كم سعر الشاريد 2006

[أبوعبدالرحمن]

السلام عليكم ورحمة الله وبركاته،،،

إخواني وأخواتي الأعزاء أخوكم مقبل على شراء شاريد 2006 بحالة جيدة أتوماتيك وأريد الاستفسار عن سعرها وعن قطع الغيار والصيانة في الوكيل بالإضافة إلى ذلك هل للسيارة سوق في مصر ولو حبيت إن أبيعها حيكون لها سوق ومرغوبة،،،

وجزاكم الله خيرًا،،،

[أبو عبدالله]

اولا اهلا بك في منتدانا

ثانيا هو عموما العربيه بقالها سنه ومحدش يقدر يحسم موضوع اعادة البيع في حين ان اعادة البيع بتاعت الموديل القديم كويسه جدا لأن العربيه اعتمادية وشغاله كويس

اما عن قطع الغيار فسوف اكتبها ان شاء الله ولكن هيا تعتبر ارخص الياباني وممكن ارخص من الكوري في حاجات كتير

والصيانة في التوكيل الكل يشهد له أنه من احسن التوكيلات الأن في مصر

انا لو فلوسي متقدرشي تجيب حاجه اعلى من الشاريد هشتريها بدون تردد ان شاء الله

بس ياريت تقولنا السعر كام علشان نعرف مناسب ولا لأ

[أبوعبدالرحمن]

في البداية أحب أسجل اعتذاري لتأخري في الرد وذلك لانشغالي الشديد،،،

اولا اهلا بك في منتدانا

شكرًا أخي العزيز أبو عبد الله على ترحيبك، واستغل المناسبة ديه حتى أهنيك والزملاء الأعضاء بمناسبة قرب عيد الفطر وكل عام وأنتم بخير،،،

ثانيا هو عموما العربيه بقالها سنه ومحدش يقدر يحسم موضوع اعادة البيع في حين ان اعادة البيع بتاعت الموديل القديم كويسه جدا لأن العربيه اعتمادية وشغاله كويس

اما عن قطع الغيار فسوف اكتبها ان شاء الله ولكن هيا تعتبر ارخص الياباني وممكن ارخص من الكوري في حاجات كتير

والصيانة في التوكيل الكل يشهد له أنه من احسن التوكيلات الأن في مصر

انا لو فلوسي متقدرشي تجيب حاجه اعلى من الشاريد هشتريها بدون تردد ان شاء الله

تمام لكن أنا النقطة المهمة لي هي هل للسيارة سوق ومرغوبة في حالة طرحها للبيع أم سأتعب معها وبالطبع ذلك سوف يبخس من ثمنها لاسيما وأن الشخص البائع في الغالب يبيع لهدف إما التغير أو الاحتياج لمبلغها،،، لذلك هذه النقطة مهمة بالنسبة إليّ،،

بس ياريت تقولنا السعر كام علشان نعرف مناسب ولا لأ

سعر السيارة 55 ألف جنيه على شرط أن السيارة على الزيرو على الرغم من أنها موديل 2006 إلا أنها لم تستعمل من قبل وهي وارد الخليج العدد بالضبط 150 كيلو وبها سنتين بالضمان واتوماتيك والسيارة نظيفة،،، فما رائيكم في هذا السعر،،،

[أبو عبدالله]

شكرًا أخي العزيز أبو عبد الله على ترحيبك، واستغل المناسبة ديه حتى أهنيك والزملاء الأعضاء بمناسبة قرب عيد الفطر وكل عام وأنتم بخير،،،

وانت طيب وشكرا لك

تمام لكن أنا النقطة المهمة لي هي هل للسيارة سوق ومرغوبة في حالة طرحها للبيع أم سأتعب معها وبالطبع ذلك سوف يبخس من ثمنها لاسيما وأن الشخص البائع في الغالب يبيع لهدف إما التغير أو الاحتياج لمبلغها،،، لذلك هذه النقطة مهمة بالنسبة إليّ،،

خلي بالك مش لازم نمشي ورا الكلام ومندرسشي الموضوع صح بمعنى
ان بخس في حقها ده يوم ما يكون هيبقى اقل من الطبيعي الفين تلاته مش اكتر حيث ان العربيه اصلا سعرها 55 الف
ثانيا العربيه أؤكدلك ان لها سوق في المستعمل كويس بدليل ان في ناس بدور عليها ومش بتلاقيها
والقديمة بتاعتها موديل اتسعينات بتتباع لحد دلوقتي في التلاتينات
يا اخي ده البرودا كانشي اللي هيا دايهاتسو برضه ولكن اندونيسي بتتباع في الثلاثينات لحد دلوقتي وهيا برضه موديل تسعينات ومش ياباني ولكنها بصراحه كفاءة

سعر السيارة 55 ألف جنيه على شرط أن السيارة على الزيرو على الرغم من أنها موديل 2006 إلا أنها لم تستعمل من قبل وهي وارد الخليج العدد بالضبط 150 كيلو وبها سنتين بالضمان واتوماتيك والسيارة نظيفة،،، فما رائيكم في هذا السعر،،،

ازاي وارد الخارج ولها ضمان مش فاهم !!!!!

ولو هيا كده بس ممكن تنزل في الفلوس شويه يعني 3 او 4 الاف يبقى كويس

[Sharky]

تمام لكن أنا النقطة المهمة لي هي هل للسيارة سوق ومرغوبة في حالة طرحها للبيع أم سأتعب معها وبالطبع ذلك سوف يبخس من ثمنها

رأى الشخصى الشاريد الجديدة غير مرغوبة فى سوق المستعمل عكس الشاريد القديمة و ذلك ليس عيبا فيها بالعكس فيها سيارة جيدة لكن لإن شكلها الخارجى لم يلقى قبولا لدى الشعب المصرى عكس الشاريد القديمةد فبالتالى ستكون هناك صعوبة فى إعادة البيع