تكيف التيريوس

[shrafoo]

انا معايا 2009 ماشى بيها 2800 كم وصوت الكمبروسر فى اول التشغيل بيكون عالى وخشن بس بعد شويه بلاحظ انه بيهدى شويه كنت بقول لنفسى يمكن على ماتلين
كمان بلاحظ ان كهربة العربية بتضعف لما الكمبروسر يشتغل بمعنى بالليل الاقى شدة الاضاءه بتتغير لما يشتغل ويفصل وايضا سرعة مروحة الهواء اللى بتخرج الهواء من فتحات التكيف سرعهتا بتهدى خالص بتبان لما يكون سرعة المروحه على الرابعه وكمان فى المشى بلاحظ زى نتش خفيف فى العربيه برده مع حركه تشغيل وفصل الكمبروسر مش عارف برده ده عادى ولالاء لانى الملاحظات دى مكنتش فى عربيات كتير مستعملة استعملتها ودى اول عربيه جديده فمش عارف دى عيوب ولا مع الوقت هتروح ارجو اللى عنده فكره يفيدنا وله جزيل الشكر

[Ahmed Hassan]

العربيات اللي قبل كده كانو ١٣٠٠ سي سي بردو؟
عموما تأثير التكييف بيبان على اي عربيه مهما كان حجم الموتور... و طبعا بيبان اكتر في العربيات اللي موتورها صغير. بس علشان تتطمن اكشف على شحن الدينامو و البطاريه لأنهم لو ضعاف ممكن يعملوا كده

[hero007]

هاى ازيكوا

طلاما التكيف بيسقع وشغال حلو خلاص

[shrafoo]

هو بصراحه ماشاء الله احنا الحرارة هنا فى الكويت الايام اللى احنا فيها دلوقتى بتوصل الحرارة اللى شوفتها بعينى على الترمومتر 49 واكيد اكتر فى بعض الاحيان بس الحمد لله بروده التكيف جميلة بس هى المشكلة فى العيوب اللى ذكرتها اثناء تشغيلة هى اللى شغلانى لانى مش بلاحظها فى السوبارو الامبيريزا على سبيل المثال