عايز اركب ريموت و مش عايز انذار

[M.Mosaad]

السلام عليكم و رحمه الله
انا رايح بكرة انشاء الله اعمل صيانه ال 10000 كم و كنت عايز بالمرة اركب ريموت بدل المفتاح المستفز دة انا كنت عارف انهم في التوكيل بيجبرونا انا نركب ريموت و انذار لانهم وحدة واحدة و كان تمنهم 560 جنيه قلت مش مشكله امري لله بس امبارح بتصل بيهم علشان احجز معاد الصيانه و بالمرة اسال علي الريموت فوجئت بيقولولي ان تمنه بقي 725 جنيه من غير التركيب و الضريبه يعني علشان اركب ريموت و انذار مع العلم اني مش عايز الانذار ادفع ما يقرب من 900 جنيه في حاجة تمنها 170 جنيه و مينفعشي اني اركبهم برة لان الكهربا بتخرج برة الضمان

انا عارف انه موقف معقد بس لو حد عندة حل ياريت يقولي عليه لان فعلا حرام ادفع 900 جنيه و كمان حرام ابقي جايب عربيه ب 85000 الف جينه و مفتاح شقتي اشيك من مفتاحها

[sheeko00]

اعرض عليهم انك تشترى الريموت والانذار من برة وهما يركبوهم وحاول فى اكتر من مركز خدمة

[SeMo_SiRiOnY]

الي تمنة 725 دة بتاع دايهاتسو الاصلي
الي بداو ينزلوة بدل التايواني الي كان ب 550

[beggo]

على فكرة انا لسه مركب انذار من حوالى شهر فى التوكيل و كان سعره حوالى 399 جنيه و made in china و نوعه HUNTER و شغال معايا زى الفل بصراحة و الريموت عليه الوجو بتاع دايهاتسو و شكلو شيك جداُ و عليه ضمان 3 سنين من التوكيل نفسه

[bmya]

استاذ بيجو انت مركبه فين في العبور ولا فين

[M.Mosaad]

انا متشكرجدا علي الردود و الاهتمام
اولا انا سالت المهندس مصطفي علي قبل كدة في مركز العبور اني اشتريهم من برة قاللي مش هينفع يركبوا حاجة من برة التوكيل و علي فكرة الموضوع دة برضة في السماعات كمان لان السماعات اللي عندهم تعبانه جدا و انا كنت عايز اجيب حاجة احسن قاللي برضة مش هينفع يركبوا حاجة من برة التوكيل و انا خايف اتعامل مع اي مركز خدمه غير العبور فلو حد يعرف مركز خدمه معتمد كويس اتمني يفيدني


و ياريت يا استاذ بيجو لو مركبه في العبور تقولي لان دة هيوفر كتير و مش فارقه صيني و لا اي حاجة بس فعلا المفتاح منرفزني جدا

[bmya]

انا لسمه سأل من شويه في مركز النصر في المنصوره قالي 350 بالتركيب ومعه ضمان 3 سنوات بس جهاز منفصل يعني برده المفتاح موجود موجود
وفعلا المفتاح تحس انه مفتاح موتوسيكل او توكتوك هو الكلاكس :k49:

[M.Mosaad]

زي ماقلت رحت امبارح اعمل صيانه العشرة و سالت علي الريموت و قالولي ان سعرة 880 بالتركيب و الضريبه و معندهومش اي نوع تاني في التوكيل و مينفعشي اجيب حاجة من برة و اركبها عندهم طبعا اتخنقت بس هعمل ايه قلت ابقي اركبه في صيانه ال 15 إن شاء الله

و علي فكرة انا ركبت عندهم السماعات الخلفيه امبارح لان الموديل بتاعي هي 1.3 GL سعرها 181 جنيه و اسمعوا دي بقي تركيبها ب 70 جنيه:K_crying[1]: و بعد الضريبه و كدة اتكلفت 281 جنيه بس هي بصراحه صوتها كويس مش مدمر يعني بس كويس احسن بكتير من سماعتين الووكمان اللي قدام قلت اركبهم و امري لله لحد الضمان مايخلص

و اللي عايز يجيب فرش للكراسي عندهم فرش كويس جلد سعرة 300 جنيه لونه اسود او رمادي مكتوب عليه سيريون بس كالعاده مكنش موجود امبارح قالولي هيجي يوم الثلاثاء بس خلوا بالكم ركبوة برة لان سمعت انه بتركيبه بيوصل 600 جنيه :k26:

بس علشا ندي التوكيل حقه بصراحه معاملتهم كويسة جدا و كان عندي حاجات عايز اطمن عليها في العرييه اتاكدوا منها كلها و الاسعار مجملا اعتقد انها احسن من التوكيلات التانيه او يعني ارخص حاجة في الياياني

[askoda]

I wanted to know if any one have the picture of the place where the speakers are installed

I mean a picture with the inner door opened.

[M.Mosaad]

إن شاء الله هحاول اصورها و اعرضها بس علي فكرة هي بتبقي مستخبيه خالص لان ليهامكان في الباب الخلفي

[hhhmmmzzzz]

بس فعلا المفتاح منرفزني جدا

انا كمان معاك ان شكل مفتاح الشقة احسن من المفتاح ده بس هنعمل ايه وبستغرب عربية بالامكانيات دى والسعر ده ويكون مفتاحها حتى مفهوش فتح وقفل علي فكرة انا ركبته فعلا فى التوكيل من اسبوع وقلت بكملت مصاريف واعتبرت ان العربية كان سعرها زيادة 1000ج واقنعت نفسى بكدة بس هقول لكم المفاجاة اللى ماحدش كتير يعرفها عشان اللى بيفكر يركب الجهاز ده من التوكيل:-
اولا هو عبارة عن زرارين فقط فتح وقفل حتى مفهوش زر امان لعدم الضغط بدون قصد علي زر الفتح مثلا بعد غلق السيارة
ثانيا والكارثة انه لو حضرتك دوست علي زر الفتح دون قصد المفروض وده موجود فى الريموت الصينى اللي تمنه100ج ان السيارة لو مفتحتهاش تقفل لوحدها بعد عدة ثوانى ولكن للاسف هذا غير موجود وكانك تركت السيارة سداح مداح للي يسرقها بدون قصد
ثالثا امكانياته ضعيفة والاوبشنز فيه يكاد معدوم وسمعت ان السرينة ماتشتغلش غير لما حد يحاول يدور العربية فقط اما فى حالة كسر الزجاج فلا حياة لمن تنادى
واخيرا وبكدة هم مابيرحموش ولا يخلو رحمة ربنا تنزل المفروض حتى يحددو اى نوع من برة ولو حتى غالي بس يحققلى الامان اللى عايزه
واخيرا وليس اخرا اتمنى انى اكون وصلتلكم المعلومة الصحيحة وسلامى لكل اخوانى بالمنتدى

[MoToRiZeR]

انا كمان معاك ان شكل مفتاح الشقة احسن من المفتاح ده بس هنعمل ايه وبستغرب عربية بالامكانيات دى والسعر ده ويكون مفتاحها حتى مفهوش فتح وقفل علي فكرة انا ركبته فعلا فى التوكيل من اسبوع وقلت بكملت مصاريف واعتبرت ان العربية كان سعرها زيادة 1000ج واقنعت نفسى بكدة بس هقول لكم المفاجاة اللى ماحدش كتير يعرفها عشان اللى بيفكر يركب الجهاز ده من التوكيل:-
اولا هو عبارة عن زرارين فقط فتح وقفل حتى مفهوش زر امان لعدم الضغط بدون قصد علي زر الفتح مثلا بعد غلق السيارة
ثانيا والكارثة انه لو حضرتك دوست علي زر الفتح دون قصد المفروض وده موجود فى الريموت الصينى اللي تمنه100ج ان السيارة لو مفتحتهاش تقفل لوحدها بعد عدة ثوانى ولكن للاسف هذا غير موجود وكانك تركت السيارة سداح مداح للي يسرقها بدون قصد
ثالثا امكانياته ضعيفة والاوبشنز فيه يكاد معدوم وسمعت ان السرينة ماتشتغلش غير لما حد يحاول يدور العربية فقط اما فى حالة كسر الزجاج فلا حياة لمن تنادى
واخيرا وبكدة هم مابيرحموش ولا يخلو رحمة ربنا تنزل المفروض حتى يحددو اى نوع من برة ولو حتى غالي بس يحققلى الامان اللى عايزه
واخيرا وليس اخرا اتمنى انى اكون وصلتلكم المعلومة الصحيحة وسلامى لكل اخوانى بالمنتدى

انا بقترح علي حضرتك تكلم رقم دايهاتسو و تقدم شكوي في قسم الشكاوي و توضحلهم إنك دفعت مبلغ كبير في الإنذار و لكنه في المقابل مش بيديك الأمان المناسب كجهاز إنذار و في نفس الوقت لازم متركبش أي نوع تاني .

و يا ريت اللي لسة مركبش و عايز يركب برضه يعمل كدة .. و أكيد هيبقي فيه حل بس لازم وجهة النظر توصل الأول .

[M.Mosaad]

طب انا من رايي اننا نتبني دعوه ان اي حد بيدخل معانا يتصل الشكاوي و يطلب و يقول رايه لان فعلا كدة مش كويس و اعتقد ان توكيل ديهاتسوا توكيل محترم بيهتم بارائنا و فعلا ناي موتورز ليه عندهم اهميه خاصة جدا فاياريت اللي يتصل يقول ان الموضوع دة مثار في المنتدي و ناس كتير بتشتكي منه ----- لاني فعلا و انا بعمل صيانه ال 10000 قلت في وسط الكلام اني عايز تخفيض نايل موتورز لقيته فعلا شالوني من علي الارض شيل و عملوا التخفيض و ظبطوا حاجات تانيه في العربيه كنت عايزها و متتحتشي في الفاتورة " حاجات خفيفه طبعا " يعني انا هتصل بالتوكيل بكرة و اقول علي الموضوع دة و اتمني اي حد بيقرا المضووع دة يعمل كدة و مش فيالريموت بس في اي كماليه للعربيه ---- علي فكرة انا كمان سالت علي الفوانيس الشابروة لقيتها ب 900 جنيه برضة مبلغ مبالغ فيه

و شكرا للجميع