لوجو التيريوس

[nonalaziza]

انا عايزه اجيب لوجو التيريوس بالاخص اللوجو اللي بيتحط علي غطا الاستبن
انا الغطي بتاعي معدني وشكله مش ظريف وهو فاضي كده كنت عايزه اعرف اذا كان في لوجو للاستبن ولا الحل اني اجيب غطي معدني تاني
وبالنسبه للوجو اللي في الجنب هل متوفر بره التوكيل ولا لا لحسن انا لاقيت الجنب الواحد في التوكيل ب 260 جنيه غير التركيب

[pharonicking]

هو اتسرق ولا ايه؟

[كابوس الليل]

ممكن تروحى تجيبى استيكر اللوجو بتاع الدايهاتسو مش التيروس التيروس نفسها ملهاش لوجو او
ممكن تقلبى اى تيريوس تانية وتخدى العلامة بتعتها

[nonalaziza]

لا هو مش اتسرق هو مش بيجي معاه اصلا هو بيجي زي اللي في الصورة
[ATTACH]4268[/ATTACH]
فاكنت عايزه اعرف هل في امكانيه اركب لوجو شيك علشان اغير شكله

[amrico]

ممكن تروحى تجيبى استيكر اللوجو بتاع الدايهاتسو مش التيروس التيروس نفسها ملهاش لوجو او
ممكن تقلبى اى تيريوس تانية وتخدى العلامة بتعتها

كل واحد يخلي باله من لاغاليغه

[M.almaghraby]

اعتقد ممكن يكون موجود عند ابراهيم ستيكر الي عند ش.دمشق

[nonalaziza]

اوكي ان شاء الله اسأل عنده

[zico900]

اعتقد ممكن يكون موجود عند ابراهيم ستيكر الي عند ش.دمشق

ابراهيم ستيكر؟ هوا الراجل ده اسم على مسمى؟ يعني فعلا عنده جميع انواع استيكر السيارات..؟

لو كده ممكن تديني عنوانه (عماره كام او اي حاجه علشان اعرفله سكه)

شكرا

[madoo]

ازيك يا نور انتى ممكن تعمليه عند اى حد بتاع استيكرات

[khaledmaher]

انا عايزه اجيب لوجو التيريوس بالاخص اللوجو اللي بيتحط علي غطا الاستبن
انا الغطي بتاعي معدني وشكله مش ظريف وهو فاضي كده كنت عايزه اعرف اذا كان في لوجو للاستبن ولا الحل اني اجيب غطي معدني تاني
وبالنسبه للوجو اللي في الجنب هل متوفر بره التوكيل ولا لا لحسن انا لاقيت الجنب الواحد في التوكيل ب 260 جنيه غير التركيب

يانهار ابيض ب260 جنية ليييييييييية هوة بيتكلم ؟؟؟؟؟؟؟؟
انا فعلا هبقى اسئل علية عند ابراهيم استيكر اللى فى شارع دمشق واكيد هيبقى ارخص او من عند البرنس اللى جنب السجان اللى برضة فى شارع دمشق واللة الموفق

[Imhotep]

انا جبت استيكر لونه رمادى من عند ابراهيم استيكر فى شارع دمشق و لزقته على الهارد كفر مكتوب عليه تيريوس و علامة دايهاتسو و شكله مش بطال.....

[rockana]

بكام يا ماهورا

[Imhotep]

8 جنيه يا باشا..... و وسطنته على الهارد كفر و كسر الفراغ اللى كان موجود بشكل لطيف

[eslamegm]

هو شارع دمشق ده الي في المهندسين و لا فين

[khaledmaher]

هو شارع دمشق ده الي في المهندسين و لا فين

شارع دمشق مشهور ومعروف جدا فى مصر الجديدة لجميع انواع قطع الغيار وكماليات واكسسوارات جميع انواع السيارات وممكن تدخلو من ميدان الجامع اللى عند قسم شرطة مصر الجديدة وهوة ممتد حتى شارع ابراهيم اللقانى بروكسى ....