إعـــــــلان

Collapse

.

,
See more
See less

حد يشاركنى بالراى ان السيريون اكتشفت انها واطية

Collapse
X
 
  • Filter
  • الوقت
  • Show
Clear All
new posts

  • حد يشاركنى بالراى ان السيريون اكتشفت انها واطية

    انا مقصدش ب(واطية)شتيمه انا اقصد ارتفاعها عن الارض
    مشكلة كنت اتمنى عدم وجودها فهل كل السيريون مثلى ام هى حالة فردية
    باختصار انا كان معى4زمايلى واحد ركب قدام وثلاثة بالخلف وكنت اول مرة اركب 3بالخلف
    والصاعقة كل مطب صناعى احس بخبطة من تحت وكانها خبطة براسى
    علي فكرة اول ما اشتريت العربية كان مهم عندى حاجة زى دى قوى ان العربية يكون ارتفاعها عن الارض مقبول
    انا عارف ان ده ممكن ياثر علي ثبات العربية فى الجري لكن الواحد فى شوارعنا المحروسة ما بيجريش الا فى الطرق المفتوحة القليلة حتى لو جرى كبيره120عشان احنا مش كل يوم بنسافر عشان نحتاج سرعة اكبر من دى
    احنا اسرة صغيرة مافيش مشكلة بس لو احتجت تركب حد معاك بتبقى مشكلة
    وعايز اعرف من اخوانى ايه اللى بيخبط بالضبط هل هو الاستبليزر اللى ماسك فى العجل من وراء ولا ايه بالضبط
    انا كان عندى اسكودا فليشيا ولو حملت 6وراء مكنتش بحس بالمطبات وبرضه كان مش مقصر علي ثباتها
    فيه ناس هيقولو خد المطب بالعرض لكن فى الزحمة الواحد علي ما يعمل كدة تكون100عربية خبطته
    بصراحة زعلان جدا من العيب ده
    دعوة لاخوانى بالمنتدى للمشاركة فى هذا هل كل اللى عنده سيريون بيعانى من نفس لمشكلة
    مع العلم انا معى سيريون2009اتوماتيك
    هانى محمد زكى

  • #2
    عمر مالواحد يكون راكب علو قد اية وياخد المطب بسرعة ومتخبطش
    المرة الوحيدة اللى خبطت معايا بسبب انى اخد المطب بلعرض ودة غلط
    [CENTER]:018::018:[/CENTER]

    Comment


    • #3
      السيريون عربية عالية وماتخدش مطبات لما تكون لوحدك او معاك واحد بس قدام ... لما تركب حد ورا العربية بتبرك وبتحك فى اغلب المطبات ... السبب فين الله اعلم

      Comment


      • #4
        هو بصراحه في مطبات في مصر او كلها بمعني اصح عاليه بطريقه مستفزة يعني لو راكب طيارة هتحك فيه هي العربيه مش واطية اوي كدة يعني مش زي الابيزا الشكل القديم مثلا هي ارتفاعها زي اغلب العربيات الهاتش باك يعني 14.5 سم بس مش عارف ممكن يكون السوست اللي ورا مش اد كدة العربيه فعلا بتبرك انسب حل انك تاخد المطب راسي يعني تخش عليه هادي و تطلع براحه خالص و تتزحلق علي المطب بالعربيه علشان متتهبدشي منك ( الحل دة مبينفعشي مع المطبات اللي الاهالي بتعملها اللي بتبقي رفيعه و عاليه دة بقي ملوش حل عير انك تنزل الناس اللي معاك و تنزل انت كمان و تاخدوا تاكسي و تسيب العربيه قدام المطب ) اعتقد اللي بيحك في العربيه هو السفل الحديد اللي بطول العربيه هو لو حكة خفيفه مفيش مشكله - المشكله في الهبدة الجامدة و دي بتحصل لما تطلع المطب و تنزل بسرعه --- انا كل يوم بروح البيت من طريق مختلف حسب الحموله الل معايا ببعد عن المطبات يعني
        انا فعلا مش هنسي لما عملت جدع و عرضت اوصل ناس قرايبي و ماشاء الله التلاته ركبوا ورا و الاوزان و الله كانت معديه 280 كم فعلا كنت هعيط ز طلعوا ساكنين في منطقه يعني شوية مطبات معموله بفن راقي جدااااااااااااااااااا كولكشن كدة من حفر و مطبات علشان مزهقشي تطلع مطب زي الجيل و تنزل في حفرة زي البير يعني اللي مصممهم مهندس فنان علشان يضمن ان مفيش حد هيعدي من عير مايحك حتي لو ماشي علي رجله
        بس عموما اغلب العربيات كدة بعنب انا في عربيه صني فعلا اترزعت رزعه محترمه جنبي لان كان داخل بسرعه شوية فدة طبيعي
        و مننساش الديهاتسو عربيه ياباني عمليه و مضبوطة لمصر علي راي الاعلان

        Comment


        • #5
          هو فعلا بحس السوست ناعمة جدا لما بتكون العربية محملة ده طبعا بيأثر على ثبات العربية فى السرعات العالية و طبعاً فى المطبات, السؤال بقى .. ايه أنسب نوع سوست ممكن الواحد يركبه فى العربية دى؟

          Comment


          • #6
            انا شايف ان ده طبيعي لان العربيه فيها 5 اشخاص بالغين وده يوطي اي عربيه
            تويوتا السياره الاعتماديه رقم 1 و الاكثر مبيعا في العالم

            [SIZE=4][COLOR=#2336b0]محمد مجدي الفنتي[/COLOR][/SIZE]

            Comment


            • #7
              متهيألي الحل هو إنك تاخد المطب على أهدى ما يمكن، في الحالة دي ممكن ما يحكش.. هذا و الله أعلم.

              Comment


              • #8
                وااااااااااااااااااااااااااااااااطية فعلا
                انا كنت بعدى على مطبات معموله مخصوص علشان تحك فيها
                بس فعلا العربية لما بتركب حد فيها بتبقى واطية
                خد المطب على اهدى اهدى سرعه براحة خالص وان شاء الله مش هتحك منك بس متخدش المطب بزاوبة خده عدل
                لو خدته بزاوية هتحك هتحك ليه مش عارف وربنا يحفظنا جميعا
                [FONT="Comic Sans MS"]Ahmed Karem[/FONT]

                Comment


                • #9
                  شكرا علي الردود الجميلة بس هل فعلا ممكن يتم تعديل حاجة فيها زي السوست عشان تبقى ادائها احسن؟
                  وصحيح كل العربيات الجديدة فيها نفس المشكلة؟
                  اصل ماجربتش غير الاسكودا(فليشيا)وكنت مش حاسس بالموضوع ده
                  هانى محمد زكى

                  Comment


                  • #10
                    فعلاَ السيريون لو محملة ورا هتحك يعني هتحك .. و هي علي حسب المطب برضه
                    بس بما إن معظم المطبات معمولة بجهل و عشوائية .. فا اما تحمل السيريون جامد إعمل حسابك علي كام "دب .. طاااخ" كدة هتوقع قلبك في رجليك و تأثر في نفسيتك كام يوم بعديها .

                    انا حكيت في مطب من يومين بس العربية كان فيها 3 شنط سفر في الشنطة مليانين و إتنين راكبين ورا .. قبل ما أركب انا أصلاَ كنت شايف إن العربية بركت في الأرض خالص و عشان كدة كنت مهيأ نفسي للحك في المطبات و إخترت طريق مفيهوش غير 3 مطبات حكيت في واحد فيهم .. بس الموضوع متلاحظ و هي فعلاَ بتوطي جداَ و هي متحملة و بلاحظها حتي و انا راكب بحس التابلوه علي و إن هنتقلب لورا !

                    بعد كدة لو مسافر هخلي اللي راكب جنبي ياخد الشنط كلها علي رجله .
                    [COLOR="gray"]
                    [CENTER]Leadership is based on inspiration, not domination[/CENTER][/COLOR]

                    Comment


                    • #11
                      احسن عربية هى اليااااااااااارس
                      عربية مصر الاولى فى المطبات الصناعية"
                      [SIZE=6][COLOR=deepskyblue]:err:my heart will go on[/COLOR][COLOR=red]:funny34d:[/COLOR][/SIZE]
                      [SIZE=6][COLOR=black]د/محمد شاكر[SIGPIC][/SIGPIC][/COLOR][/SIZE]

                      Comment


                      • #12
                        This aint good :(
                        [URL="http://www.nilemotors.com/Nile/showthread.php?t=78669"][/URL]

                        Comment


                        • #13
                          السيريون فعلا سيئة جدا فى المطبات
                          [CENTER][SIZE=5] سبحان الله وبحمده سبحان الله العظيم[/SIZE][/CENTER]

                          Comment


                          • #14
                            المشاركة الأصلية كتبت بواسطة mshaker82 مشاهدة المشاركة
                            السيريون فعلا سيئة جدا فى المطبات
                            معلش انا عايز اصحح الجملة دى السيريون سيءة فى المطبات لو محمل ناس معاك وكويسة وتعتبر عالية لو انت لوحدك

                            Comment


                            • #15
                              انا قلت نفس الملحوظة قبل كدة
                              بس 99% من المطبات اللي معمولة صح مش بتحك فيها حتى لو محمل تلاتة ورا
                              إنما كتير من المطبات اللي بيعملها السكان قدام بيوتهم بتحك فيها
                              [CENTER]Me on Twitter
                              @aliabutaleb[/CENTER]

                              Comment

                              Working...
                              X