أخى الفاضل أبو عبد اللــه

[توفيق طة]

تحبـــــاتى ..

ان شاء الله سوف أذهب الى توكيل السريون فى الأسكندرية يوم الأثنين القادم .

لعمل صيانة ال 1000 كيلو وأيضا لتركيب الأنذار من التوكيل . وقد طلبت منى

أن أتابعك حين ذهابى وها قد حان الموعد. ولو أى أخ فاضل لة نصيحة لى أرجو

أن يتفضل بالنصيحة . ولكم جميعا جزيل شكرى ..

تحيـــــــــاتى .

[أبو عبدالله]

ربنا يوفقك
هو صياة الألف مفيهاش غير تربيط بس وتشييك على العربيه
اما تغيير الزيت والفلتر بيبقوا في صيانة 5 الاف

لو احتجت تسأل عن اي حاجه وانت هناك رقم تليفوني موجود اهه كلمني عالطول وانا معاك
0102559501

[توفيق طة]

ألف شكر أخى الكريم .

وان شاء الله سوف أتصل بك لو فية حاجة ..

جزيل شكرى لأهتمامك .

تخيــــــــــاتى

[ابوحميد]

الشىء بالشىء يذكر
لما رحت لصيانة الالف عملوا شيك على العربية ومستوى الزيوت وربطوا العفشة و تزييت الابواب وكنت طلبت انهم يرصرصوا و يشوفوا التكييف
كل دا مكلفش غير 20جنيه
هما عملوا معاك ايه يا ا/توفيق وشكرا مقدما

[توفيق طة]

أخى العزيز/ أبو حميد..

تحيتى لك .

ذهبت الى التوكيل يالأسكندرية فى ميعاد صيانة الالف كيلو .

وتم عمل تشك على العفشة ومراجعة الموتور على الكمبيوتر وتم تركيب جهاز انذار حسب طلبى من عندهم .

وتم غسل وتلميع السيارة من الخارج والداخل. الأنذار ثمنة 330 جنية والتركيب ب 150 جنية أهم شئ أننى

سألت مهندس الصيانة عن الوقت قال لى بعد ساعتين وأنتظرت وفعلا بعد ساعتين بالضبط رأيت السيارة تخرج

من الصيانة وتم تسليمها لى بعد التجرية . ياجماعة التوكيل دة محتر م وبيحترم وقت الناس..

تحيــــــــــــاتى

[ابوحميد]

فعلا زى ما قلت حضرتك ا/توفيق الموضوع ماخدش معايا ساعتين ويمكن اقل
بس عندى سوال لو انا حركب سنتر وانذار حيكلف كام؟؟؟؟؟؟؟؟؟؟؟؟؟؟؟؟؟؟؟؟
وشكرا مقدما

[ابوحميد]

نسيت اقول انهم بعتولى كام رسالة على الموبايل بهنوا بقدوم رمضان ويفكرونى بالصيانة و وادونى نمرة مركز خدمة العبور اللى اتصل بيه قبل ما اروح اعمل صيانة عشان يدونى ميعاد
فعلا ناس بتقدر قيمة الوقت

[توفيق طة]

أخى الفاضل /أبو حميد

العربية فيها السنتر بتاعها أما الأنذار من عندهم ماركة دايهاتسو ب 330 ثمن الأنذار

و 150 جنية مصاريف التركيب ..

وأنا فى الخدمة..

تحيـــــــاتى

[أبو عبدالله]

استاذ توفيق ممكن تكتبلنا عن امكانيات الأنذار اللي حضرتك ركبته كلها لللإفادة

[توفيق طة]

أخى الفاضل/ محمد باشا ..

تحيتى لك وحشـــة ..

أولا الأنذار دا صوتة مختلف تماما عن جميع الأنذارات وواضح وعالى الضوت.

لا يعمل لمجرد مرور شئ بجانبة حساس للمس جسم العربية واذا نسيت أى باب غير مغلق جيدا بعمل بعد ثلاثون ثانية بشكل

متكرر حتى تنتبة . لة لمبة صغيرة بمثبت على التابلوة هذا ولقد حاولت أن أجد مكان بوق الأنذار وفشلت هم ركبوة بطريقة

خفية تحت الفانوس الأمامى ولم أعرف مكانة الا بعد سؤالى لمهندس الصيانة وتم تركيبة على حاك خاص بة فى الدائرة

الكهربائية بدون قطع أى سلك عموما هو جيد جدا ..

وفى الخدمة دائما أخى محمد فأ فضالك كثيرة على رأسى ويكفى أنك ممن شجعونى على شراء هذة السيارة الرائعة ..

شكرا ياعزيزى وأتمنى أشوفك عن قريب لأنى عايز أشترى المكنسة اللى قلت علبها ولم أجدها فى توكبل المنصورة ..

تحيـــــاتى ورمضان كريــــم

[أبو عبدالله]

الله يخليك يا استاذ توفيق وانا تحت امرك بإذن الله في اي شئ تاني

وعالعموم انا كنت عاوز اعرف لما بيشتغل وتيجي تشغل العربيه بتشتغل ولا لأ

يعني مثلا لو فتحنا الباب والأنذار شغال وحطيت المفتاح ودورنا العربيه هيعمل ايه ؟؟؟

وشكرا لك

[توفيق طة]

أخى العزيز/ محمد

جربت الانذار وهو شغال ودورت العربية دارت والأنذار ما زال شغال ..

دا عيب والا ايـــة ؟؟

تحيــــاتى

[أبو عبدالله]

لا ليس عيب ولا حاجه ولكن هيا بتبقى خاصية في بعض الأجهزة ........... ومفيش مشكلة انا كنت بشوف موجوده ولا لأ فقط
وشكرا لك على استجابتك

[توفيق طة]

تحت أمرك أخى محمد

[hitham_sh]

انا ركب الانذار برضو ب 500 جنيه في التوكيل وهوا حلو فعلا وفي خاصة انو بيقفل الابواب لما تدور العربيه وتدوس على دواسة الفرامل علشان يضمن انك جوه العربيه علشان ميقفلش العربيه الا وانت جواها واول لما تبطل العربيه الابواب بتتفتح وممكن تلغي الخاصيه دي بالضغط على زرار الفرح والقفل مع بعض وترجعها تاني لما تضغط على زرار القفل والسايلنت مع بعض
لاكن معنديش المبه الي بتنور وتطفي على التابلوه والساريه متركب جنب البطاريه وومكانها واضح