن قلبهم علينا شوية

[معاذ الشرباصى]

- كنت مراقب العربية من لحظة دخولها الساعة 10:30 حتى الإنتهاء منها الساعة 12:00.....الشغل الي تم في العربية ما خدش نصف ساعة بضبط ...


5-تزويد مياه الردياتير بمية حنفية بدون أي داعي...وده أكتر شىء دايقني أولاً عشان منسوب المياه كل فترة باكشف عليه وهو مضبوط....ثانياً ليه يحط مية من الحنفية؟؟!! ده أكتر شىء بيضر الردياتير ووش السيلندر وبيعمل فيها بلاوي.....إزازة مية مقطرة بـ1.5جم مش هاتخسرهُ حاجة

لو شوفته العربية وهي بتتعمل هاتعرفوا أد إيه أنا محروق على الـ200جم من بساطة العمل الشديد

حسبنا الله ونعم الوكيل

عمرو باشا

طبعا انا معاك فى النقط دى كلها سوء حتة الميه اللى كانت لفتت نظرى جدا فى اول صيانة الالف, لحد اسعار العمالة

المياه اللى بتتزود دى, كان ردهم ساعتها ان المياه اللى موجودة فى العربية مركزة, و ان تخفيفها بمياه من الحنفية مش هيضر خالص, لأن مهما زود مش هتوصل للحد الادنى ... هو رد لم يقنعنى على الاطلاق

اسعار العمالة كلنا متفقين انها مبالغ فيها جدا

اما حتة الوقت اللى اشتغل فيها, فمهندس احمد كان له رأى فى الموضوع ده, ان هو بيحسب الوقت المفروض العامل ياخده علشان يشتغل فى عربيتك, ويحدد سعر الصيانة بالنسبه له, اما انه يقدر يختصر وقت الصيانة فدى حاجة ترجع له, لكن التكلفة تظل كما هى لأنه شغل على العربية اكتر من فرد ... ده كان رده عليا فى الصيانة اللى فاتت لما اتكلمت معاه فى النقطة دى مش رأى الشخصى

اما نشوف الدراسة اللى قالوا عليها هترسى على ايه

[eslam_wega]

الى يروح التوكيل يبقا بيقولهم انا قدامكم مسلم نفسى يلا اسرقونى

[MoToRiZeR]

يعني مبروك بس مش أوي يعني ههههههههه حرام و الله الأسعار دي
انا صيانة ال 25 ألف قربت و انا بصراحة زهقت من مشوار العبور فا هتلكع بالعربية لحد ما أبو رواش يفتح ،و بعد ما يفتح هروح أعمل الصيانة برة عشان غالية .

[hhhmmmzzzz]

ايه يارجاله هتخوفونى منها ليه بالكلام ده بس اعتقد والله اعلم ان نفس اللي بيحصل معاكو بيحصل فى كل مراكز الخدمة برة وكان الله فى العون

[Eng_aly]

بلاش مبروك "اسف على التأخير" وخليها ربنا يعوض عليك
يا جماعة يا اخونا هو الموضوع إختراع اكيد لألألألألألألألألألألألألألألألألأ تويوتا موجودة من سنين واكيد اللى بيشتغلوا فيها مش اقل من العلماء العاملين بدايهاتسوا "من الحاجات الغربيه ان فرع اسكندريه فرع لخدمه تويوتا"وشوفوا فرق الاسعار فى العماله بين دايهاتسوا العبور ودايهاتسوا اسكندرية.
فى موضوع م/هيثم "احاث صيانه ال40 الف كم "كنت اقترحت عمل لجنه من اعضاء المنتدى الكرام وطلب مقابلة مجلس ادارة دايهاتسوا وعرض المشاكل الموجودة عليهم لحلها واعتقد ان دة مفيهوش حاجة تزعل احنا عندنا عربيات وعايزين نحافظ عليها وهما ليهم مصلحة ان احنا نروح لهم علشان نعمل الصيانة وفى نفس الوقت لو احنا مبسوطين هاكون مصدر دعاية كويسة "زى احمد السقا"ويبعوا اكتر وخصوصا ان فى ناس كتير زى انا كونت بدور على عربيه اقتصادية فى كل حاجة ...
اخيرا يا د/معاذ هل الدراسه دى متعملتش قبل ما يحددوا الاسعار دى اعتقد ان الكلام دة مش مظبوط ومفيش دراسة ولا حاجة هى تويوتا بتجيب قطع غيارها من السودان ودايهاتسوا بتجيب من اليابان ...
شكرا واسف للإطاله

[أبو عبدالله]

260 جم زيت Mobil 1

حبيت اضيف اني سألت بره الزيت اللي في عبوات كل واحده لتر اللي بيستخدمة التوكيل بيتباع بره اللتر الواحد بــ 65 جنيه
يعني الأربعة لتر بــ 260 جنيه بالظبط
في حين ان الأربعة لتر مع بعض في العبوة الكبيرة بيتباعوا بــ 235 جنيه فقط
ومش عارف ليه الأختلافي في السعر ده بين العبوتين
معقولة علشان العلب البلاستيك ولا فيه حاجه تانيه

[mecho_392]

الف مبرووووووووووووووووووووك يا باشا و عقبال ما تكمل ال مليوووووووووووووون بدون الحاجة للتوكيل.. على فكره انا معايا ماتريكس 2007 عملت 57500 كم بدون صيانة فى التوكيل عدا اول صيانة و من ساعتها حرمت و الحمد لله العربية زى الجديدة مع تغيير الفلتر و الزيت بصفة دورية فى البنزينة (بدون تربيط عفشة او اى حاجه.....) و فى صيانة ال 60000 هشترى كل حاجه من التوكيل و اركبهم عند ميكانيكى كفاءة اعرفه من زماااااااااااااان لان الضمان اصلا خلص كده و التوكيل بجد بيعمل اى هبل يكسب على قفانا,,, كلام ممكن اى عيل صغير يعمله و انا قلت الكلام كده فى كذا موضوع فى قسم هيونداى و دايهاتسو و دى الظاهر انها سياية كل التوكيلات المصرية لان ال system نفسه مصرى.......... انا فى هيونداى كا قدامى فيرنا بتعمل صيانة ال 10,000 و قالوله تكلفتها 765 جنيه (منهم حوالى 280 مصنعيات) علشان الراجل كان بيشتكى من صوت الموتور انه عالى----> و كل اللى المهندس كتبه هو تغيير زيت و فلتر و الكشف (و كده كده هياخد عربيته زى ما هى او انيل). انا الحمد لله ناوى ال i10 اعملها كل حاجه بره باستخدام قطع الغيار الاصلية و هلتزم بمواعيد الصيانة الاساسية بالتوكيل علشان الضمان يستمر. و هما فى الاول و الاخر لازم يعملوا كده علشان يكسبوااااااااااااااااااااااااااااااا هو ده هدفهم الاساسى و انت تولع و تروح و تيجى مشوار ملوش لزمه و تضيع فيه يوم.