سؤال لمقتني غطاء السيريون من top cover egypt

[MoToRiZeR]

مساء الخير علي أحلي ناس

انا مياه التكييف اللي نازلة عالعربية و هي مركونة تحت البيت عاملالي أزمة بسبب إنها بتتجمع علي الغطاء
و بعد البحث و سؤال الأعضاء في المنتدي هنا و عالنت في مواقع أجنبية لقيت إن الموضوع له أضرار بشعة !

فا إن شاء الله هجيب غطاء ووتر بروف من توب كوفر إيجيبت .. فا كنت عايز أعرف من الأعضاء اللي عندهم الغطاء
هل جودته كويسة ؟ و هل بعد المطرة كنتم بتحسوا بأي كمكمة أو مياه أو ندي علي جسم العربية ؟ يعني هل هو breathable ولا بيكتم الحرارة و المياه المكثفة تحته ؟ و يا تري أخر سعر له إيه ؟

و شكراَ مقدماَ .

[NaderNabil]

اللي انا فاكره إن معاذ مبقاش يحطه عشان حصل فيه حاجة...

إما يكون باظ أو إتسرق :)

إسأله لأنه معاه واحد

[MoToRiZeR]

أه انا فاكر إن قطة قطعته باين !!
عشان كدة انا حاسس الغطاء خامته محل سؤال
و كمان شكله قيم فا محل سرقة برضه !

[medo_sirion]

انا بتاعى اتقطع من القطط
بس وديتة عند خياط وعملهوى بس صغير على العربية
ههههههههههه

[توفيق طة]

مساء الخير علي أحلي ناس

انا مياه التكييف اللي نازلة عالعربية و هي مركونة تحت البيت عاملالي أزمة بسبب إنها بتتجمع علي الغطاء
و بعد البحث و سؤال الأعضاء في المنتدي هنا و عالنت في مواقع أجنبية لقيت إن الموضوع له أضرار بشعة !

فا إن شاء الله هجيب غطاء ووتر بروف من توب كوفر إيجيبت .. فا كنت عايز أعرف من الأعضاء اللي عندهم الغطاء
هل جودته كويسة ؟ و هل بعد المطرة كنتم بتحسوا بأي كمكمة أو مياه أو ندي علي جسم العربية ؟ يعني هل هو breathable ولا بيكتم الحرارة و المياه المكثفة تحته ؟ و يا تري أخر سعر له إيه ؟

و شكراَ مقدماَ .

ى أنا عندى منة عدد 2 موديل قديم وموديل السنة دى أحسن من القديم ولة حزام تدخلة من الباب الأمامى بقفل

ضد السرقة ولة أستك من تحت حتى لا يطير من الهواء هو كويس وخفيف فى الصيف أما الشتاء مش عملى..

والأحسن تعمل واحد تفصيل عند أى سروجى على مقاس السيارة يكون قماش تند عشان يستحمل القطط..

تحيـــــــــــــــــاتى

[askoda]

I have a one and i want to sell it because i don't use it as i rarely stop my car under my home

If you are interseted in it call me ya basha

7869610-010

[أبو عبدالله]

هو عملي ومش عملي في نفس الوقت
يعني له مميزات وعيوب

مميزاته :
1- خفيف سهل في الشيل والحط والتخزين
2- مبيمسكشي فيه الميه يعني له جه عليه ميه مفيش مشكلة حتى لو لفيته وحطيته في الشنطة مبعملشي كمكمه ولا اي حاجه لأنه مش قماش بيخزن الميه ولكن هو لو اتنشر حوالي ربع ساعه مش هتلاقيه اثر للميه فيه
3- له حزام بيربطه من الأبواب الأمامية علشان ميطرشي من على العربيه او ميتسرقشي برضه
4-بيحافظ على دهان العربيه من الحرارة الجامده من الشمس
يعني بيعمل على تهوية العربيه من تحته وفي نفس الوقت بيحجب اشعة الشمس من على دهان العربيه
لأن اي غطاء اخر خصوصا في الشتاء ومع تخزين الميه
مبيأثر على دهان العربيه علشان التهوية وممكن تلاقي البويه لونها غير
وكذلك في الشمس الأغطية الأخرى بتبقى كاتمه جامد على بوية العربيه فبتبقى عامله لها حاجه زي الفرن كده
وفي نفس الوقت لو جبت غطاء مفرغ شويه يبقى هيعدي الميه والتراب منه

عيوبه :
1- سعر غالي وده اكتشفته لما لقيت نفس الغطاء بل افضل منه في الخامه بيستحمل ومش سهل القطع صيني عند محل اكسسوارات عندنا في المنصورة ولكن للأسف هو جايبهم هو صاحب المحل من الصين بنفسه
يعني مش موجودين في السوق ومفيش للسيريون بس انا اشتريت منه واحد بتاع كورولا وهظبطه عند اي واحد سروجي
بس خامته جميله وصعبه في القطع
وسعر الصيني ده بــ 90 جنيه بس تخيل بقه يعني مش 200 جنيه وخامه انظف وجاي بشحن من الصين مش متصنع هنا
حسبي الله ونعم الوكيل في بلدنا

2- سهل القطع جدا اي حد بيعدي من جمبه وحك فيه بحاجه خشنه او حاده شويه يروح مقطوع عالطول
3- بعد فتره الشمس بتاكله وكل مدى بيبقى سهل القطع اكتر

في النهاية لك كامل الحرية في الأختيار
وعلى فكره في نوع برضه جميل جدا عند السجان بيجي في بكرة بلاستيك كده
هو خامته جميلة للشمس والميه وبرضه مبيشربشي الميه لأنه مصونع من البلاستيك تشوفه تحس انه عامل زي الحرير كده
بس عيبه ان لو جه عليه سجارة هتنقر مكانها لأنه بلاستيك وهو سعره 80 جنيه عندنا في المنصورة والسجان هو اللي بيستورده كمان