إعـــــــلان

Collapse

.

,
See more
See less

تغيير علبة الدركسيون .... كلاكيت تانى مرة (سريون 1.5 2008)

Collapse
X
 
  • Filter
  • الوقت
  • Show
Clear All
new posts

  • تغيير علبة الدركسيون .... كلاكيت تانى مرة (سريون 1.5 2008)

    السلام عليكم و رحمة الله و بركاته

    معظم الاعضاء اللى متابعين قسم دايهاتسو عارفين انى كنت غيرت علبة الدركسيون للعربية بدل الفابريقة بتاعتها تقريبا فى اخر شهر مارس.

    بعد تغيير العلبة الاصلية بفترة صغيرة (حوالى 7-10 ايام) الصوت بدأ يرجع تانى, لكن فى الحتة المكسرة جامد .... و ده كان تعليق اكثر من شخص غيروا العلبة بعدى, فقلت مش مشكلة اوى, الصوت بنسبة كبيرة كان اختفى و كنت على استعداد للتعايش مع ظهورة بنسبة اقل بكتير من قبل كده.

    لكن على شهر 5 كده, الصوت بدأ يطلع بشكل اقوى بكتير لدرجة انه على بداية شهر 6, كنا بيطلع على الطرق المستوية كمان ... حاولت اروح مركز الصيانة لكن كنت مشغول جدا فى الامتحانات, و كنت فعلا حاجز انى اروح مع مهندس توفيق طه يوم 22/6 لكن منفعش خالص.

    المهم الاتفاق مع مهندس احمد عبدالوهاب انى اكلم الانسة مى عبدالحميد علشان ترتب تواجد المهندس مصطفى الشريف مسئول الضمان فى دايهاتسو علشان يشوف العربية و يحدد العيب فين علشان يتصلح.

    اخدت ميعاد فى او ل شهر 7 بعد اما خلصت, و رحت للمهندس مصطفى و جربها و فعلا اتخض من قوة الصوت اللى عندى, و قالى انه معداش عليه عربيات الصوت فيها قوى للدرجة دى و اتفقنا بما انى مش عاوز العربية تبات, هجيبها يوم من اوله خالص, و نفضل قاعدين لحد اما نخلص.

    فعلا اخدت ميعاد يوم الثلاثاء 21/7 الساعة 9 صباحا, و قلت للمهندس على كام حاجة كمان موجودين علشان نشوفهم:

    1- جوان غطاء التاكيهات, لأن كان فى تعريق زيت جامد على الموتور
    2- دواسة البنزين تقيلة, و ده لاحظه مهندس مصطفى
    3- التكييف, ادائه مش مرضى ليا, ده بالاضافة الى ان صوته عالى

    رحت فى ميعادى, و العربية دخلت و اتضح ان العلبة اللى كانت راكبة باظت ... فتم تغيرها بعلبة جديدة فى الضمان طبعا

    بالاضافة الى كده تم تغيير عدد(1) شداد الميزان و المفروض كان يتغير (2) لكن التانى هركبه الاسبوع ده ان شاء الله مع صيانة ال 35 الف كم.

    بعد تركيب العلبة الجديدة, الربية طلعت على جهاز الزوايا, و للأسف متظبتطش, لسه فى حدفة شمال ... بالاضافة لكده برضه بتلف فى ناحية اكتر من التانية لكن بشكل اكبر من المرة اللى فاتت.

    المشكلة ان الجهاز بتاع الزوايا "هنج" و كان فى كذا عربية مستنية لكن مكنش عاوز يشتغل خالص... فأتفقنا هنعملها مع الصيانة ان شاء الله

    تانى حاجة اتعملت كان تغيير جوان غطاء التاكيهات فى الضمان... و المهندس مصطفى شريف قالى ان فى batch عربيات معينة معروف ان الجوان ده خامته مش كويسة اوى ... و ان ملوش تأثير على اى حاجة تقريبا غير تعريق الزيت.

    العربية خلصت تقريبا على الساعة 7, كنت انا و مهندس ماجد و الفنى بس اللى مستنين فى المركز... فملحقناش الحاجات التانية

    المركز كان زحمة جدا جدا جدا ... فعلشان كده العربية اخدت الوقت ده كله

    اخر كلام بيتقال ان الافتتاح الرسمى لأبورواش هيبقى 17 اغسطس فى حضور الشيخ محمد جميل

    العربية مش هقول انطباعى غير بعد اسبوع على الاقل من التغيير علشان ابقى خدت وقتها زى اللى قبلها.

    كلمة اخيرة .... مهندس مصطفى الشريف بجد شخصية اكثر من محترمة, و فعلا انا اتشرفت فعلا انى اتعرفت عليه.
    [CENTER][SIZE="5"][COLOR="YellowGreen"]إن لم تستح ..... فأصنع ما شئت[/COLOR][/SIZE][/CENTER]

  • #2
    تانى يادكتور معــــــــــــــاذ ..

    أولا تحياتى .

    ثانيا أكيد عربيتك محسودة .. علبتين دريكسيون فى 4 شهور فقط ؟دة كتير والله.

    عموما ربنا يطمنك وأكيد خير ..

    تحيــــــــــــــاتى
    البيت بيتــك

    Comment


    • #3
      معاذ باشا ... حمدالله على السلامة
      مش عارف اقولك ايه على موضوع علبة الدريكسيون ... الموضوع بقه اوفر
      ان شاء الله المشكلة تنتهى المرة دى

      Comment


      • #4
        بجد الله يكون فى عونك!!!!!! علبتين دركسيون وتعريق زيت جامد وتكييف صوته عالى واداؤه وحش وحدفة شمال ولوط عربيات فيه مشكلة ومدكنين فى التوكيل لما الناس تشتكى؟ الواحد بيشترى اوروبى ولا يابانى علشان الجودة والامان وراحة البال انما كدة كتير اوى. يبدو ان فى فرق كبير بين الدايهاتسو وباقى اليابانى. ربنا ييسرلك حل مشاكلك اللى بالجملة دى !
        [RIGHT][FONT=Traditional Arabic][COLOR=blue]لاَ يُكَلِّفُ اللّهُ نَفْساً إِلاَّ وُسْعَهَا لَهَا مَا كَسَبَتْ وَعَلَيْهَا مَا اكْتَسَبَتْ رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا رَبَّنَا وَلاَ تَحْمِلْ عَلَيْنَا إِصْراً كَمَا حَمَلْتَهُ عَلَى الَّذِينَ مِن قَبْلِنَا رَبَّنَا وَلاَ تُحَمِّلْنَا مَا لاَ طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَا أَنتَ مَوْلاَنَا فَانصُرْنَا عَلَى الْقَوْمِ الْكَافِرِينَ [/COLOR][/FONT][/RIGHT]

        Comment


        • #5
          الحمد لله على حل المشاكل يا معاذ
          و ان شاء الله تكون العلبة التالتة اخر علبة دريكسيون
          و تكون دى أخر مشاكل السيريون


          Comment


          • #6
            مش مغيرها !!
































            مش مغيرهاااااااااااا !!!! حمد الله علي سلامة العربية يا معاذ
            تعريق الزيت ده أعرفه إزاي ؟

            بالمناسبة يا جماعة موضوع أبو رواش ده بقي أوفر أوي ده تأجيل إفتتاحه قارب أو تخطي السنة تقريباَ !! انا أخر مرة رحت قالولي أخر 6 .. 6 خلص و 7 خلص و بقي خير اللهم إجعله خير نص 8 ... و حاسس إنه هيتأجل تاني برضه .

            و شداد الميزان ده إيه و أعراضه إيه ؟
            [COLOR="gray"]
            [CENTER]Leadership is based on inspiration, not domination[/CENTER][/COLOR]

            Comment


            • #7
              المشاركة الأصلية كتبت بواسطة mahmoud saloum مشاهدة المشاركة
              بجد الله يكون فى عونك!!!!!! علبتين دركسيون وتعريق زيت جامد وتكييف صوته عالى واداؤه وحش وحدفة شمال ولوط عربيات فيه مشكلة ومدكنين فى التوكيل لما الناس تشتكى؟ الواحد بيشترى اوروبى ولا يابانى علشان الجودة والامان وراحة البال انما كدة كتير اوى. يبدو ان فى فرق كبير بين الدايهاتسو وباقى اليابانى. ربنا ييسرلك حل مشاكلك اللى بالجملة دى !
              بصراحه فعلا موضوع علبه الدريكسيون دي زياده شويه. بس من ناحيه تانيه حضرتك بردو مكبر الموضوع.. 3/4 العربيات بتخرج من التوكيل فيها حدفه. موضوع جوان غطا التاكيهت اللي فيه عيب و بيتغير حاجه عاديه جدا زيها زي ديسكات الامبريزا اللي كانت بتتغير في الضمان.. و موبينه الميجان اللي كانت بتضرب و تتغير لو العربيه في الضمان.. و كل الحاجات دي مكانتش بتتغير الا لو صاحب العربيه اشتكى و ده مش معناه ان التوكيل حرامي و لا ان العربيات وحشه.
              Thanks
              Ahmed Hassan
              [I][SIZE=3][SIZE=2]When all you have is a hammer, everything looks like a nail

              [/SIZE][/SIZE][/I][CENTER][SIGPIC][/SIGPIC][/CENTER]

              Comment


              • #8
                الف سلامة يادكتور ويارب تكون اتوفقت في الامتحانات
                بس بصراحة ياجماعة العربية مختلفة تماما عن التويوتا سواء في الخامات او الاداء او اللون الي بيتشال من مجرد حكة والمشكلة الكبيرة التكييييييييييييييييييف الي مش راضي عن ادائه لغاية دلوقت ومش عارف ايه الحل

                Comment


                • #9
                  انا مش عارف اقول ايه ؟

                  اولا انا ركبت دايهاتسو شاريد فى السعوديه سنه 1995 وكانت عربيه تحفه بجد

                  بالنسبه للى حصل مع صاحب الموضوع وكثير من مالكى ديهاتسوا

                  اما ان عبد االطيف جمبل جايب عربيات فرز عاشر لمصر

                  او ان شركه ديهاتسوا بقى انتاجها سىء ومليان عيوب

                  وانا ارجح الاحتمال الاول

                  ربنا يصبر مالكى السيارات فى مصر على ما ابتلاهم به من جشع الوكلاء وعدم التزامهم بالجوده والامانه

                  وحسبنا الله ونعم الوكيل
                  سبحان الله وبحمده سبحان الله العظيم

                  Comment


                  • #10
                    يارب يا دكتور معاذ تكون اخر علبة دركسيون والموضوع يتحل علي خير

                    لان موضوع علبة الدركسيون بقي يقلق ناس كتير
                    [COLOR="Red"][URL="http://www.7abamix.com/2minutes.htm"][SIZE="6"]سبحان الله وبحمده[/SIZE][/URL][/COLOR]

                    Comment


                    • #11
                      انا بصراحه شايف ان الموضوع يزعل ومعلشي مش عادي خالص اني ادفع في عربيه فوق ال 80 الف جنيه عشان اتعب اعصابي
                      يعني انا معايا شاريد 92 ولسه مغيرتش علبة الدركسيون دي ولا اعرف شكلها اصلا
                      يعني 17 سنه وداخلين على ال 18 اللهم لاحسد
                      اكيد السريون بتاعة استاذ معاذ 2008
                      يعني حوالي 16 - 17 شهر وغيرها مرتين

                      والله انا قريت الموضوع من اول يوم كتبه الاستاذ معاذ فضلت اني مكتبش تعليق لأن اللي حصل ده يحرق الدم
                      [SIZE=3]الثَّوْرَه يَصْنَعَهَا الْشُّرَفَاء وَيَرِثُهَا الْجُبَنَاء[/SIZE]

                      Comment


                      • #12
                        للأسف يا د.معاذ......واضح إن شوارع مصر كانت مجرد شماعة تُعلق عليها العيب في صناعة علبة الدركسيون....ومهما كانت الشوارع زفت.... عشان علبة دركسيون جديدة ( ومتعدلة كمان ) تتغير بعد ثلاث شهور ده مالوش غير معنى واحد.....عيب في التصنيع وليس شوارعنا

                        أنا العيب ظاهر عندي جامد لدرجة إني بقيت أعلي صوت القراّن عشان مسمعش التخبيط وفي نفس الوقت خايف أغير العلبة لكثرة المشاكل بعد التغير

                        كان الله في عوننا جميعاً
                        [CENTER][B]قال رسول الله صلى الله عليه وسلم " لا تزال طائفة من أمتي ظاهرة على الحق حتى تقوم الساعة "[/B] [/CENTER]

                        Comment


                        • #13
                          كان الله في عونك يا معاذ ويا رب تكون اخر علبة دركسيون،

                          على فكرة موضوع الحدفة الشمال ده كان موجود برضه في عربية اختي.

                          المصادفة الكبرى اني برضه كنت غير راضي عن التكييف في السيريون وكنت بقارنه بعربيتي الميجان وبعربية اخويا الصني كانت فعلا كفاءته انا غير راضي عنها تماما خصوصا مع الشمس والخبر الجميل ان لما بلغتهم الموضوع ده مع الصيانة الاخيرة قالو التكييف كفاءته كده عادي ومفهوش اي مشكلة.
                          [SIGPIC][/SIGPIC]

                          Comment


                          • #14
                            طب و الحل يا جماعة ؟

                            انا مش عارف أغير العلبة و أخش في موال ملوش نهاية و أبقي كل شوية في التوكيل
                            ولا أسيبها كدة و خلاص ولا أعمل إيه ؟!

                            انا بقي التكييف عندي كويس جداَ قارنة بالكليو و بيسقع في وقت حلو .
                            بس الكمبروسر باز .. هو شغال بس بيطلع صوت غريب و هيتغير في الضمان .

                            حاسس إنه هيبوظ و يبقي مش كويس مش عارف ليه !

                            ملحوظة : هما عملوا request بإسمي بالكمبروسر لأنه مكنش موجود في الصيانة اللي فاتت
                            اللي كانت من شهر و شوية .. و لحد دلوقت مجاش ! انا بحمد ربنا إنه شغال و المشكلة في الصوت بس

                            لأن لو ماشي في الفترة دي من غير تكييف .. مكنتش عارف هعمل إيه بصراحة !
                            [COLOR="gray"]
                            [CENTER]Leadership is based on inspiration, not domination[/CENTER][/COLOR]

                            Comment


                            • #15
                              المشاركة الأصلية كتبت بواسطة motorizer مشاهدة المشاركة
                              طب و الحل يا جماعة ؟

                              [gdwl]
                              انا مش عارف أغير العلبة و أخش في موال ملوش نهاية و أبقي كل شوية في التوكيل
                              ولا أسيبها كدة و خلاص ولا أعمل إيه ؟!
                              [/gdwl]

                              انا بقي التكييف عندي كويس جداَ قارنة بالكليو و بيسقع في وقت حلو .
                              بس الكمبروسر باز .. هو شغال بس بيطلع صوت غريب و هيتغير في الضمان .

                              حاسس إنه هيبوظ و يبقي مش كويس مش عارف ليه !

                              ملحوظة : هما عملوا request بإسمي بالكمبروسر لأنه مكنش موجود في الصيانة اللي فاتت
                              اللي كانت من شهر و شوية .. و لحد دلوقت مجاش ! انا بحمد ربنا إنه شغال و المشكلة في الصوت بس

                              لأن لو ماشي في الفترة دي من غير تكييف .. مكنتش عارف هعمل إيه بصراحة !
                              طبعا لازم تغيرها ادخل موال مع التوكيل وانت في فترة الضمان احسن ماتستنى لحد ما يخلص الضمان وانت اللي ها تتحمل برضوا وهايكون الموال اللي انت خايف منه خارج الضمان

                              لو حد فيكم جايب العربيه تقسيط منهم مباشرة واتأخر في دفع القسط بسبب ظروف
                              هايتعاملوا معاكوا ازاي طبعا بالقانون وده حقهم
                              المتضرر من صناعتهم حقه ايه وفين وازاي يجيبه
                              والله المفروض كانت ديهاتسو مصرتعمل حملة تغيير علب دركسيون على كل السريون اللي طلع من عندها عشان يزودوا ثقة الناس فيهم بس هااقول ايه احنا مش في اوروبا
                              [SIZE=3]الثَّوْرَه يَصْنَعَهَا الْشُّرَفَاء وَيَرِثُهَا الْجُبَنَاء[/SIZE]

                              Comment

                              Working...
                              X