تغيير زيت الماتيريا

[madoo]

بسم الله الرحمن الرحيم

اولا تحياتى لكل اخوانى واخواتى الدايهاتسويه


الموضوع هو ان ابن خالتى عندهم شركه استيراد وتصدير فعندهم سيارات بتسافر ليبيا كتيررر وكده فبيجيلهم حاجات من هناك كادوهات وكده هو عنده تويوتا كورولا 2007 فبيحطلها نوع زيت كده بيجيله من ليبيا هو من صنع شركه نفط ليبيا وعليه علامه تام اويل فادانى 4 عبوات كل واحده 1 لتر علشان احطه للماتيريا انا سألته عن الفرق بينه وبين موبيل قالى مش عارف لانى مجربتش موبيل انا خايف اجربه
بس فى نفس الوقت عاوز اجرب بالمناسبه انا ناوى اجرب المره دى تغيير الزيت بره التوكيل فمش عارف ايه اللى المفروض كان هيعملوهولى فى صيانه العشره الاف هناك فى التوكيل غير حوار تغيير الزيت فلو حد عارف ياريت يقولى ايه اللى انا المفروض اعمله فى صيانه العشره
واكيد هقولكم على الاخبار وفروق السعر بين الصيانه فى التوكيل وبراه

ياريت اللى عنده معلومات عن الحاجات اللى المفروض اعملها فى صيانه العشره واى معلومات عن الزيت ده ودى صوره الزيت انا صورته ليكوا علشان تقولوقى ايه رايكم وهو كام كيلو والمفروض لو هغيره اغيره على كام ولا من الافضل انى اروح لاى بيبيع زيوت وابدل معاه لموبيل وادفع الفرق او العكس انا مش عارف

[mohamed_rhem]

بصراحه انا مش قادر اعرف الزيت ده بيتغير كل قد ايه لان الزيوت التخليقيه بس هي اللي بتتغير كل 10 الاف كم

التجربه ده جربها ابو عبدالله غير الزيت والفلتر وتيل الفرامل الامامي

افتكر جاب زيت تويوتا بيتغير كل 5 الاف

افتكر الزيت ده زيه بالضبط

لكن المشكله حتبقي ان التوكيل ممكن يخرجك من الضمان

فاسأل ابو عبدالله عمل معاهم ايه

خصوصا انه من المنصوره وكان صعب عليه ينزل

[madoo]

لكن المشكله حتبقي ان التوكيل ممكن يخرجك من الضمان

بجد الكلام دة

اه انا فاكر موضوع ابو عبدالله ده بس ده تقريبا مكانش صيانه العشره دى كانت اكبر من كده

الحقنى يا ابو عبدالله

[madoo]

ايه يا جماعه مافيش مشاركات ليه ؟

انتوا فين يا بشر

[Samir_Adel]

متقلقش خالص, أنا دايما بعمل صيانة في التوكيل كل 10,000 كيلو بس بغير زيت و فلتر برة, بحط شل ألترا الرمادي اللي بيعد 10,000 كيلو.. بس أنا بخاف جدا و من النوع اني بحب ادلع العربية و اريحها فا بحطة كل 5000 كيلو بفلتر اصلي, مش كل 10,000 راحة أكتر للموتور, بس معتقدش ان السبب دة ممكن يخرجك برة الضمان أو يخرجني انا برة الضمان. في زيت اسمة الأمارات, الناس مبسوطة أوي منة و كتير اوي قلولي انة احسن من الشل بس انا مش مصدق!

[madoo]

متقلقش خالص, أنا دايما بعمل صيانة في التوكيل كل 10,000 كيلو بس بغير زيت و فلتر برة, بحط شل ألترا الرمادي اللي بيعد 10,000 كيلو.. بس أنا بخاف جدا و من النوع اني بحب ادلع العربية و اريحها فا بحطة كل 5000 كيلو بفلتر اصلي, مش كل 10,000 راحة أكتر للموتور, بس معتقدش ان السبب دة ممكن يخرجك برة الضمان أو يخرجني انا برة الضمان. في زيت اسمة الأمارات, الناس مبسوطة أوي منة و كتير اوي قلولي انة احسن من الشل بس انا مش مصدق!

ميرسى يا باشا على الرد

بس حضرتك مردتش عليا فى نوع الزيت ده او ايه اللى بيتم فى التوكيل فى صيانه العشره

على فكره انا مغير فلتر فى صيانه الخمسه اللى فاتت ولو هغيره تانى دلوقتى يبقى اجيب الفلتر الاصلى ده منين

انا اسف للاطاله بس انا مستعجل العربيه وصلت 9500 كيلو

[Samir_Adel]

ميرسى يا باشا على الرد

بس حضرتك مردتش عليا فى نوع الزيت ده او ايه اللى بيتم فى التوكيل فى صيانه العشره

على فكره انا مغير فلتر فى صيانه الخمسه اللى فاتت ولو هغيره تانى دلوقتى يبقى اجيب الفلتر الاصلى ده منين

انا اسف للاطاله بس انا مستعجل العربيه وصلت 9500 كيلو

صيانة العشرة صيانة طبيعية جدا مفهاش حاجة كبيرة, زي مثلا نفخ فلتر الهواء وتربيط عفشة و بيشيكوا علي كل حاجة في العربية و رجلاش الفرامل الخلفية و بيطمنوا علي كهرباء العربية. دي الحاجات اللي انا فاكرها بس في حاجات تانية كتيييير جدا بتتعمل, بس نصيحة يعني ابعد عن زيت موبيل, اعمل صيانتك في التوكيل بس زيت و فلتر برة.. و ارشحلك الشل او الأمارات.. و لو انت من هواة الناس اللي بتدلع عربيتها ارشحلك زيت امريكي اسمة شيفر. بس دة سعرة مولع نار! الكيلو ب 190 جنية! بالنسبة لفلتر الزيت انا كنت عامل حسابي في اول صيانة في التوكيل ليا و جبت 4 و راكنهم, اما تروح اشتري 2 ولا 3 و خليهم عندك, بس الكرة الأرضية كلها خاوفتني من موبيل, عشان كدة اتجهت لشل. بس برحتك شوف اللي ينسبك اية و اعملوا يا باشا.

[hhhmmmzzzz]

معقول شل احسن من موبيل طيب لو المعلومة دى صحيحة ماجيب شل واغيره فى التوكيل وادفع الفلتر بس
او اى نوع تانى احسن حد يشور علينا بيه
انا لسة مغير بالتوكيل زيت10000ك بس مش مطمن اسيبه كل الكيلو مترات دى خصوصا فى الحر ده
اعمل ايه؟؟؟؟؟؟؟؟؟؟؟

[Samir_Adel]

معقول شل احسن من موبيل طيب لو المعلومة دى صحيحة ماجيب شل واغيره فى التوكيل وادفع الفلتر بس
او اى نوع تانى احسن حد يشور علينا بيه
انا لسة مغير بالتوكيل زيت10000ك بس مش مطمن اسيبه كل الكيلو مترات دى خصوصا فى الحر ده
اعمل ايه؟؟؟؟؟؟؟؟؟؟؟

علي ما اعتفد انهم في التوكيل مش هيوافقوا انك تديهم الزيت من عندك, بصراحة مظنش خالص انهم يوافقوا, لو انت قلقان اوي اعمل زي ما انا بعمل الزيت بتاعك دة بدل ما تحطة كل 10,000 كيلو, حطة كل 5000 كيلو و انسي الموتور خالص و هتحس براحة تامة و صوت هادي و كلة تمام.

[madoo]

علي ما اعتفد انهم في التوكيل مش هيوافقوا انك تديهم الزيت من عندك, بصراحة مظنش خالص انهم يوافقوا, لو انت قلقان اوي اعمل زي ما انا بعمل الزيت بتاعك دة بدل ما تحطة كل 10,000 كيلو, حطة كل 5000 كيلو و انسي الموتور خالص و هتحس براحة تامة و صوت هادي و كلة تمام.

شكرا يا جماعه على مروركم وانا مبسوط يا ابو سمره بما انك بقيت تظهر كتير الايام دى

بس انا عاوز اعرف لو فى حد عنده معلومه عن الزيت اللى انا مصوره ده

[أبو عبدالله]

من الأخر
الزيت المعدني اللي زي زيت تويوتا اللي انا جربته من قبل وزي اللي حضرتك حاطط صوره ده
الأتنين زيوت معدنية وليست تخليقية وبتقعد 5 الاف كم
ولكن انا تويوتا قعدته معايا حوالي 7 الاف كم وكان شغال
المهم الزيوت التخليقية دي بينصح بها ولكن بعد ما العربيه تعدي 100 الف كم
علشان مبتعملشي تسريب زي الزيوت التخليقية لنها الزيوت التخليقية بتبقى اخف منها

ولكن للامانة هو محدش يقدر يحسم انهي الأفضل

يعني انا مكملتش في زيت تويوتا مع انه كان عجبني جدا
علشان موضوع كل 5 الف كم دي
فأنا احط تخليقي يقعد 10 الف وريح دماغي شويه

فانت براحتك بس اثبت على نوع
عاوز تجربه ممكن تجربه مش هيحصل مشكلة كبيرة ولكن هتقدر تكمل عليه يبقى جربه لو اكيد مش هتكمل عليه بعد كده يبقى خليك في اللي عندنا هنا زي شيل كويس