ماذا بعد السيريون -- استطلاع

[M.Mosaad]

طبعا اعتقد الحمد لله كل اللي جاب العربيه دي مبسوط منها جدا و مكفيه كل احتياجاته بس انا حبيت اعمل موضوع لاني ناوي كدة كمان سنه انشاء الله اغير مش علشان وحشة لا علشان اجيب حاجة احلي و كنت عملت موضوع قبل كدة سالت الاخوة الافاضل عن اني اجيب التيريوس بعد السيريون و حسبت من الردود اني ممكن اندم لان اداؤ السيريون الرياضي و السحب و السرعه مش متوفرة في التريوس اللي هي عائليه اكتر
فلو انت ناوي تحط في عربيه من 150 لحد 170 الف ايه اللي ممكن تجيبه بعد السيريون و نحس بالفرق و عربيه تكون نفس المواصفات اللي في السيريون الاداء الرياضي و االسحب و في نفس الوقت واسعه من جوة و عائليه و شكلها ثوري لان دي فعلا كلها مميزات موجودة في السريون و اتمني كل واحد بتفضل يرد علي الموضوع يقول اسبابه يعني انا معجب جدا بالسيات ليون بس المشكله انها مانيوال بس و اتا بحب الاتوماتيك اكتر بس مش مشكله ممكن نقول اي نوع علشان الكل يستفاد لان اكيد في كتير بيفكروا تفكيري و محتارين برضة لان العربيه دي فعلا قرار تغييرها صعب
شكرا ليكم كلكم

[M.Moustafa]

الاختيارات عندك كتير جدا بس حضرتك لازم تحدد انت عايز تركب ايه، ياباني او اوربي او كوري لانك في الرينج اللي بتتكلم فيه هتلاقي اختياراتك كتيره جدا من الميجان والسيفك والجيتا والاوكتافيا والمازدا 3 و الكرولا فحضرتك الاول لازم تقرر انت ايه احتياجاتك للعربية وبما انك بتحب الليون فانت ممكن تبدا تفكر في الاوربي يبقى قدامك الميجان الفل اوبشن و عندك كمان الجيتا والاوكتافيا

[adel1414]

الجيتا بصراحة عربية محترمة

[hhhmmmzzzz]

hالاختيار ده افتكر فى المقام الاول حرية شخصية كل واحد بيرتاح لحاجة معينة او بمعنى ادق انت عايز ايه يكون اهم فى العربية واعتقد ان بالسعر ده تكون البدايل امامك كتير ومفتوحة انا عن نفسى بعشق زيك السيارة الليون لما شفتها فى المعرض بس اول مرة اعرف انه مافيش منها اوتوماتيك بس عندك تانى الاوبل استرا عربية تحفى خصوصا البانوراما منها وقريبة فى الشكل من الليون وواسعة وطبعا كفاية انها المانى وانا من رايي لو غيرت اليابانى يبقى مافيش احسن من الالمانى وعلي فكرة انا بالنسبة لي احسن من الفيكترا لانها سيارة كبيرة صعبة الركن خصوصا فى شوارع مصر المحروسة حتى لو ركنتها هتلاقى 100واحد يريح عليها عشان يزنق عربيته وانت عارف العربيات القديمة واكصدامتها الحديد وربنا يستر طريقك ويبارك لك فى اختيارك
ملحوظة لازم انت تكون مقتنع بالعربية اللى هتجيبها بغض النظر عن ارائنا عشان تستمع بعربيتك وتعيش فيها حياتك مثلا انا لم جبت السيريون كل الناس خوفتنى من التوكيل وعدم الانتشار وكونت ممكن اجيب بنفس التمن لانسر او اوبترا او اكمل شوية واجيب سيراتو بس انا كنت مقتنع بيها ومستمتع لحد دلوقتى بيها والله الموفق

[mimo9800]

انا من رايي ان حضرتك تشتري هوندا سيفيك.... ياباني برده و شكلها فظيع و اوبشنز عالية

[M.Mosaad]

انا بصراحه كل يوم بيثبت ان المنتدي دة من احسن الحاجت اللي الواحد اكتشفها علي الانترنت ناس كلها زي الفل بصراحه شكرا لكل الردود
بس انا ليا تعليق بسيط انا نفسي نخليه موضوع عام يعني كل واحد ينكلم هو ممكن يجيب ايه يحس بيه بفرق عن السيريون من القخامه و الاداء و التوكيل يعني يبقي مرجع لكل اللي عايز يغير السيريون و كمان تبقي افكار ثوريه و مش لازم تكون العربيه منتشرة لاني لما جبت السيريون زي ناس كتير كنت معدي قدام المعرض صدفه و كنت مفكر في حاجات تانيه خالص و لما قعدت فيها قررت علطول اشتريها لان في فعلا عربيات رائعه و مش منتشرة
بالنسبة للردود بقي
الاخ العزيز محمد مصطفي
المازدا اعتقد قطع غيارها غاليه شوية دة من كلام الاخوة عنها
الكورولا من الحاجات اللي بفكر فيها جدااااااا شكلها شيك اوي
الجيتا و الااوكتافيا معرفش اخبار قطع الغيار ايع و هل ادائهم حلو و لا لأ و كمان مش عارف ليه بحس انهم غاليين علشان مطلوبين في مصر و علي فكرة كان في اخ كريم عامل موضوع عن القرطبه و قال انهم في التوكيل بيقولوا عليها جيتا ب 120 الف جنيه
انا بتكلم عن التوب بتاعتها ايه رايكم في العرييه دي لان شكلها من برة شيك برضة

الاخ اتش ام الاوبل تحفه بجد و برضة بفكر فيها اوي بس مش عارف بحس منصور توكيل اي كلام علشان اعلاناته كتير اوي بس هي شكلها جبار اوي

ايه رايكم كمان في الامبريزا كمان بسمع عنها كلام حلو كتير
اسف للاطاله
و انا غرضي الاساسي ان كلنا نستفاد لان في كتير اكيد بيفكر بعد السيريون هيجيب ايه
شكرا ليكم جداااااا

[ضيف]

و أخبار دايهاتسو (ماتيريا) بالنسبة لحضرتك ؟
سؤالي لحضرتك لأني حاسس إنك و لله الحمد مرتاح مع سيريون كسيارة و وكيل

[M.Mosaad]

الاخ خالد
الماتيريا في راي احلي شكل عربيه موجود دلوقتي و اللي بيركبها فعلا بيبقي صاحب ذوق خاص جدا فعلا انا قعدت فيها في التوكيل و قفلت الباب بحس اني اتنقلت دنيا تانيه بجد بس انا من الحاجات اللي مضايقاني في العربيه بصراحه الفخامه الداخليه لكل موديلات الديهاتسو بحس انها مش اد كدة و دي برضة مشكله الماتيريا مش عارف الفرش بحس انه عادي جدا حتي معلوش لوجو العربيه التابلوه بلاستيك الدركسيون عادي مش ملتي فانكش التكييف مش تاتش المفتاح عادي و مش السيريون بس طبعا انا بتكلم عن المايتريا كمان و التيريوس لان شريحتهم السعريه عاليه مش قليله اكيد في اخوة كتير حاسيين بكدة برضة اصرار التوكيل ان اي حاجة خاصة بالكهرباء تبقي من تركيبة و من عنده كمان يمكن التيريوس بلاتينيوم شوية نزلوا فيها اضافات حلوة يعني هما لو فخموا العربيه شوية

[ضيف]

بصراحة اثناء رحلتي للبحث عن عربية زيرو لفتت نظري جدا (ماتيريا) لكن للأسف المرحلة السنية (47 سنة الشهر الجاي إذا كان في العمر بقية) و إحتياجاتي الأسرية و ما تفضلت به حضرتك و تكلمت عنه جعلوني ألغي الفكرة مع الإحتفاظ بإحترامي لها (أرفع لها القبعة)

[M.Mosaad]

خالد باشا مرحلة سنيه ايه دة 47 دة عز الشباب ربنا يديك طوله العمر

بس علي فكرة الماتيريا دي فيها ميزة قويه جدا انها ملهاش سن معين يعني لو ركبها شاب 20 سنه مثلا هيبقي روش و لو ركبها راجل عجوز 60 سنهة هتبقي كلاسيك لان فعلا شكلها مناسب كل الاعمار مشكلتها ان كل ماقول لحد عليها يقولي دة شكلها وحش و مش عارف ايه و لما تعدي قصادنا كله يتنح ليها و عائليه جدا كمان
ايه ياجماعه اراءكم في الامبريزا و القرطبه
و شكرا

[ضيف]

مش بقول لحضرتك (ذكرتني بالذي مضى)
هو مش مضى قوي الحكاية كلها سنة و كام شهر
الإتنين أجمل من بعض
الإمبريزا وقتها بعدني عنها سببين : وقتها كانت هاتش باك بس , زرت مركز خدمة أبو غالي بجسر السويس و إتفرجت و سألت مهندس الإستقبال عن الصيانات و تكلفتها لقيتهم (وقتها) بغيروا موبيل 1 كل (5000 كم) مشيت.
كوردوبا الحقيقة جميلة جداً بس بالنسبة لي الصالون ضيق حبتين.
على فكرة كان قبل ما أشتري أي حاجة كان معايا حمالة الأسية لانوس (99) علشان أحكي كنت موضب فيها إيه , دي لوحدها عايزة أفتح موضوع جديد غير إهتمامي بأغلب صياناتها في التوكيل.
أتمنى لك التوفيق من قلبي .
آسف للإطالة.