ضغط الهواء الصحيح لعجل السيريون كام؟؟

[_hany_]

كنت عايز أسأل اهل الخبره عن الضغط المظبوط اللي المفروض أظبط عليه عجل السيريون،انا عندي العربيه Glx يعني العجل جنوط مش العادي.؟
يعني عايز أعرف أدخل بنزينه أقول للراجل اظبط على كام؟؟
و كمان لو فيه أي نصايح بخصوص ظبط العجل ياريت محدش يبخل علينا.. و شكرا لكم

[mimo9800]

انا عربيتي Gl بس بظبط الكاوتش علي 30 بس قالولي في الصيف اظبطه علي 28
و ياريت جضرتك تظبطه عند واحد عنده جهاز ضبط ديجيتال مش عادي

علي فكرة انا من جنب المنصورة و ياريت لو نتشرف بمعرفة حضرتك و يا رب اكون افدتك

[aliabutaleb]

مكتوب على القايم 28

[معاذ الشرباصى]

مكتوب على القايم 28

هو فعلا مكتوب على القايم الشمال, اللى هو بين الباب الشمال الامامى و الخلفى.

بس الرقم تقريبا 31 للاربعة.

[medo_sirion]

28 علشان متخبطش معاك فى المطبات وخصوصا طرق مصر

[_hany_]

شكرا جزيلا يا شباب، ان شاء الله انزل اظبطه قبل ما أسافر،
أستاذ "mimo9800": أتشرف بمعرفتك طبعا يا باشا. انا ساكن في طلخا بس شغلي في القاهره و بنزل كل اسبوعين.

[aliabutaleb]

هو فعلا مكتوب على القايم الشمال, اللى هو بين الباب الشمال الامامى و الخلفى.

بس الرقم تقريبا 31 للاربعة.

عذراً يظهر اختلط عليا الأمر
أكيد معلومة معاذ أصح
شكراً يا دوك على التصحيح

[rzeiny]

انا سألت في صيانة ال1000 وقالولي 29

[_hany_]

انا قلت أخليني في الوسط و ظبطها على 29، شكرا يا شباب على اهتمامكم.

[mimo9800]

اي خدمة يا باشمهندس هاني ...... و ان شاء الله نتشرف بحضرتك قريب