مطلوب تقييم الدايهاتسو ماتيريا

[Migo123]

انت عارف المشكله في اللي يشتري العربيه دي انه لازم يستحمل الناس اللي لسانها زالف زي صاحبك كده ............
انا بقه ليه واحد صاحبي برضه لسانه زالف كل ما يشوف واحد راكبها يفتح الشباك ويطلع راسه ويبص للراجل ويقولو بعلو صوته وحدووووووووووووووووووه .... دنيا فانيا والزمن كباس...

[fahd_628]

شكرا يا باشا على الموضوع الجميل

[PAYOO]

سؤال للصديق العزيز مشرف ساحة دايهاتسو

هل كلمة السيده المطلقه أو (الست المتطلقه "بالعاميه") كلمه خارجه عن الاداب العامه ؟؟؟

سؤال أريد الأجابه عليه من فضلك

وإن تكرمت هل أستطيع أن استخدم كلمة السيده الأرمله ؟ أم انها خارج الأداب العامه كذلك؟؟؟

أم ان الموضوع طالما به أنثى أصبح عيب وحرام ؟؟؟

أرجو الرد

[أبو عبدالله]

كل ما في الأمر ان الكلمة ولا هيا عيب ولا حرام ولكن في سياق الكلام المكتوب كان واضح انها يترمي الى معنى آخر اكيد غير مقصود ولكن ده أدى الى ان احد الأعضاء كتب تعليق لا يليق بالمنتدى
ولذلك حذفت الكلمه لأنها موضوعه في سياق يفهم منه كذا معنى ........
ولكن كان اول رد على الكلمة بالغلط

[PAYOO]

كل ما في الأمر ان الكلمة ولا هيا عيب ولا حرام ولكن في سياق الكلام المكتوب كان واضح انها يترمي الى معنى آخر اكيد غير مقصود ولكن ده أدى الى ان احد الأعضاء كتب تعليق لا يليق بالمنتدى
ولذلك حذفت الكلمه لأنها موضوعه في سياق يفهم منه كذا معنى ........
ولكن كان اول رد على الكلمة بالغلط

يا صديقي يبقى كان المفروض تحذف الرد إللي فيه غلط مش الكلام إللي أنا كتبته

وكمان كان لازم تنوه عن المحذوفات في الساحه الخاصه بالمحذوفات بساحة المشرفين

وايضا أرى أنه لا يوجد أثر للردود التي بها فهم خطأ لمصطلح السيده المطلقه فمن المعروف أن السيده المطلقه تكون سيده كئيبه وحالها تعيس لما أحل بها من موقف صعب وهو الطلاق إذا السياره من وجهة نظر صديقي صاحب المصطلح يرى أن السياره كئيبه وتعيسه المنظر مثل السيده المطلقه على حد تعبيره

[أبو عبدالله]

اولا يا هاني انا حاسس انك زعلان مش عارف ليه ولكن
الرد تم حذفه وكان قبل ما ساحة الحذوفات تتفتح أصلا
وانت مشفتش الرد وانا مش هقدر أقوله تاني .........

ومع ذلك متزعلشي نفسك
أحنا أسفين

[Karim_Monir]

شكرا ميمو لاهتمامك
العربيه طبعا لاسره... و مهم قوي انها تكون واسعه من جوه لاني بحب اسافر كتير بالعربيه مع الاسره .... واهم حاجه يكون التسارع بتاعها كويس جوه البلد لان هو ده السبب الرئيسي لتغيير عربيتي الحاليه اللي مفيها مشكله غير كده (خانقاني)..... ها ابيع خلال قد ايه دي بقه الله أعلم بس انا عموما بزهق بسرعه وبحب أغير بس ده يعتمد على حاجات تانيه كتير غير الزهق (انت اكيد فاهم ) .... كمان الاستابلتي مهم جدا لاني احيانا بأسخن واجري على الطرق السريعه ....
الماتيريا عاجبني شكلها جدا -- الشنطه بس انا حاسس انها ضيقه شويه و عدم تجربتها مخليني قلقان شويه
الواجا --- انا شايف انها مش وحشه بس بصراحه مش حابب شكلها هي من جوه جميله جدا بس من بره مش جايه داخلهع دماغي.
التريوس --- غاليه
الجين تو --- جميله بس مش واسعه
اللانسر --- من ضمن الاختيارات المطروحه(خليجي) بس انا مش بحبها.... خصوصا اني مش عايز اتوماتيك والمانيوال الكلاسيك فيها اوبشن كتير ناقصه وانا ما احبش كده.
الماتريكس ---- حلوه بس خايف من التوكيل بصراحه. وموضوع انها بقت عربيه حريمي (في الاغلب) مضياقني برضه

شكل كده في الاخر ها ادور على BMW 316 موديل 92 - 95 أيه رأيك
او سوزوكي فيتارا 2000 مثلا

ماذا تفعل لو كنت مكاني............................
ماذا تفعل لو كنت مكاني ...

نفس الاختيار اللي بفكر فيه دلوقتي
316-29-95
زي دي كدة

http://www.car100100.com/car_details.php?car=624

[PAYOO]

اولا يا هاني انا حاسس انك زعلان مش عارف ليه ولكن
الرد تم حذفه وكان قبل ما ساحة الحذوفات تتفتح أصلا
وانت مشفتش الرد وانا مش هقدر أقوله تاني .........

ومع ذلك متزعلشي نفسك
أحنا أسفين

لا لا أنا مش زعلان خالص ... بدليل أني بتكلم معاك أمام الناس كلها عشان يعرفوا إن أحنا عندنا من المرونه والنقاش الجاد قدر كبير جدا وأننا جميعا سواسيه ولا فرق بين عضو ومشرف ومشرف عام
وأنا احترمت جدا وجهة نظرك وقولت أتكلم معاك عشان نثبت للناس إن ما فيش حد هنا فوق الحذف وحوارنا ده أكبر دليل وكمان قدرنا نوضح أسباب الحذف

[Migo123]

نفس الاختيار اللي بفكر فيه دلوقتي
316-29-95
زي دي كدة

http://www.car100100.com/car_details.php?car=624

حلو اوي يا كريم ..... انا سبق قبل كده قلتلك ان دماغنا واحده :lol:
بس نفسي تشرحلي ايه علاقة الموقع ده car100100.com بسوق العاشر لاني ملاحظ ان كل العربيات الموجوده فيه تقريبا متصوره وهيه واقفه في السوق
والبي ام بالذات في واحد عامل اعلان عن حوالي 5 عربيات كلهم احلى من بعض بصراحه
انا نفسي في عربيه تكون اول يد مرفوعه حوالي 7 - 8 سنين والعداد مش اكتر من 70 الف :twisted:

[kimoboy]

Re: تقييم الدايهاتسو ماتيريا

It need just sometime, so people can get used to the looks

انا جربت العربية دي لأني كنت بفكر اجيب واحدة, أولا منكرش ان شكل العربية غريب شويه, لكن معتقدش انها توصل
لمرحلة دفن الموتى. العربية من جوة واسعة بطريقة مدهشة لدرجة استحالة توقع الحجم الداخلي للصالون الا اذا شفتو فعلا. فيها استخدام ممتاز للشنطة لوجود مستى فيه الإستبن, و مستوى متقسم علب للعده و غيرها, دا غير الشنطة نفسها. بالنسبة لحجم الشنطة و الكنبة الخلفية فهو ممتاز, و يمكن زيادة كل منهم بس على حساب الآخر لأن الكنبة الخلفية - و هذه من الصفات الفريدة في العربية دي- يمكن تحريكها للأمام و الخلف. التابلوه و فرش الكراسي و الأبواب رائع و من اجود الخامات. العربية فيها سي دي بلاير بيشغل بردو ام بي 3 و دبليو ام ايه, و راديو ديجيتال. العادادات رائعه و فخمة. جزء منها امام السائق, و جزء في منتصف التابلوه (العيب الوحيد اللي لاحظتو في العدادات عدم وجود مؤشر حرارة بس اكيد طبعا فيه لمبة تحذير و ان لم اتشرف لحسن الحظ برؤيتها :roll: )

بردو من الحاجات الغريبة في العربية دي الإريال, متركب عى السقف ورا بس في الجنب الشمال و ليس في منتصف السقف كالعادة. الجنوط سبور 15" و زجاج الأبواب الخلفية و الزجاج الخلفي للسيارة ملون. فيه اتنين اير باج للسائق و الراكب بجانبه, و لكن الخبر الغير سعيد لمحبي المانيوال انها لا يوجد بها نظام ايه بي اس إلا في الموديل الأوتوماتيك. و لكن الخبر السعيد ان الفتيس الأوتوماتيك استجابته رائعه (انا مش من مشجعي الأوتوماتيك)و مع ذلك الفتيس دا بالذات عجبني جدا. العربية مش عاليه عن الأرض (زيها زي معظم العربيات الصالون) 15 سم

نيجي بقي للموتور 1500 سي سي 2 كامة انجكشن 103 حصان على 6000 ار بي ام (ممتاز بالنسبة لـ 1500) و عزم الدوران 132 نيوتن/متر على 4400 ار بي ام و كل ده شيء عظيم.

اللي اجمد من ده كله هو الوكيل (عبد اللطيف جميل) و ده مش محتاج لتعريف. يعنى العربية ممتازة و مش ناقصها حاجة, و عائلية من الدرجة الأولى. تقريبا الأوتوماتيك كانت بـ 103 او 105 الف مش فاكر بالضبط.(و بردو احتياطى الجدول المرفق فيه مواصفات العربية بس ال 1.3 منزليتش مصر)
ارجو اكون قد افدتك بشيء.

[kimoboy]

Any bad thing with it.

انته كده اسعدتني جدا لن ده معناه اني أول واحد في مصر يعمل تست درايف :mrgreen: فعلا انا جربتها عند الموزع بس فيه سبب. انا كنت عايز مانيوال, و لما لقيت ان المانيوال ما فيهاش ايه بي اس رفضتها تماما, فهوه حاول يقنعني بالأوتوماتيك و لقيتها ممتازة. بصراحه مش هعرف افيدك في موضوع عصاية المانيوال لأني مجربتهاش, و بعدين بصراحة العربية دي علشان تتركب صح لازم تكون اوتوماتيك.

:shock: