استلمت سيريون وان بفضل الله

[hsemary]

الف مبروك علي حضرتك

ربنا يباركلك فيها

و يديك خيرها و يكفيك شرها

الله يبارك فيكى

ومبروووك مرة تانيه ل s_yusri

[hsemary]

الف شكر ليك يا صديقى s-yusri
متشكر ليك على ردك الجميل .
و يا رب يباركلك فيها و تستلمها على خير بأذن الله .
و انا فعلا من المعجبين جدا جدا جدا بالسيريون و بالذات ال 1000 سى سى .
و انا ان شاء الله لما ربنا يريد هاشترى ..خلال الايام اللى جاية يعنى خلال شهرين او 3 باذن الله
و انا بصراحة محتار بين عرض 5 الاف بتاع سيريون وان و بين انى اكبر المقدم يعنى ادفع 15 او 20 الف و اقلل القسط شوية ؟؟؟ و لا اخلى السيولة معايا و اخد عرض 5 الاف و خصوصا انى دخلى الشهرى و الحمد لله عالى ..
و كمان برضه محتار بين سيريون وان و 1300 سى سى ؟؟؟؟
و انا استخدامى خفيف جدا ....يعنى من البيت للمستشفى للعيادة لطلبات البيت ....لخروجة مع اسرتى الصغيرة او اصحابى ؟؟؟؟؟ بس خايف 1000 سى سى ماتسدش معايا بالذات التكييف لانه انت ماتعرفشى الحر هنا شكله ازاى
و هاتبقى محرجة اوى قدام مراتى و كمان اصحابى لو ركبوا معايا و التكييف كان مش قد كده ....هاخد اشتغالات للصبح
و خصوصا انه الفرق دلوقتى بقى 8 الاف بين الاتنين و كمان هايبقى اقل لو حسبت تمن الكاسيت لانه 1000 سى سى نازلة بدون كاسيت .....فهايبقى الفرق اقل من 7 الاف جنيه .. فمش عارف ايه رايك يا صاحبى ؟؟
بالمناسبة انا عندى بنوتة ...مريم و ان شاء الله مستنى مولود الشهر الجاى .
اسف لو طولت عليك ...بس انا بفكر معاك بصوت عالى ....

ربنا يرزقك بالخلف الصالح يادكتور ان شاء الله

[abohalmos]

ازيك يا سمرى باشا

ازيك يا سمرى و ازى صحتك يا صاحبى ؟؟؟ عامل ايه ؟
يا رب تكون بخير انت و كل اللى تحبهم......ان شاء الله.
و متشكر على ردك الجميل .......و عقبالك انت كمان لو كونت لسه متجوزتش... ان شاء الله ربنا يرزقك الزوجة الصالحة
و الذرية الصالحة ان شاء الله.
لو ممكن يا سمرى تقوللى رايك فى السؤال اللى انا كونت بسأله فى الرد بتاعى .....
سيريون وان و لا 1300 ؟؟؟

لانه رأيك يهمنى اوى يا سمرى ...

[hsemary]

ازيك يا سمرى و ازى صحتك يا صاحبى ؟؟؟ عامل ايه ؟
يا رب تكون بخير انت و كل اللى تحبهم......ان شاء الله.
و متشكر على ردك الجميل .......و عقبالك انت كمان لو كونت لسه متجوزتش... ان شاء الله ربنا يرزقك الزوجة الصالحة
و الذرية الصالحة ان شاء الله.
لو ممكن يا سمرى تقوللى رايك فى السؤال اللى انا كونت بسأله فى الرد بتاعى .....
سيريون وان و لا 1300 ؟؟؟

لانه رأيك يهمنى اوى يا سمرى ...:f_eyeb1[1]:

الحمد لله ياباشا ربنا يكرمك ...


بص ياباشا انا عشان معرفش عن ال 1300 اوى فا مش هاقدر اقررلك فى الاختيار
بس كل اللى اقدر اقولهولك ان واحد صاحبى معاه ال 1300 الاوتوماتيك
طبعا ال 1300 ماشاء الله جميلة واشد من ال 1000

وبالنسبة للسحب فا ال 1300 اكيد احسن من ال 1000

بالنسبة للبنزين فا ال1300 فا استهلاكها معقول جدا ويمكن زى ال 1000 كمان بس ال 1000 افضل شوية فى الاستهلاك

بالنسبة للتكييف فا دى الىل معرفهاش بس اللى اعرفه ومتأكد منه ان اى عربية لازم تتأثر بالتكييف فى السحب

فا دى معرفش بالظبط

لكن مجمل الكلام ان 1300 عربية حلوة طبعا ماشاء الله بس لو انت عاوز عربية لاغراض قليلة فا اعتقد والله اعلم ان ال 1000 كفاية

بس اسأل حد ليه فى ال 1300 بخصوص التكييف

[abohalmos]

الف شكر ليك يا سمرى

الف شكر ليك يا سمرى
و انا معتز برايك جدا .......و اكتر حاجة عجبتنى فيه
لما قولت لو استخدامك للعربية قليل يبقى 1000 سى سى كفاية قوى
و انا فعلا كده استخدامى قليل جدا .... و برضه حرام الواحد يحط فلوس فى حاجات مش هايستخدمها
و جزاك الله خيرا يا سمرى ....

[HISHAM80]

Go for 1300 CC