زجاج السيريون خلفى

[د.محمد الشيخ]

و ممكن يا دكتور نمرة د.جريش عشان أعرف منهم سعر الأمامي

دى ارقام د.جريش :

Sales Department
10th of Ramadan City - 3rd Industrial Zone A1
Tel:015 410003-4-5
Fax:015 410001 or 2

وكمان ده موقع الشركة :

http://www.drgreiche.com

[MoToRiZeR]

تسلم إيدك يا دكتور

[د.محمد الشيخ]

تسلم إيدك يا دكتور

الله يخليك

بس انا قريت وبحثت عن اراء ناس فى امريكا واوروبا جربوا الازاز الصينى ماركة XYG والحقيقة اراءهم قلقتنى مع ملاحظة ان الفرز اللى بيروح امريكا احسن مائة مرة من اللى بيروح الشرق الاوسط خاصة مصر .
وبصراحة بعد تفكير انا قررت اركب الاصلى بتاع التوكيل واريح دماغى
لانى بصراحة زهقت من تباين الاسعار الرهيب ده كمان لعب وغش التجار فظيع لا تتخيلوه وفى الاخر واخد حاجة مش متاكد من مدى مطابقتها للمواصفات ومعايير الامان .

وانا الحقيقة متعود طول عمرى استعمل قطع غيار اصلية والحقيقة حاولت الاقى الاصلى بره التوكيل ملقتش ولقيت نفسى حدخل فى دوامة غش التجار وكدبهم

فقررت اخد الاصلى من التوكيل

عموما نقاشنا ده اكيد حيستفيد بيه ناس كتير كانت عايزة تعرف انواع او اسعار وفى النهاية كل واحد له قناعته الخاصة بيه .

تقبلوا تحياتى

[NaderNabil]

قبل ما تجيب الأصلي تعال نفكر في كلامك شوية

انت خايف من معايير الأمان ليه؟

الزجاج الخلفي أصلاً مش تريبلكس...هي طبقة واحدة سيكيوريت بتفتت في حالة انه اتكسر...و بعيد عن تعرضه للأخطار أساساً...يعني زي ما أخونا أحمد قال...لا ضغط ولا رياح ولا زلط و رمل ولا أي حاجة هاتخبط فيه....عكس الأمامي اللي مكون من 3 طبقات و لازم يكون بالقوة الكافية انه يفضل متماسك و ماينطرش الزجاج عليك في حالة بعد الشر حادث أو زلطة أو أي حاجة


انا رأيي روح اتفرج عليه و شوف نظافة تقفيله و خامته....و بعدين أحكم عليه....لكن ماتخدش قرار تركيب في التوكيل و بالسعر الهلامي ده و علي مكَون مش بذات الأهمية في رأيي الشخصي

[aif]

قبل ما تجيب الأصلي تعال نفكر في كلامك شوية

انت خايف من معايير الأمان ليه؟

الزجاج الخلفي أصلاً مش تريبلكس...هي طبقة واحدة سيكيوريت بتفتت في حالة انه اتكسر...و بعيد عن تعرضه للأخطار أساساً...يعني زي ما أخونا أحمد قال...لا ضغط ولا رياح ولا زلط و رمل ولا أي حاجة هاتخبط فيه....عكس الأمامي اللي مكون من 3 طبقات و لازم يكون بالقوة الكافية انه يفضل متماسك و ماينطرش الزجاج عليك في حالة بعد الشر حادث أو زلطة أو أي حاجة


انا رأيي روح اتفرج عليه و شوف نظافة تقفيله و خامته....و بعدين أحكم عليه....لكن ماتخدش قرار تركيب في التوكيل و بالسعر الهلامي ده و علي مكَون مش بذات الأهمية في رأيي الشخصي

وانا متضامن مع رأي نادر ....
الفرق كبير جدا .... من 350 الى 1875 .... رايي هات المصري ....ووفر الفلوس لباقي التصليحات ... انت لسة عندك سمكرة ورش وقطع
والقرار لك في النهاية

[عمرو عمارة]

أنا أيضاً مؤيد رأي نادر بشدة.....والله الموضوع مش مستاهل كل القلق ده يا د.محمد

[د.محمد الشيخ]

اشكركم جميعا اخوانى الاعزاء شكرا جزيلا والحقيقة كل واحد فيكم كان بينصحنى من قلبه ولقيت فيكم نعم الاخوة والصداقة وربنا يديم المعروف بيننا وربنا يحفظكم جميعا من اى مكروه .

اليكم اخر التطورات :

كنت قد قررت تغيير الزجاج الخلفى فى التوكيل والزجاج جر معاه الشنطة كلها وقلت خلينى اغيرها كلها بواحدة جديدة بالازاز واخلص واريح دماغى رغم تكلفتها العالية .
وكنت انوى الاستفادة بالشنطة القديمة وكنت انوى تصليحها عند سمكرى بره واجيبلها برده الازاز المستورد بعيد عن التوكيل واركبه واما احتفظ بيها للطوارىء او اعرضها للبيع وطبعا كانت حتتباع بسهولة .
بعدين فكرت وقلت طيب ليه اضيع على نفسى فرصة الاستفادة بالشنطة دى بما انى كده كده حصرف عليها واجيبلها ازاز فقررت اخيرا اشوف شكلها النهائى على العربية بعد تصليحها وتركيب الازاز ...والله عجبتنى يبقى خير وبركة حسيت انى مش مرتاح من النتيجة يبقى حفك القديمة واركب واحدة جديدة .
على هذا الاساس انا اشتريت بالفعل الازاز الخلفى ( بيسموه النظارة) من المهندسين بمبلغ 350 ج .
وباذن الله حمشى فى سكة تظبيط الشنطة وعلاجها بره التوكيل وسوف اخبركم بالنتيجة باذن الله .

على هامش الموضوع :

-وانا بشترى الازاز اخدت بنصيحة اخويا عمرو عمارة وبصيت على الازاز من بعيد وكانت الرؤية من خلاله ومن خلال خطوط الحرارى ممتازة جدا ولم اجد اى عيوب.
-لما سألت على سعر الازاز اول ما وصلت المحل قالولى ب 450 ج ولما قلتلهم انى اتصلت والاخ قالى ب 350 ج فكلمته على التليفون فقالى حضرتك مقلتش الشكل القديم ولا الجديد قلتله انت سالتنى على موديل السنة وقلتلك 2009 المهم قالى مفيش مشاكل نحسبه ب 400 بالتركيب قلتله انا لسة عندى شغل سمكرة المهم اخدته ب 350 ج حسب الاتفاق.
-الاخ ابوعبدالله الله يكرمه كان منزل اسعار محل بالمنصورة وكان كاتب ان السعر للازاز للخلفى 450ج ولما اتصلت بالرقم المكتوب قالى ب 420 ج .
-وانا كنت سالت فى محل فى اكتوبر وقالى فيلم هندى كده وفنلندى ب 600 ومش عارف ايه.
-وكنت كلمت محل بالهرم قالى مفيش اسعار على التليفون قلتله واجيلك على اى اساس ؟...قالى شرفنى واللى انت عايزه ! قلتله لا طبعا مش حشرفك والمحلات كتير.
الخلاصة ان ابو 600 هو ابو 450 هو ابو 420 هو ابو 350 والمحلات بتبيع بمزاجها وحسب شكل الزبون وده معناه انك لازم تسال فى اكتر من مكان.

تقبلوا تحياتى وشكرا لكم مرة اخرى على روحكم الطيبة ربنا يجازيكم كل خير

[عمرو عمارة]

التفكير ده عين العقل يا د.محمد

كان الله في عونك
وفقك الله

[أبو عبدالله]

مبارك عليك ان شاء الله
وفعلا هما واضح ان كل واحد بيسعر بمزاجه وحسب شكل الزبون
على فكره انا بحس ان اسعار الزجاج لكل الأنواع ولكل الموديلات واحد
ولكن هما اللي بيسعروا بمزاجهم

[NaderNabil]

على فكره انا بحس ان اسعار الزجاج لكل الأنواع ولكل الموديلات واحد
ولكن هما اللي بيسعروا بمزاجهم

انا حاسس كده فعلاً يا أبو عبد الله...
و أكيد بيحطوا في إعتبارهم انها عربية ياباني...فا أكيد قطع غيارها مرتفعة نسبيا...يقولوا إشمعنا إحنا؟! نزود السعر عليهم...
و لو فكرت فيها...هتلاقي ان الفرق بين الأنواع هو مساحة الزجاج...و ملهاش أي علاقة بالنوع...يعني مثلاً بتاع الدايو لانوس هتلاقيه أكبر من بتاع السيريون و رغم كده هتلاقي فرق شاسع في الفلوس....ليه ماتفهمش!!!!