مقابلة يوم الجمعة

[medo_sirion]

انشاء الله ياجماعة هتكون المقابلة القادمة يوم الجمعة الساعة 9 ص
وهتكون المقابلة متنوعة من لقاءات وتجمعات وغذاء بعد الصلاة وسيتم حجز السيارات القادمة عند مركز الفا للعنايا الفائقة واول الحاجزين هوة استاذ توفيق
وياريت ياجماعة نعرف مين اللى هينورنا وهيجى المقابلة التى سوف تتم فى الاسماعيلية يوم الجمعة القادة
وبلتوفيق

[MoToRiZeR]

انا معاااااكم .. هناكل جمبري و كابوريا يا ميدو :D و كوتيلات الإسماعيلية بقي loool
و إن شاء الله ممكن أضرب للعربية واكس ولا حاجة .

[medo_sirion]

خلاص ياجماعة كدة محمود دخل كمان فى الحجز الفا
يلا عايزين تصويت ونشوف مين اللى هيجى

[aliabutaleb]

كنت فعلاً نفسي أكون معاكم
بس للأسف مرتبط بالسفر لاسكندرية يوم الخميس ان شاء الله
تتعوض فرصة تانية بإذن الله

[توفيق طة]

فين باقى الشعب السيريونى ؟؟؟؟؟؟؟

[zozza]

للاسف و كالعادة مسافر مع الشغل وقت المقابلة
بقالي كتير نفسي اتعرف على الناس المحترمة هنا بس هنعمل ايه اكل العيش.
انشاء الله المرة الجاية اكون موجود و اتمنى ليكم وقت سعيد في المقابلة دي و خلُوا بالكو من الطريق

[osama_alam]

انا كمان مسافر اسكندرية . انتم عملتم الميعاد قريب اوي ليه كده مينفعش الجمعة القادمة ؟؟

[MoToRiZeR]

طب بالنسبة للجمعة اللي بعديها يا جماعة هينفع علي باشا و أسامة باشا ييجوا لو المعاد بقي الجمعة 24 ؟

[توفيق طة]

فينك ياأبوعبدالله ..

فينك د/معاذ ..

فينك يا أخى عمرو عمارة ..

أستاذ /رامى أين أنت ؟؟

فين الجنس اللطيف ؟ والا هى رجاجلى بس على رأى العزيزة علا ..

لو عايزين تأجلوهاالجمعة القادمة ما فيش مانع بس المهم نتفق بقى..

[madoo]

اولا انا كمان اسف مش هينفع اكون موجود
اولا مسافر summer trainning فى شركه بترول فى جبل الزيت ثانيا انا اساسا مش موافق على الاسماعيليه انا كان نفسى اليكس بس بالله عليكوا اوعدونى المره الجايه تكون فى اليكس انا لسه راجع من المعموره بجد من اجمل 15 يوم فى حياتى

[Ahmed-Moustafa]

السلام عليكم و رحمة الله
كيف أحوالكم جميعاً وحشتونى قوى والله
انا نفسى أكون معاكم يوم الجمعة اللى جاية بس للأسف العربية عاملة حادث بسيط كدا و لسه مش هتخلص قبل يوم الئلاثاء 21/7 مع إن الخبطة يوم 2/7 بس دا كله بتتصلح
إن شاء الله لو الجمعة اللى بعدها ممكن أكون معاكم أو ممكن آجى مواصلات لو الجمعة الجاية إن شاء الله

بالمناسبة قبل السفر ممكن أقولكم على أماكن الرادارات على طريق مصر-إسماعيلية :)

[توفيق طة]

السلام عليكم و رحمة الله
كيف أحوالكم جميعاً وحشتونى قوى والله
انا نفسى أكون معاكم يوم الجمعة اللى جاية بس للأسف العربية عاملة حادث بسيط كدا و لسه مش هتخلص قبل يوم الئلاثاء 21/7 مع إن الخبطة يوم 2/7 بس دا كله بتتصلح
إن شاء الله لو الجمعة اللى بعدها ممكن أكون معاكم أو ممكن آجى مواصلات لو الجمعة الجاية إن شاء الله

بالمناسبة قبل السفر ممكن أقولكم على أماكن الرادارات على طريق مصر-إسماعيلية :)

أحمد باشا هنا مش معقولة يااااااه واحشنى والله أنا عارف انك مشغول طيب ألو أو رنة

ياريت رقمك على الخاص عايز أكلمك ممكن ..

تحيــــــــــــــاتى

[أبو عبدالله]

والله انا مشغول جدا الفتره دي
ومش عارف هقدر ولا لأ
ان شاء الله ربنا ييسر بس تبقى الجمعه اللي بعد اللي جايه دي

[عمرو عمارة]

فينك يا أخى عمرو عمارة ..

نداءك لي يعز علي جداً يا توفيق بك.......بس ظروف مرض والدي ولزومي بجانبه هام جداً

أرجو قبول إعتذاري

[madoo]

الناس كلها بتعتذر ايه اللى جراه

عموما وفق الله كل شخص فى ظروفه اللى منعته من المقابله وانجزها على خير وانا واحد منهم

اااااااااااميييييييييييييييييييييييين