سير الكاتينة اتقطع!!

[mohamed_rhem]

اولا منورين يا شباب الديهاتسو
سير الكاتينة اتقطع وانا رايح بنها بعد قليوب بكام كيلو كده
طبعا انا معايا شاريد القديمه 90 ال 1000 سي سي
المهم ابدأ في سرد القصه

وانا ماشي حسيت ان القدرة قلت مفيش سحب والعربيه دايره عادي
ادوس بنزين مفيش

المعهم اديتها انتطارات ومسكت اليمين لحد اما وقفت
اجي ادور صوت غريب وكأن المارش معلق صوت زنه ومفيش لاقط
المهم راجعت علي كل حاجه وبرضه بحاول ادور الفيوزات المبينه
غلبت ورحت ناده ميكانيكي جه قالي دور وسمع الصوت وقالي ده سير كاتينة

انا قولت طاقم صبابات اقل واجب

اخدتها ورجعت بيها حدائق القبه وحليت الموتور

فعلا طاقم صباب وطبعا الوش راح للخراط مختار الخراط اللي في اول كوبري التجنديد ده احسن واحد متخصص في وش الموتور

وبالمره قولت اعمل طاقم شنبر

وكانت التكاليف كالاتي
سير كاتينه مدور 60
بلي كاتينه 60
طاقم شتبر 80
طاقم جوانات كامل 60
جوان اضافي وش سلندر 15
2 اويل سيل كوبلن 50
طاقم صباب 135
فلتر زيت 15
انبوب سليكون 10
الاجمالي 485

نجي بقه للمصنعيات

الخراط 90
الميكانيكي من 150 الي 200 لسه مدفغتش

وربنا يسهل والعمره تطلع تمام ادعولي

[محمد ابراهيم 1]

معلش الحمد لله على كل شىء

وفداك كل ده
لكن ابقى خد بالك من مواعيد الصيانة عشان أهم حاجه فى العربيه سير الكتينة

[عزيز محمد]

ربنا يعينك يا أستاذ محمد.

ياترى السير اللى كان راكب بقاله قد إيييه؟؟

وجبت لوازم العمرة اللى حضرتك ذكرتهم منين؟؟

[mohamed_rhem]

معلش الحمد لله على كل شىء

وفداك كل ده
لكن ابقى خد بالك من مواعيد الصيانة عشان أهم حاجه فى العربيه سير الكتينة

الاستاذ محمد
إن شاء الله اخلي بالي واغير بعد 50 الف

ربنا يعينك يا أستاذ محمد.

ياترى السير اللى كان راكب بقاله قد إيييه؟؟

وجبت لوازم العمرة اللى حضرتك ذكرتهم منين؟؟

الاستاذ عزيز
بصراحه انا العربيه معايا من رمضان قبل اللي فات وبغير باستمرار في الحاجات اللي بحس انها ممكن تعملي مشكله
زي ماستر الفرامل الدينامو العفشه الكاوتشوك
انما الموتور بصراحه كان محتاج طاقم شنبر فكنت مستني شويه واعمله كمان كام شهر بس واضح ان بلي الكاتينه هو اللي قفش
انت لو عربيتك شاريد وعايز تجيب من الاخر روح للاوشين الحرفيين
عنوانهم انا حاطه في موضوع الاخ ابو عبدالله كاتبه عن اماكن ومحلات قطع الغيار
هما ناس محترمين ومتخصصين انا دوخت كتير براهم بس ده مش معناه ان مفيش غيرهم الشرقاوي والفاروق وزيزو بس مش حتلاقي كل حاجه عندهم
واي استفسار انا تحت امرك

[cybrarian]

الاخ العزيز

طبعا الحمد لله على كل شئ، انا معايا نفس عربيتك بس موديل 91 اعتقد مفيش فرق بينهم.

لما تفتح الكابوت مكتوب بالانجليزي والياباني يجب تغير السير كل 100.000 كيلو، لكن محدش في مصر مقتنع ب 100 الف والكل ينصح بتغييره كل 50 لو 60 الف، والحقيقة هما 100 الف كيلو بمعايير الصناعة في التسعينات، لكن دلوقتي كل حاجة اي كلام.

بس انا ليا سؤال انت اشتريت الحاجات دي منين ؟؟ انا اول ما اشتريت العربية غيرت السير وجبت المدور ياباني اصلي بـ 120 جنيه!! انت كاتب 60 جنيه، يا ترى دا صناعة ايه ؟؟ وياريت تقولي جبته منين ؟؟

طبعا نصيحة عامة الكل يعرفها ولكن نؤكد عليها، يجب تغيير السير عند شراء العربية عشان تقدر تحسب عدد كيلوهات السير من ساعة ما اشتريت العربية

مع خالص تحياتي

[mohamed_rhem]

الاخ العزيز

طبعا الحمد لله على كل شئ، انا معايا نفس عربيتك بس موديل 91 اعتقد مفيش فرق بينهم.

لما تفتح الكابوت مكتوب بالانجليزي والياباني يجب تغير السير كل 100.000 كيلو، لكن محدش في مصر مقتنع ب 100 الف والكل ينصح بتغييره كل 50 لو 60 الف، والحقيقة هما 100 الف كيلو بمعايير الصناعة في التسعينات، لكن دلوقتي كل حاجة اي كلام.

بس انا ليا سؤال انت اشتريت الحاجات دي منين ؟؟ انا اول ما اشتريت العربية غيرت السير وجبت المدور ياباني اصلي بـ 120 جنيه!! انت كاتب 60 جنيه، يا ترى دا صناعة ايه ؟؟ وياريت تقولي جبته منين ؟؟

طبعا نصيحة عامة الكل يعرفها ولكن نؤكد عليها، يجب تغيير السير عند شراء العربية عشان تقدر تحسب عدد كيلوهات السير من ساعة ما اشتريت العربية

مع خالص تحياتي

كلام حضرتك سليم 100%
فعلا السير اللي ركبته مكنش في علبه زي باقي السيور لان اللي لاقيته في علبه حسيت ان مخزون
هو مكتوب عليه صناعه ياباني
انا لولا ثقتي في محل اوشين الحرفيين مكنتش اخدته
بس هما عندهم امانه لو تايوني بيقولو او حتي فوانيس الاشارة صيني بيقول
اعتقد انه داخل البلد بشكل او بأخر مش في علب
انا الحمد لله استلمت العربيه واول 10 كم عملتهم انهارده
بس العربيه تقيله مووووووووووووووت وصوتها عالي
عموما الميكانيكي بيقول العمليه حتتظبط بعد 1000 كم حيظبط تاكيهات وتكون العربيه لينت

[jagu]

فعلا من الاخر انا بلاقى حاجة الشاريد عند اوشين اللى فى الحرفيين حتى محلات قطع غيار كتيره دلتنى عليه أنا لسه جايب طقم سيور من يومين ورقم تليفونه 26974705

[mohamed_rhem]

اخر حاجه بعد قطع سير الكاتينة 1

و قتح الكابوت2


امبارح العربية جابت تقريبا جوان وش سلندر

كنت راجع من هايبر ورايج بنها برضه

وانا علي الدائري معايا المدام والاولاد ومشغل التكييف لما اشيل رجلي من علي البنزين اخد غيار مثلا او اهدي خصوصا الدائري كان زحمه الاقي لمبه الزيت نورت والتكييف فصل
واتكرر اكتر من مرة
طفيت التكييف وتانتني ماشي احد لما نزلت نزلة نفق قليوب وراحه الحراره ارتفعت جدا

لاقيت العربيه موتورها سخن جدا ومفيش مية
اكتشفت ان الخرطوم اللي خارج من الردياتير ومدي الموتور مقطعوعة
المهم قطعت بعد القطع وركبت وزوت ميه ومشيت
بس العربية كانت متبرجلة

مكنتش قادر اميز صوت الموتور خصوصا مع عياط الاولاد

لكن مفيش 10 كم والحرارة عليت ونزلت ازود ميه المره ده اخدت بالي ان في بسام قاطع

وزودت ميه مرتين كمان تقريبا كل 10 الي 15 كم

المهم وصلت بنها

وروحت لميكانيكي سوزوكي

الباشا صبي الميكانيكي
العربيه انا رايح شغاله بشتكي من حاجتين
البوجي القاطع والميه اللي بتنقص

المهم الباشا خلاها قطعت خالص
قعد ساعتين ومعرفش يدورها

روحت لواحد تاني عند نادي الشبان المسلمين
وبرضه الصبي اللي اعد يعك

هاااااااااااااات بوجيهات
هاااااااااااااات ابلاتبن
العطل زي ما هو
وفي النهايه ركبو موبينه من عندهم
واضح انهم بوظولي بتاعتي
والعربيه دارت وبيبص الاسطي لما جه لاقي بوجي رقم 2 عليه ميه

قالي ده جووووووووووووووووووان وش سلندر

قطرتها ورجعتها حدائق القبه تاني
وربنا يستر وتبقي بسيطه

[hkyfgvyiyu]

قدر الله وما شاء فعل

[mohamed_rhem]

التكلفة لغايه دلوقت

جوانين وش سلندر 30 جنيه
جوان مانفول 10 جنيه
جوان فرن شكمان 10 حنيه
خرطوم من الردياتير للموتور 20 حنيه
غطاء ردياتير 20 جنيه
فلتر زيت 15 حنيه
سليكون 8 جنيه
الاجمالي 113
خراط مسح الوش 30 حنيه
ولسه الزيت والمصنعيه وما يستجد

[shaltot]

الف سلامة ليك عموما لو حصل حاجة تاني لاقدر الله لك الشر في ميكانيكي دايهاتسو اسمه عادل في احمد عصمت وهو متخصص وتليفونه 0121894422