تكييف السيريون

[MoToRiZeR]

انا التكييف عندي ممتاز بصراحة لم أشتكي منه .

[mecho_392]

زيك

على فكرة انا على حد علمى إن الفريون الموجود فى السيريون ده بيكون فيريون صديق للبيئة و ده طبعاً التبريد بتاعه بيختلف عن الفريون العادى, أنا عن نفسى شايف إن تبريد العربية جيد جداً و الحمدلله بس ده برده بيرجع لطريقة إستخدامك للتكيف, يعنى فى ناس مثلاً أول ميفتح التكيف يروح مشغله على 3 أو 4 فأكيد الهوا اللى خارج مبيلحقش ياخد دايرة التبريد بتاعته و ده طبعا بيأثر على درجة البروده فى العربية, يعنى لبمفروض علشان تحس بأداء التكيف, متزوتش عن 1 أو 2 أبداً على الأقل فى البداية فى الـ 10 دقائق اللى فى الأول و يفضل لو تنقى الأماكن الضل خصوصاً لو عربيتك لونها غامق, لإن درجة غمقان اللون بتفرق فى درجة حرارة العربية.

الفريون غالبا هيكون R134-a و ده صديق للبيئة فعلا و بيستخدم فى كل العربيات الجديدة و بدأ استخدامه فى اوائل التسعينيات علشان مش سام زى فريون R12 اللى كان بيستخدم زمان فى التلاجات...
انا كمان زيك معايا i10 موديل 2009 و التكييف فيها كويس بس مش ساقع اوى عكس الماتريكس تكييفها تلاجة و بيسقعك جدااااا رغم انها موديل 2007 و عامله 58100 كم.. لكن حكاية انك تبدأ من سرعة 1 او 2 مش دى الحكاية انا ببدأ على 4 على طول علشان يتخلص من الحرارة الزيادة بسرعة.
انا اعتقد التكييف بيتحسن مع الوقت لانى جربته فى ال i10 من حوالى شهر و كان ضعيف شويه و مع الوقت لما جربته و على طرق سريعة لقيت اداءه بقى كويس جدا بس مش بيخليك تتلج.

و فى تحذير هااااااااااااااااااااااااااااااااااااااااااااااااا اااااااااااااااااااااااااااااااام جداااااااااااااااااااااا قريته فى الكاتالوج بيقول انك لااااااااااااااااااااااااااااازم تشغل التكييف كل فتره و لو لفترة بسيطة علشان تحافظ عليه و يفضل اداء النظام كويس.

[د.محمد الشيخ]

التكييف معايا ممتاز والحمد لله
ملوش اى تأثير على السحب ودى ميزة هايلة خاصة فى الموتور ال 1500
رغم ان العربية لونها اسود .
لو العربية سخنة بعد وقوفها فى الشمس فترة فضرورى جدا تهويها بانك تشغل المراوح وتفتح شباكين على الاقل مش شباك واحد عشان يحصل تيار هواء داخل العربية والهواء السخن يخرج بسرعة .
استعمال بوابات الهواء المسؤولة عن اعادة تدوير الهواء داخل العربية من عدمه مهم جدا وله تاثير كبير سواء بالسلب او بالايجاب .
يعنى تجنب تدوير الهواء لما يكون سخن او تدويره لفترة طويلة جدا ممكن يزود الرطوبة فى الهواء والرطوبة ليها احساس خانق .
بعد تهوية العربية وتبديل الهواء السخن ابدأ فى استعمال خاصية اعادة تدوير الهواء حتلاقى النتيجة ممتازة .
وطبعا فى الاخر لو مفيش فايدة يبقى عليك وعلى التوكيل وعموما عيوب التكيف محدودة وسهل حصرها وعلاجها وحتبقى بسيطة جدا باذن الله .

وبالتوفيق.

[rzeiny]

اصدقائي اشكركم جميعا على الرد وسوغ اعمل بالنصائح وياريت يتصلح حاله وربنا يكرم