باركولي يا جماعة..

[boki_shomakhar]

إلى كل الأخوة والأخوات الدايهاتسوية.. باركولي أنا جبت ميرا اتوماتيك 1999
العربية نظيفة جدا جدا جدا.. وانا بقالي أسبوع بسوقها كل يوم وخلاص وقعت في غرامها .. أحلى حاجه فيها حجمها تعدي من أي حته وتركن في أي حته.. :k46:
وان شاء الله هنزل صورها قريب..
سؤالين بأه:
1- الشكمان عايز كاوتشتين من التلاتة عشان بيتهز جامد لأن الكوتشتين طريوا، أجيبهم منين وبكام؟
2- الموتور بيعمل رجه خفيفية في التابلوه بس لما أسخنها وأمشي تقريبا بتختفي وهي بتترج أكتر على D أو R فهل دي قواعد موتور عايزه تتريح مثلا وأوديها فين وتتكلف كام؟

معلش أنا نسيت سؤال ثالث:
3- معظم الفرش ما فيهوش فتحة عشان يطلع منها حزام الكراسي الخلفية وأنا مهم عندي لأني بستعمله عشان كرسي أطفال..مين عنده فرش فيه فتحة حزام الأمان اللي ورا (كله مش اللي في الجنب بس)؟


شكرا لكل المنتدى الجميل ده أنا استفدت منه جدا فيما يخص السيارات.

[BlueFlower]

الف مبروك يا باشا وربنا يباركلك فيها يا رب

[boki_shomakhar]

الف مبروك يا باشا وربنا يباركلك فيها يا رب

مرسي جدا على ذوقك
بس يا ريت يا جماعة حد يرد عليه ولا عشان انا واحده ست ما حدش هيعبرني

[askoda]

Million Mabrouk

Check this topic :

http://www.nilemotors.net/Nile/showthread.php?t=70429

[Imhotep]

الف مبروك...... يديك خيرها و يكفيك شرها.....

[boki_shomakhar]

طيب أنا عايزه رد على أسئلتي لو سمحتم

[عزيز محمد]

يا افندم اتفضلى إقرأى هذا الموضوع اللى الأخ الفاضل askoda قال لك عليه

http://www.nilemotors.net/Nile/showthread.php?t=70429

وهتلاقى أجوبة على كل أسألتك إن شاء الله

[hhhmmmzzzz]

اولا الف مبروك السيارة وربنا يبارك ليكى فيها
ثانيا انا مش فاهم ايه علاقة الفرش بحز ام الامان اللي فى الكرسى انا مركب قبل كدة فرش فى3سيارات ومافيش علاقة بين نوع الفرش ولكن عند التركيب بعض الناس مابيحبوش يكون فيه حزام امان بالخلف علشان بيضايق الناس اللى تقعد بالخلف واعتقد ده بايد السروجى نفسه ممكن يرجعه وراء فى حالة طلبك عدم استخدامه فلو عايزة ترجعيه تانى اى سروجى سيارات يعدهولك من تحت الفرش لمكانه تانى
ثالثا الاخوة الافاضل ردوا بالنسبة لموضوع الميكانيكا فياريت تتابعى اللينك وهيفيديك كتير.
واخيرا استمتعى بسيارتك واهلا بك فى العائلة الدايهاتساوية

[boki_shomakhar]

أنا متشكرة جدا على كل الردود
ويا ريت أي حد عنده أي معلومات أخرى عن صيانة العربية دي يقولي..أنا أصلي من الناس اللي بتحب تحترم العربية..وبرتبط بيها عاطفيا..

[Islam Amer]

الف مبروك

وربنا يحمهالك ويكفيك شرها

[SeMo_SiRiOnY]

الف مبروك علي العربية
ربنا يديك خيرها ويكفيك شرها

[bNile]

الف مبروك.
ممكن نعرف ثمن الشراء؟ علشان كنت بدور على واحدة زيها للمدام.

[SOBKY]

الف مبروك ... و اختيار ممتاز بجد.
ربنا يباركلك فيها ...

[mohamed_rhem]

congratulation Nice car

[boki_shomakhar]

الف مبروك.
ممكن نعرف ثمن الشراء؟ علشان كنت بدور على واحدة زيها للمدام.

السعر 33000 بعد الفصال... كان مطلوب فيها 35000

ده في شهر 4 اللي فات .. اليومين دول سعرها نزل لحد 32000 قبل الفصال