السمكرة فى التوكيل

[mohamedabdo]

السلام عليكم
عربيتى التيريوس 2008 اتخبطت فى الشنطة خبطة بسيطة
قلت اروح التوكيل
قال لى المهندس التكلفة 1600جنية
سمكرة 300
دهان 600
بادج الشنطة 450
الباقى من ال 1600مصنعية وضريبة
فما رايكم فى تلك الاسعار
مع العلم انها تتكلف خارج التوكيل 400جنية
بالذمة موش يبقى استغلال

[A.Saad]

استـــــــــــغلال

[MoToRiZeR]

كتير أوي

[معاذ الشرباصى]

اولا حمد لله على سلامة حضرتك ... قدر الله و ما شاء فعل.

هو حضرتك للأسف محدش يقدر يقول ان المبلغ قليل

لكن ده هو الحال فى اى توكيل, و مكسبهم بيبقى معظمه فى الحاجت دى اكتر من الصيانات العادية

يعنى لما تحسبها كده فى التوكيل عندهم ساعات عمل محددة, ده بالاضافة الى انهم منظومة بحالها, صنايعية, و مصاريف مركز صيانة, و مهندسين و محاسبين , الخ....

اما السمكرى, فبياخد أجرة ايده بس.

كل كلامى ده مش معناه ان التوكيل احسن و السمكرى اوحش... ز لا هو دفاع عن التوكيل, بس بنشوف ليه التوكيل دى اسعاره, و فرقها عن الاسعار بره.

شوف حضرتك يريحك تتعامل مع اى منهم ... و واضح من كلام حضرتك انها مش خبطة جامدة

فيستحسن تعملها بره, لأن فى التوكيل هتستنى دورك + التكلفة العالية

اما عند اى سمكرى فهتبقى 2-3 ايام فقط.

و ربنا يحفظها لحضرتك.

[mohamedabdo]

اشكرك يا معاذ باشا
تخيل بعد المبلغ دة المهندس يقول ان الشغل السمكرة و الدهان هيبقوا ظاهرين
من الاخر برة ا حسن على الاقل فية فرصة انى اراجع على الشغل
وسلم لى على التوكيل و حماية المستهلك

[mohamedabdo]

شكرا للاستاذين احمد سعد و موتوريزر على المشاركة
اناهاسيب الخبطة زى ما هى
علشان اللى يسال لية ما عملتهاش فى التوكيل اقول لة على السعر
يعنى دعاية

[zizophone]

هههههههههههههههه والله فكرة بس انا رأيي من راي الناس اعملها برة بلا توكيل بلا بتاع

[shrafoo]

بره احسن وتوكل على الله بلا توكيل بلا مصاريف ملهاش لزمه

[bekatsho]

السلام عليكم
عربيتى التيريوس 2008 اتخبطت فى الشنطة خبطة بسيطة
قلت اروح التوكيل
قال لى المهندس التكلفة 1600جنية
سمكرة 300
دهان 600
بادج الشنطة 450
الباقى من ال 1600مصنعية وضريبة
فما رايكم فى تلك الاسعار
مع العلم انها تتكلف خارج التوكيل 400جنية
بالذمة موش يبقى استغلال

هو ايه يا باشا بدج الشنطة دا ؟؟؟

[Rontato]

انا بردو عربيتى 2009 و واحد ابن حلال خبطهالى فوق العجلة الشمال و كسر حتة من الصاج، بالشكل ده حدفع ثروة لو عملتها فى التوكيل، بس مش عارفة اعملها فين،،،،، ولا اسيبها شوية اهو تاخد العين :)

[pharonicking]

سيبها تاخد العين والرمش والحاجب كمان"""

[mohamedabdo]

المقصود ببادج الشنطة Daihatsu Terrios GLX
اللى موجود على الشنطة
اسف على التاخير فى الرد

[nonalaziza]

انا برضه عربيتي تيريوس 2009 فيها خبطه المرايه وحكه في الباب وحصل انعواج بسيط في السوكه اللي في باب السواق
انعواج غير ملاحظ بالمره
وخربوش صغير من خرابيش الناس المنفسنه
تكلفتهم كانت 1500
لان الخرابيش في الرفرف والباب الامامي والخلفي
طبعا اسودت الدنيا في عيني وقررت اعملها بره
بصراحه التكلفه غاليه جداااااااااا