هل انتهكت دايهاتسو خصوصية عملائها؟

[aliabutaleb]

السلام عليكم ورحمة الله وبركاته

الحقيقة موقف أكتر من بايخ اتعرضت له اليوم

فوجئت باتصال تليفوني من جيم في دريم لاند قدمت فيه اللي كملتني نفسها وقالت إنها حصلت على رقمي من دايهاتسو.
وان الجيم عامل عرض خاص لعملاء دايهاتسو بسعر خاص وبتجربة مجانية فيه لمدة أسبوع

انا بصراحة الخبر رفع ضغطي سبعتلاف درجة وسخنت وكلمت مركز خدمة دايهاتسو عشان اعمل شكوى على إفشائهم لمعلومات عملائهم بالشكل القبيح ده.

كانت المفاجأة ان اللي رد عليا تقريباً أقسم لي ان دايهاتسو مستحيل تفشي معلومات العملاء بالشكل ده

ورجعت تاني للجيم اللي مرضيش يديني أي معلومات زيادة عن الكيفية اللي جابوا بيها رقمي

دلوقتي عندنا أكتر من معطى

رقم تليفوني اللي مع الجيم
ومعلومة إني من مالكي سيارات دايهاتسو
وزلة لسان اللي في الجيم اللي قالت انهم واخدين البيانات من دايهاتسو
وآخر معطى هو نفي دايهاتسو القاطع إنه أفشى المعلومات

ممكن حد يفكر معايا بصوت عالي ويقوللي

هل انتهكت دايهاتسو خصوصية عملائها بإفشاء معلوماتهم الشخصية؟
ولا فيه إحتمال آخر، ويا ترى إيه ممكن يكون الاحتمال ده؟

انا طبعاً مش منتظر رد من م. مي عبد الحميد لأني عارف إنها غالباً مش موجودة معانا

[MoToRiZeR]

ممممم ... ممكن الكول سنتر ؟!

الشركة اللي ماسكة الكول سنتر لدايهتسو مثلاَ أكيد بتتعامل مع شركات تانية
و بتستخدم داتا بيز النمر بتاعة الشركات كلها في حملات الدعاية التليفونية اللي زي دي

المهم كان إيه العرض يابو حمزة انا بدور علي جيم في أكتوبر مكلمونيش انا ليه ههههههههه .

[aliabutaleb]

ممممم ... ممكن الكول سنتر ؟!

الشركة اللي ماسكة الكول سنتر لدايهتسو مثلاَ أكيد بتتعامل مع شركات تانية
و بتستخدم داتا بيز النمر بتاعة الشركات كلها في حملات الدعاية التليفونية اللي زي دي

المهم كان إيه العرض يابو حمزة انا بدور علي جيم في أكتوبر مكلمونيش انا ليه ههههههههه .

فكرت زيك في الاول يا محمود
لكن لما كلمت الكول سنتر قالولي ان شركة الكول سنتر اتغيرت وان اللي موجودين دلوقتي شغالين مباشرة في دايهاتسو أو حاجة زي كدة
لكن لا زال الكلام مش مقنع

العرض مرضيوش يقولولي عليه غير لما أروح :)
بس قبل العرض
1550 جنيه كل 3 شهور

[MoToRiZeR]

1550 كل 3 شهور ! طب ما أروح gold's gym أحسن !!
لأ إحنا كدة بقي نطلع عنيهم و نقاضيهم بسبب موضوع إنتهاك الخصوصية دي مش أسعار بصراحة


يمكن شركة الكول سنتر القديمة ؟!
عامة دي مجرد تكهنات لحد ما نلاقي رد من أستاذة مي

[A.Saad]

قدموا شكوى فى ديهاتسو افضل

[medo_sirion]

ولا عزاء فى من تنادى
فين الانسة مى مش المفروض انها اسرع وحدة ترد على الموضوع دة

[aliabutaleb]

قدموا شكوى فى ديهاتسو افضل

بالفعل ده حصل أول ما جالي الاتصال زي ما حكيت
بس بصراحة من كتر الشكاوى اللي عملتها قبل كدة من غير ما يحصل أي اهتمام بيها ولا حتى ضحك على الدقون ومتابعتها من جانبهم مش بتفائل خير بموضوع الشكاوى دي ومش بانتظر كتير منها.
يعني انا بصراحة قدمت الشكوى تحصيل حاصل
غير ان اثبات ان دايهاتسو هي اللي طلعت المعلومات مش ممكن طبعاً

[maimahmoudCRM]

Dear Respected
Regarding the above mentioned subject, I investigated in the case myself as I doubted that may be the previous call center could have made that eventhough they know that it is illigal and that we could sue them for that, but when I knew that Mr. Hesham Hosny, our Sales & Marketing General Manager did receive the same phone call as Mr. Aly as a regular Daihatsu customer, I confirmed that it is not from them as Mr. Hesham's number is not registered in our database also his title is registered with his name
I called the management of that gym and they said that they got the database from a company that is specified in collecting database, and they did the same thing with other automotive companies and with CIB, and finally I prohbited them from doing such promotion again with our customers
Kind regards

[Ahmed Samy]

شكرا للسيدة مي على الرد و تبرئة ساحة دايهاتسو

ولكن مازال هناك حقيقة ان عملاء شركات السيارات تباع ارقامهم لشركات تجميع البيانات و منه الى محتلف النشاطات الدعائية

فعلا شئ مقرف

[توفيق طة]

dear respected
regarding the above mentioned subject, i investigated in the case myself as i doubted that may be the previous call center could have made that eventhough they know that it is illigal and that we could sue them for that, but when i knew that mr. Hesham hosny, our sales & marketing general manager did receive the same phone call as mr. Aly as a regular daihatsu customer, i confirmed that it is not from them as mr. Hesham's number is not registered in our database also his title is registered with his name
i called the management of that gym and they said that they got the database from a company that is specified in collecting database, and they did the same thing with other automotive companies and with cib, and finally i prohbited them from doing such promotion again with our customers
kind regards

عزيزتى م/ مى ..

ياريت الرد يكون باللغة العربية لغتنا الجميلة .لغة الأسلام .لغة القرآن الكريم ..

تحيــــــــــــاتى

[som3aa]

ايه المشكلة يا جماعة الموضوع دا منتشر فى مصر جداااااا , شركات الموبايل نفسها بتعمل كدا ممكن يكونوا موظفين فيها او شركة software بتعملها الdatabase او حاجة لان خط الموبايل بتاعى باسم ابويا فلما يطلبونى باسمه معنى كدا ان الرقم متاخد من الشركة نفسها و الكلام دا بيحصل كتييييير جدا معايا شركة تكلمنى و بنوك تكلمنى تقولى عندا offer و كدا.

طبعا انا مش بقول ان الكلام دا صح و لا قانونى و لا عادى , انا بقول بس انها مش حاجة عيب من دايهاتسو

[ahmed4000]

هو غلط طبعا
بس حد يعرف الشركات اللى بتبيع الداتا بيز دى محتاجهم ضرورى :)