Tweet
اكصدام ماتيريتى حبيبتى اتخبط يارجاله
بسم الله الرحمن الرحيم
اولا الحمد لله وقدر الله ماشاء فعل
النهاردة على الساعه واحده الصبح تقريبا كنت خارج من الكليه ومروح البيت فبعد ماخرجت من بوابه مدينه الشروق وانا كدة بقيت ناحيه الاسماعيليه فالمفروض انى باخد اول يو تيرن وارجع تانى فى الناحيه التانيه المتجه الى القاهره معلومه لى اللى مش عارف اليوتيرن دة قبل الفتحه بحوالى 50 متر بتظهر حارة جديده متظلله بأبيض دى للى هيدخل اليوتيرن علشان تفصله عن الطريق العمومى المهم انا كل بلف عادى بدخله الحارة دى والف . المهم النهاردة عملت زى كل يوم وماشى ومدى اشاره شمال ومهدى سرعتى بس مش عارف على كام بس بطئ قوم ايه بقى واحد غبى دى اقل كلمه تتقال عليه جاى من اقصى اليمين واده اشارة وهيدخل معايا الملف بس كان فى حادثه فى جنب الطريق فامتعرفش بقى كان سرحان بيتفرج ولا ايه انا لسه بحود الدركسيون علشان ادخل الملف وانا على يمنه لاقيت دة كسر عليا كسره حماره على الاخر اديله كلاكس مش سامع ومش فاهم وقفت راح خبطلى الاكصدام اللى قدام طبقه لجوه انا قولت جابلى رفرف يمين وفوج لايت يمين رحت راكن على جنب ونزلت اتفرج لاقيت الاكصدام بتاع حبيبتى معجون بس الحمد لله الفوج والرفرف سولام
اكبر دليل على ان 128 كان جواها بقره ان الراجل فضل واقف واقفل الملف على الناس والناس وراه هتعيط ضهر عربياتهم فى الطريق .
المهم الراجل بارد مووووووووت واللى على لسانه انا مديك اشرة احلفه انى انا اللى ماشى صح وانت جاى من واسع وكسرت عليا فى الضيق مش فاهم حاجه وقمه بروده انه حتى منزلش يشوف عربيته اللى اساسا والله مافيها حاجه ولا حتى يشوف هو عمل ايه فى عربيتى بارد بجد معرفتش اخد معاه لاحق ولا باطل رجل كبير هعمل ايه غير انى كنت بتنطط قدامه زى العبيط
وهو مش عاوز حتى ينزل من عربيه جيت باصصله بقرف وقولتله منك لله ياشيخ وربنا يعوض عليا انا ويحمينا من ال....
...... اللى زيكواخدت عربيتى ومشيت عامل افكر اعمل ايه ؟ قوم ايه اروح على الحرفين على طول ماهى فى طريقى روحت لواحد (حرامى )اسمه المصريه للفيبر تقريبا شافها قالى انا هفكللك الاكصدام واستعدله هيكلفك 70 جنيه (قولتله ايه ايه ) طيب انا هروح البيت وارجعلك جات فى بالى فكرة حلوة احنا اساسا عندنا شقه فى حى الزهور خلف الحرفيين ففى واحد بتاع قطع غيار بى ام تحت عمارتى اعرفو ويعرفنى شكليا بس روحتله قولتله على اللى حصل قالى سيبك من الحرامى دة وراح كلاملى واحد اسمه سيد حواجب تقريبا ووصفلى المكان وقاله واحد صاحبى جايلك بماتيريا نبيتى شوفه واعمله الواجب بأماه الراجل عاملى الصح استعدلى الاكصدام من غير حته مايفكه ورجعه تمام كل اللى عمله خلانى اجيب الكاوتش كله ناحيه الشمال بحيث انه يعرف يدخل ايديه تحت الاكصدام من الناحيه المخبوطه اليمين وفك مسمار كده وسخن الاكصدام من بره كده بس مقربش منها النار من بعيد وراح خبط كده من جوه وعدله
ومسحلى البويا البيضه مكان المحروقه التانيه بس لاقيت بقه شويه خرابيش مضايقينى كدة قولتله اروح لبتاع دوكو يعملهم قالى حرام ترش الاكصدام دى العربيه جديده وفبريكه فقولتله ممكن يعملهم بفرشه كدة صفيرة قالى هيبقعوا وشكلها هيبقى وحش وكمان صعب يجيبلك لونك دة كميه صغيره مثلا خمسه جرام او كدة انا مش عارف اعمل ايه انا بحبها اوى مش عاوز اشوفها كدة فياريت تساعدونى وقولولى اسيبها كدة ولا اعمل ايه ولو هعملها هتكلفنى كام علشان انا احسنواحد يضحك عليه
Comment