موقف غير ظريف

[hitham_sh]

حصلي موقف مع احد الاخوه هنا في المنتدى وحبيت اقولو بس علشان اعرف ايه اسباب ان ممكن حد يعمل كده
اتفقت مع احد الاخوه من المنتدى ان احنا ننزل الحرفين نشتري بعض قطع الغيار لسيارتنا السريون وكان اتفقنا على النت واتفقنا على المكان الي هنتقابل فيه وعلى الزمان كمان
واتصلت بيه على المبايل قبلها بساعه علشان ااكد عليه انو هيجي وبالفعل اكدلي انو جي في المعاد
خدت بعضي في الوقت الي اتفقنا عليه وكنت في المكان المحدد في الوقت المحدد تمام لا قبلها بدقيقه ولا بعدها بدقيقه وانتظرت الاخ انو يجي مجاش كلمتو على المبايل كنسلني قولت يمكن قرب يجي انتظرتو شويه كمان مجاش كلمتو على المبايل لقيتو قفل المبايل
طيب ليه هوا لو كان مش قادر يجي كان يقول مكنتش هزعل او على الاقل يتصل بعدها يعتزر
لاكن لا اتصل وكمان قابلتو على النت مردش عليا
انا كل الي مزعلني بس ان خسارة رجالتك يا مصر :k46:
واسف على الاطاله

[EL_3OMDA]

متزعلش يابيه
والتمس لاخيك الف عذر مين عالم فيه ايه ؟؟؟
مش يمكن لو عرفت حصله ايه ممكن تعذره ...ولا ايه !!!

[أبو عبدالله]

معلشي يا هيثم التمس لأخيه العذر اكيد
وأحسن النيه

بس ده كله علشام مقولتليش واخدتني معاك

[MoToRiZeR]

إلتمسله العذر يا هيثم معلش بصراحة الموقف ده عملته في معاذ قبل كدة ههههه .

كنا متفقين نروح التوكيل سوا و انا كنت راجع من شغل مطبق و نمت و انا قاعد أقرأ الجرنال و صحيت بعد المعاد بأربع ساعات .
و رغم إن الموقف ده اما بيحصل فيا ببقي مضايق جداَ لأني من الناس اللي بتحافظ علي مواعيدها و بوصل في المعاد .
إلا أن أحياناَ بيبقي فيه حاجات خارجة عن الإرادة و ظروف .

بس هو موقف يكسف طبعاَ و يستوجب الإعتذار .

[pharonicking]

دى الحال فى مصر ""

[madoo]

هو موقف فعلا بايخ ورخم


بس التمسله العذر وخليك انت احسن

[saadbasha]

بسم الله الرحمن الرحيم
سامحوني دخلت بدون استئذان ولا تعارف
لكن الدم غلي في عروقي لما لقيت الناس بتهمل مواعيدها بشكل غير منطقي
كلكم تكلمتم على العذر ولا زم نلتمس مليون عذر
معاكم
بس ما حدش قال كلمة حق للي ضاع عليه الوقت وزعل نفسيا وتأخر عن مشواره
الحق معك يا أخي والله لو مكانك كنت كسرت الدنيا
( كلام بس)
المهم في اعتذار بالموبايل عن طريق الرسايل والرد وليس الاتصال ولو اتصل يكون احسن
اما نكنسل ونقفل الموبايل
لا
لو عندي اقوى الظروف
ثواني برد واعتذر فقط ثواني على حساب المتصل كمان
معلش أخوكم بيكره نفسه لما ينتظر واحد بدون مايعرف لماذا تأخر
ومتى سيحضر
ووعد الحر دين عليه
محبكم
سعد باشا
الجديد

[hitham_sh]

شكرا يا جماعه على رودودكم وعادي انا مش زعلان ولا حاجه بس ربنا يهدي :)

[askoda]

What was these parts??

[Eng_A_Fahmy]

بسم الله الرحمن الرحيم
سامحوني دخلت بدون استئذان ولا تعارف
لكن الدم غلي في عروقي لما لقيت الناس بتهمل مواعيدها بشكل غير منطقي
كلكم تكلمتم على العذر ولا زم نلتمس مليون عذر
معاكم
بس ما حدش قال كلمة حق للي ضاع عليه الوقت وزعل نفسيا وتأخر عن مشواره
الحق معك يا أخي والله لو مكانك كنت كسرت الدنيا
( كلام بس)
المهم في اعتذار بالموبايل عن طريق الرسايل والرد وليس الاتصال ولو اتصل يكون احسن
اما نكنسل ونقفل الموبايل
لا
لو عندي اقوى الظروف
ثواني برد واعتذر فقط ثواني على حساب المتصل كمان
معلش أخوكم بيكره نفسه لما ينتظر واحد بدون مايعرف لماذا تأخر
ومتى سيحضر
ووعد الحر دين عليه
محبكم
سعد باشا
الجديد

انا اتفق معك جداً, انا من النوع ده, لما حد يديني معاد و يخلف, انا باتضايق جداً و باعتبر ان ده في استخفاف و استهانة بي, و كمان باخد انطباع سئ عن الشخص ده, و للاسف الشديدمعظم الناس في مصر بقوا كده, غير مدركين لقيمة الوقت ولاالاتزام به, لي دائماً مقولة في موضوع قيمة الوقت و هي:

الوقت هو الثروة الوحيدة التي تمنح للجميع بالتساوي, و هناك من يحسن استغلالها و هناك من يسئ استغلالها, و هذا هو الفرق بين الناس

و لكن اقول في النهاية ان التغيير ده مش زرار هندوس عليه نتغير و لا كمان نستنى نتغير و احنا معملناش لكده, البلد هاتتغير بينا

[mahmoud_magdy]

مادام مجاش في الميعاد خلاص طنشو
ولا تتكلم معاه وهو اذا كان عارف غلطو هييجي يعتذر
انما لو مش عارف فلا حياة لمن تنادي
المهم تكون انت جبت قطع الغيار بتاعتك وخلاص
رووووووووووووووووق

[hitham_sh]

اه الحمد لله جبتها وكلو تمام انت عارف المشكله بس اني مش انا الي عرضت عليه انو يجي معايا هوا الي طلب مني ده يلا الحمد لله مش مهم مدام الواحد قد كلمتو يبقى الحمد لله
وهيا كانت ممرايه لان المرايه بتاعتي اتكسرت وجبتها من التوكيل ب 600 جنيه
والف شكر لكل الناس الحلوه الي بتحترم مواعيدها :)

[salsa10]

يا استاذ هيثم ما تزعلش اعتقد ان دي بقت عادة عند الناس بتوعد
وبعدين تندم على الوعود
يمكن خاف انه يدبس وتعرف انه ما يعرفش حاجة في العربيات اصلا