صالون ماتيريا

[saidbakr]

[fot1]كنت أود معرفة أكثر حول اتساع صالون ماتيريا؟[/fot1] هل صحيح أنه متسع على الرغم من مظهر العربية المضغوط؟ هل الكنبة تتسع لثلاثة أفراد مرتاحين ( [info]أعني ثلاثة بأن اثنين منهم من ذوات الـ 100 كيلو وزن و الثالث كمالة أي 70 او 80[/info]).

[akram2010]

اعتقد ان هذة السيارة تصلح لترخيص ( تحت الطلب)

[saidbakr]

يا سيدي ما علينا، تحته و لا فوقه! المهم اننا عاوزين نعرف المعلومة و خلاص.

[madoo]

يا باشا دى اوسع صالون ممكن تشوفه فى حياتك بالنسبه للفئه دى

انا قارنتها بالماتركس والالنترا بتاعت انتيمى والاوبترا بتاعت صاحبى

والله العظيم اوسع منهم بكتييييييييييييييييير
دا غير الوسع اللى بين الكراسى رهيب لو السواق مرجع الكرسى لدرجه انه مش ممكن يشوف قدامه برده رجلك مش بتخبط فى الكرسى دة

انا معايا الماتيريا وبتكلم عن ثقه ومش منحاز ولا حاجه والله وانت ممكن تنزل وتشوفها

[madoo]

اعتقد ان هذة السيارة تصلح لترخيص ( تحت الطلب)

كر كركركركركركركركركر
خفه ملهاش حل
يا اخى الراجل بيسأل عن حاجه مش عارف متردتش انما خفه الشعب الجميل ده بقى تروح فيـــــــــــن

[KoDaK_Gti]

اعتقد ان هذة السيارة تصلح لترخيص ( تحت الطلب)

انت مفيش اى عربية عجباك فى الدنيا ؟؟؟
ده انت لسة راجع وكنت موقوف بسبب اسلوبك ده

يا باشا دى اوسع صالون ممكن تشوفه فى حياتك بالنسبه للفئه دى
انا قارنتها بالماتركس والالنترا بتاعت انتيمى والاوبترا بتاعت صاحبى
والله العظيم اوسع منهم بكتييييييييييييييييير
دا غير الوسع اللى بين الكراسى رهيب لو السواق مرجع الكرسى لدرجه انه مش ممكن يشوف قدامه برده رجلك مش بتخبط فى الكرسى دة
انا معايا الماتيريا وبتكلم عن ثقه ومش منحاز ولا حاجه والله وانت ممكن تنزل وتشوفها

كلامك مظبوط وانا ركبتها فى المعرض امبارح وكان معايا اعضاء من المنتدى اتفاجئو للوسع بتاعها فعلا وحركة الكنبة للأمام والخلف وطيها
ربنا يباركلك فيها

كر كركركركركركركركركر
خفه ملهاش حل :t_thum1[1]::t_thum1[1]::t_thum1[1]::t_thum1[1]::t_thum1[1]:
يا اخى الراجل بيسأل عن حاجه مش عارف متردتش انما خفه الشعب الجميل ده بقى تروح فيـــــــــــن

ياعم متخدش على كلامه وفى كل قسم لازم تلاقيه ناطط كده يرمى كلمه وخلاص
ده بيقولك الهيونداى احلى من الالمانى كله

[saidbakr]

يا باشا دى اوسع صالون ممكن تشوفه فى حياتك بالنسبه للفئه دى

انا قارنتها بالماتركس والالنترا بتاعت انتيمى والاوبترا بتاعت صاحبى

والله العظيم اوسع منهم بكتييييييييييييييييير
دا غير الوسع اللى بين الكراسى رهيب لو السواق مرجع الكرسى لدرجه انه مش ممكن يشوف قدامه برده رجلك مش بتخبط فى الكرسى دة

انا معايا الماتيريا وبتكلم عن ثقه ومش منحاز ولا حاجه والله وانت ممكن تنزل وتشوفها

كلام جميل جداً يا باشا، و الأجمل إني عرفت واحد عنده العربية؛ لأني من أنصار " التجربة خير برهان " و عليه ممكن اتمادى حبتين و اسأل بعض الأسئلة:

1. تقدر تحكي لنا عن مرة كنت سايق عربيتك و كان فيها أكبر عدد ممكن من الأشخاص معاك - بمعنى 4 أشخاص غيرك و الأطفال يمتنعون! - و أيه كانت ظروف المطبات معاك؟
2. أيه رأيك في التكييف و تأثيره على أداء العربية؟
3. متوسط استهلاك البنزين في ظروف مختلفة - يعني طريق طوالي ، داخل المدينة، تكييف شغال - ؟
4. عزل الصالون، يعني بتبقى سامع دوشة الموتور؟
5. الفتيس أخباره ايه؟ سريع الاستجابة و ناعم؟
6. الفرامل؟ بتنجز معاك، و خصوصاً لو راكب حمل تقيل في الخلف و بوز العربية شابب لفوق، و هل abs اللي فيها بجد يعتمد عليه؟
7. العفشة جامدة و بتستحمل، يعني العربية بتفضل ماسكة بعضيها زي قالب الطوب فترة طويلة، و لا بعد فترة قصيرة من مطبين و لا شوية تكسير في الطريق تبدأ تسمع الشخللة و الهز في العربية؟ - ارجو خلي بالك في النقطة دي من اللي بنشوفه مع عفشة المرسيدس ومدى متانتها.
8. انا من هواة النوم في العربية، فهل صحيح زي ما الصور بتاعتها تقدر تفرد الكرسي و يوصل للكنبة اللي ورا و يكون نومة مريحة؟

[madoo]

انت مفيش اى عربية عجباك فى الدنيا ؟؟؟
ده انت لسة راجع وكنت موقوف بسبب اسلوبك ده

كلامك مظبوط وانا ركبتها فى المعرض امبارح وكان معايا اعضاء من المنتدى اتفاجئو للوسع بتاعها فعلا وحركة الكنبة للأمام والخلف وطيها
ربنا يباركلك فيها

الله يخليك ياباشا وميرسى على الكلام ده
ياعم متخدش على كلامه وفى كل قسم لازم تلاقيه ناطط كده يرمى كلمه وخلاص
ده بيقولك الهيونداى احلى من الالمانى كله

حاجه ....* بجد ربنا يكون فى عونا

نرجو إستخدام أسلوب أفضل
مشرف عام الياباني

[madoo]

كلام جميل جداً يا باشا، و الأجمل إني عرفت واحد عنده العربية؛ لأني من أنصار " التجربة خير برهان " و عليه ممكن اتمادى حبتين و اسأل بعض الأسئلة:

1. تقدر تحكي لنا عن مرة كنت سايق عربيتك و كان فيها أكبر عدد ممكن من الأشخاص معاك - بمعنى 4 أشخاص غيرك و الأطفال يمتنعون! - و أيه كانت ظروف المطبات معاك؟
2. أيه رأيك في التكييف و تأثيره على أداء العربية؟
3. متوسط استهلاك البنزين في ظروف مختلفة - يعني طريق طوالي ، داخل المدينة، تكييف شغال - ؟
4. عزل الصالون، يعني بتبقى سامع دوشة الموتور؟
5. الفتيس أخباره ايه؟ سريع الاستجابة و ناعم؟
6. الفرامل؟ بتنجز معاك، و خصوصاً لو راكب حمل تقيل في الخلف و بوز العربية شابب لفوق، و هل abs اللي فيها بجد يعتمد عليه؟
7. العفشة جامدة و بتستحمل، يعني العربية بتفضل ماسكة بعضيها زي قالب الطوب فترة طويلة، و لا بعد فترة قصيرة من مطبين و لا شوية تكسير في الطريق تبدأ تسمع الشخللة و الهز في العربية؟ - ارجو خلي بالك في النقطة دي من اللي بنشوفه مع عفشة المرسيدس ومدى متانتها.
8. انا من هواة النوم في العربية، فهل صحيح زي ما الصور بتاعتها تقدر تفرد الكرسي و يوصل للكنبة اللي ورا و يكون نومة مريحة؟

1_ بص ياباشا انا مش بيحصل معايا الموقف ده كتير لانها عربيتى مش عربيه العيله اجمع . بس فى مرتين الظروف حاطيطنى فيها المواقف دى كان العربيه بجد راكب فيها 4 غيرى متوسط الاوزان 100 كيلو فعلا انا كان صعبان عليا الموقف اوى كانت العربيه لسه جايه بقالها شهر واحد او اقل وكنت مشغل التكييف والمرة التانيه تقريبا نفس الحاجه كنا فى فرح ومعايا 4 قرايبى غيرى الاوزان مش احكيلك العيله فظيعه العربيه مش بتحك فى المطبات (العاديه ) مستغرب صح اقوللك ليه قاعده العجلات اللى ورا قريبين من اللى قدام بمعنى ان اللى قدام تطلع اللى ورا تلحقها وترفع العربيه تانى
المطبات اللى تحس انها جبل خودها بكيرف اضمن
معلومه لو انتوا اتنين او تلاته اوزان معقوله بص بقى وعن ثقه خود اى جبل ايوة جبل مش مطب على طول لا تعرض ولا تكريف عن تحدى مش هتحك خالص



2-_ التكييف تلاجه متنساش دى يابانى وانت اكيد عارف تكييف اليابانى تأثيره اه بتحس بيه وكداب اللى يقولك ان فيه عربيه متحسش فيها بتاثير التكييف اكيد بتحس بس هى درجات وتفاوت هنا فى الماتيريا مش خنيق (معلومه والله العظيم والله العظيم العربيه بتجرى جرايه اوى اوقات كتير مش ببقى قادر عليها بحس بيها عاوزه تطير )

_3 انا عمرى ماحسبت موضوع البنزين ده بس بامانه هى بتشم البنزين وتمشى موفره جدا فى الموضوع ده عاجبنى اوى فيها الحكايه دى

4_العزل بالنسبه للصوت الخارجى والهوا والكلاكسات مفيش عزل احلى من كده تحفه فعلا , بالنسبه لعزل صوت الموتور مش بتسمعه فى الاوقات العاديه انما فى الشد او الكيكات حاجه كده زى زائير الاسد صوت يكييف فعلا
دا كلام صحابى فى العربيات التانيه لما بعدى منهم بكيكايه

5_انا اوتوماتك

6_الفرامل تحفه اى بى اس و ايه بى دى انا جربتهم بجد اللى عمل الفرامل دى يدولوله نوبل ان لم يكن خادها فعلا


7_عفشتها ناشفه شويه انا شايفها ميزه وعيب انت فاهم كلامى

8_ الصور مش بتكذب ولما تشوفها هتقول ان الصور فعلا ظالمها كتييييييييييييييييييييييييييييييييييير اجمل بكتير منها والله العظيم انا مكنتش مصدق لما شوفتها بنفسى على الحقيقه انزل وشوفها



معلومه اخيره انا عندى برده شاهين زيك هتحس انك مكنتش راكب عربيه اساسا

[saidbakr]

1_ بص ياباشا
...

معلومه اخيره انا عندى برده شاهين زيك هتحس انك مكنتش راكب عربيه اساسا:b4_048:

كلامك جميل جداً و مطمئن، و أشكرك وافر الشكر على الوقت اللي قضيته تجيب فيه عن أسئلتي. أهم شيء ظريف في الموضوع إنك عندك شاهين زي حالاتي وده هيديك خلفية و احساس لأغلب أسئلتي و تعرف ازاي تجاوبني.

[caution]
بس على العموم و زي ما هو باين من توقيعي، إني موش هشتري دلوقتي لغاية ما تحصل و تتطبق مباديء التجارة العادلة و تنخفض الأسعار. على كل حال انا بجمع اكبر قدر من المعلومات عن عربيات معينة، في حين لو حصل نصيب مستقبلاً يكون عندي قرار واضح و أقرب للصواب عن العربية اللي هشتريها.
[/caution]

[Bossy_Fadl]

انا مش من محبي العربيه

بس الحق يقال

العربية اسمع ان صالونها من اوسع صالونات العربيه الموجودة في فئتها

يعني لو حضرتك يهمك وسع الصالون الماتيريا تنفعك جدا

اعتقد ان هذة السيارة تصلح لترخيص ( تحت الطلب)

يا خبر ابيض يا استاذ اكرم

مافي فايده ابدا

نفس الاسلوب بكل الموضوعات

ممكن حضرتك تعرض رايك بس بلا اساءة

ربنا يهدينا جميعا

[gemy215]

بالنسبه للصالون فعلا مشوفتش عربيه في وسع الصالون دا خلاص تقعد مرتاح ورا او قدام
بالنسبه للبنزين معنديش فكره والعزل انا ركبت عربيه واحد صاحبي وكان مركب فلتر فامقدرش احكم اوي عن العزل لانو الصوت كان عالي اصلا بس بتهئلي مش بطال بالنسبه للفرامل معجبتنيش اوي يمكن علشان كانت الرعبيه مليانه ناس كنا 5 من الوزن التقيل في العربيه بس دا الي اقدر افيد فيه حضرتك وان شاء الله ربنا يوفقك في اختيارك

[abou_ruqi]

لولا ارتفاع العربية عن الارض , العربية دي كانت اكتسحت السوق

[madoo]

لولا ارتفاع العربية عن الارض , العربية دي كانت اكتسحت السوق

مش فاهم دى ا بس لو كان قصدك انها واطيه

فانا بقول لحضرتك انها مش بتحك نهائى نهائى فى المطبات ارجع للاجابات اللى جوابتها عن سؤال رقم واحد