ابيع دلوقت بعد التوضيب ولا اركبها استفيد باللي صرفته واركبها

[mohamed_rhem]

السلام عليكم ورحمة الله وبركاته

طبعا انتم عارفين ان معايا شاريد 90 3 سلندر مكيفة

الخلاصه مش حطول عليكم

العربيه معايا بقالها سنتين زي الفل مبصرفش عليها اكتر من الزيت والبنزين والصيانه الدوريه

وكانت عايزه طقم شنبر كسلت اغير سير الكاتينه قولت مع طلقم الشنبر
السير اتقطع وغيرت صبابات وعملت طاقم الشنبر وظبط الموتور

مفيش يدوب مشيت 1000 كم والكابوت اتفتح وانا علي الزراعي عملت سمكرة ودوكو وغيرت فوانيس كامله ورا وقدام واشارات ولمبات عاليه وسروجي وعفشة

وداخل في ال 1000 التاني يقوم خرطوم الميه اللي خارج من الردياتير يتقطع وادخل في وش سلندر ثم موتور استيراد
وطبعا مركبتهوش كده اتعمله خرط وركبت البستم الكبير بتاع الموتور القديم وخرطت الكرنك وطبعا الوش زيرو مجناش جنبه

اشتريت مارش جديد وبطاريه جديده وكبالن جديدة وماستر عمومي وطلمبه مياه جديدة لسه مركبتهاش جتركب انهارده انشاء الله

بصراحه العربيه مش فاضل ليها غير
1-فردتين كاوتش 320 جنيه جي تي مقاس 145
2- طنبورتين وتيل فرامل امامي 250+40
3-4 مساعدين ورا وقدام 1060 جنيه
4- شحن التكيف علشان غيرنا الموتور 80 جنيه

مع العلم اني صرفت حوالي 7000 حنيه

وطبعا الحاجات ده مش موقفه العربيه يعني براحتي

السؤال
هل اسبها سنتين ثلاثة وامشي بيها واستفيد باللي دفعته خصوصا اني لو غيرت حجيب مستعمل وبرضه ممكن اقع في القصه ده تاني واصرف من جديد

ابيع دلوقت وهي حالتها 100% علشان اعرف ابيعها

[أبو عبدالله]

طبعا تمشي بها وتستفاد بكل اللي انت عملته ده
سبحان الله العربيات دي تبقى ماشيه مفيش مشكلة
واول ما صنيعي يحط ايده تلاقيها بتنهار مش عارف ليه
عالعموم مبارك عليك التجديد
وانا رايي انك تسيبها شويه تستفاد بالكلام الجميل اللي انت عاملته ده
المهم العربيه تكون حالتها والشغل اللي اتعمل فيها كويس ان شاء الله

[mohamed_rhem]

شكرا ابو عبدالله علي ردك

تصدق بالله والله من ضمن الاسباب اللي مخلايني متردد اني ابطل ادخل علي منتدي ديهاتسو

والله بحس اني وسط اخواتي

وطالما ده رأيك خلاص مفيش بيع انشاء الله لحد ما ربنا يكرم وجيب سيريون 1500 اتوماتيك زيرو

مهو العشرة متهونش

[أبو عبدالله]

شكرا ابو عبدالله علي ردك

تصدق بالله والله من ضمن الاسباب اللي مخلايني متردد اني ابطل ادخل علي منتدي ديهاتسو

والله بحس اني وسط اخواتي

وطالما ده رأيك خلاص مفيش بيع انشاء الله لحد ما ربنا يكرم وجيب سيريون 1500 اتوماتيك زيرو

مهو العشرة متهونش

لا يا اخي والله حتى لو بعت هتفضل ان شاء الله تدخل عالطول
لأن ساعتها هتجيب السيريون الجديده ان شاء الله
ربنا يكرمك واحنا طبعا كمان سعداء بك
طبعا اكيد كلنا اخوات هنا
واي خدمة بجد ان شاء الله هتلاقي الكل موجود

[mahamedaraby]

بص انت لو هتشترى مستعمل هتلاقى فيه بردوا حاجات زى دى وهتفتح برضوا

انا راى استفيد بالحاجات اللى انت عملتها

وفعلا مش عارف ليه الصنايعى من دول يمد ايده فى العريبه تلاقى كذا حاجه تانيه باظت هل ده غباء منهم ولا عن قصد سبوبه يعنى ولا عمر افتراضى

[mahamedaraby]

مم

[mohamed_rhem]

لاء خلاص مش حبيع

انا اقتنعت برأيكم

انا مش حسيب العربيه بصراحه والله هي خدمتني ومش عايز افرط فيها وربنا يكرم واجيب عليها سيريون

انشاء الله لما ربنا يكرم حبقي اشتري سيريون

[عزيز محمد]

رأى يا أخى ماتبعش، إنت دلوقتى حافظ العربية حتة حتة وعارف تاريخها، وأعتقد إن أى مستعمل هتجيبه مش هتأمن إنه يحتاج منك شغل مهما كانت حالته حلوة قدامك. لاحظ كمان إن غالبا اللى هيشترى مش هيقدر قيمة التصليحات اللى إنت عملتها ويمكن كمان يعتبرها عيب فى العربية، وبالتالى مفيش مردود مادى هيعود عليك من الفلوس اللى صرفتها، ربنا يبارك لك فيها لغاية ما تجيب زيرو

[عبدالحميد]

برغم إنك قررت إنك ماتبيعيش بس أنا برضه (لو مافيهاش غلاسة) هأقولك بلاش تبيع

أنا بس بدعم رأيك مش قاصد الهزار

1- ما شاء الله إنت صلحت عربيتك و غيرت فيها كل حاجة بنفسك و عملت شغل نظيف فانت عارف كل حاجة فيها و لو بيعتها , الشغل اللى فيها مش هيرفع تمنها أكثر م 2000 جنيه و كده تبقى إنت اديت المشترى هدية

2- إنت بتقول إن هى أصيلة و الأصيل لما تكرمه هيردلك الكرم ده ... يعنى إن شاء الله تعمر معاك

[mohamed_rhem]

رأى يا أخى ماتبعش، إنت دلوقتى حافظ العربية حتة حتة وعارف تاريخها، وأعتقد إن أى مستعمل هتجيبه مش هتأمن إنه يحتاج منك شغل مهما كانت حالته حلوة قدامك. لاحظ كمان [gdwl]إن غالبا اللى هيشترى مش هيقدر قيمة التصليحات اللى إنت عملتها[/gdwl] ويمكن كمان يعتبرها عيب فى العربية، وبالتالى مفيش مردود مادى هيعود عليك من الفلوس اللى صرفتها، ربنا يبارك لك فيها لغاية ما تجيب زيرو

والله يا استاذ عزيز انا من النوع اللي موسوس زيادة عن الزوم يعني ممكن اشتري قطعة غيار والاقي شكلها مش عاجبني اشتري غيرها زي مثلا فوانيس الاشارات وسلك عداد السرعة جبتهم من محل في الحدائق وسبتهم واشتريت غيرهم من اوشين
والمارش كان عايز جلب اشتريت واحد استيراد من حسين نوح وجبت السريع واللي بيشغل الموتور الاكبر وحجات كتير زي كده ف انا بحاول اتفادي اي حاجه ممكن متخليش العربيه في وضع استعداد دائم

برغم إنك قررت إنك ماتبيعيش بس أنا برضه (لو مافيهاش غلاسة) هأقولك بلاش تبيع

أنا بس بدعم رأيك مش قاصد الهزار

1- ما شاء الله إنت صلحت عربيتك و [gdwl]غيرت فيها كل حاجة بنفسك و عملت شغل نظيف فانت عارف كل حاجة فيها[/gdwl] و لو بيعتها , الشغل اللى فيها مش هيرفع تمنها أكثر م 2000 جنيه و كده تبقى إنت اديت المشترى هدية

2- إنت [gdwl]بتقول إن هى أصيلة و الأصيل لما تكرمه هيردلك الكرم ده[/gdwl] ... يعنى إن شاء الله تعمر معاك

شكرا يا استاذ عبدالحميد علي ردك
المشكله زي ما قولت للاستاذ عزيز انا بحب اعمل كل حاجه صح حتي ولو حيكلف اكتر علشان ربنا يعفينا من مفجأت الاعطال

والله انا حاسس انها زي اياد وعبدالرحمن اولادي

وانشاء الله حسبها لاياد ابني الكبير اصله غااااااااااااااااااوي عربيات

انما بيدو مش بيحب يركبها خااااااااااااااااااالص

بالمناسبة اياد ابني سنتين وهو اللي بيفتح العربيه ويدورها ويشغل التكيف
ومبيخلنيش انسي المفتاح لانه دايما بياخده مني

وطبعا بيخليني اربطله حزامه لو قاعد قدام

ربنا يبارك لنا في اولادنا ويحفظهم لنا

[human]

طول ما العربيه ماشيه هتعوز حاجات و مش هتضمن كل شويه فصل بايخ او حاجه جديده
العربيه لما بتعرف سكه الميكانيكيه بتبقى عايزه تروحله على طول
وبعدين السعر اللى تجيبهولك دلوقتى لو ترضى بيه و تجيب حاجه جديده زى ما انت عايز اعتقد انه يكون افضل
بس كده كده العربيه هتصرف حتى لو معتقد انك عامل كل حاجه الموضوع ده جربته قبل كده و ناس كتير تقولك برضه الكلام ده
اهم حاجه تكون مستريح و مطمن ان العربيه لما موجوده و مش عايزه مشاوير صيانه كل شويه

و ربنا يكرمك و يكرمنا

[ramyraby]

محمد بك المحترم صباح الفل كيف الحال ان شاء الله انا سبق وتعرفت عليك وانت والله راجل محترم ونعم الناس

رائ باختصار السيارة حلوة مقيضية الغرض زي ما بيقولو بس الانسان دائما يضمع في المزيد لكن للعلم لو فكرت تبيع هتخسر كل اللي دفعتوه فيها ودي طبعا خسارة كبيرة واكيد مش هتلاقي سيارة نضيفة زي سيارت سيادتكم عشان مش كل الناس بتحافظ وبتراعي زيك فخليها وتوكل على الله وعلى فكرة انا عايز اشوف صورتها ممكن تبعتهالي ولو حتى على الايميل
ولك من كل التحية والتقدير
اخوك / رامى ربيع

[mohamed_rhem]

[quote=human12;986263]طول ما العربيه ماشيه هتعوز حاجات و مش هتضمن كل شويه فصل بايخ او حاجه جديده
العربيه لما بتعرف سكه الميكانيكيه بتبقى عايزه تروحله على طول
وبعدين السعر اللى تجيبهولك دلوقتى لو ترضى بيه و تجيب حاجه جديده زى ما انت عايز اعتقد انه يكون افضل
بس كده كده العربيه هتصرف حتى لو معتقد انك عامل كل حاجه الموضوع ده جربته قبل كده و ناس كتير تقولك برضه الكلام ده
اهم حاجه تكون مستريح و مطمن ان العربيه لما موجوده و مش عايزه مشاوير صيانه كل شويه

و [gdwl]ربنا يكرمك و يكرمنا[[/gdwl]/quote]

امين يارب اللهم اكرمنا اجمعين
انا خلاص اعتبرت العربيه ده واحد من اسرتي وانشاء الله مش حبيعها

محمد بك المحترم صباح الفل كيف الحال ان شاء الله انا سبق وتعرفت عليك وانت والله راجل محترم ونعم الناس

رائ باختصار السيارة حلوة مقيضية الغرض زي ما بيقولو بس الانسان دائما يضمع في المزيد لكن للعلم لو فكرت تبيع هتخسر كل اللي دفعتوه فيها ودي طبعا خسارة كبيرة واكيد مش هتلاقي سيارة نضيفة زي سيارت سيادتكم عشان مش كل الناس بتحافظ وبتراعي زيك فخليها وتوكل على الله وعلى فكرة انا عايز ا[gdwl]شوف صورتها ممكن تبعتهالي[/gdwl] ولو حتى على الايميل
ولك من كل التحية والتقدير
اخوك / رامى ربيع

يا باشا انت الاحسن

وانشاء الله بس اشطب العربيه واصورلك كل حته فيها

يعني عايز اركب فرش الابواب والجرايد والاصق بس والله العظيم انا كسلان يدوب بروح اتغدي وانام والجمعه والسبت مع اولادي لكن انشاء الله حاضر من عيوني

[amr_elrashidy]

استاذ محمد..انا مع راى الزملاء كلهم انك تخلى العربية طالما صرفت عليها كتير كده و ربنا يكرمك و تطلع طلعة جامدة المرة الجاية و تجيب الزيرو اللى فى بالك...ليا سؤال بسيط..انا معايا عربية زى بتاعتك و سبق و سألتك عليها و مشكورا جاوبتنى..الا انها عاوزة شوية شغل زى تغيير طنابير و طقم دبرياج و حاجات كده بس انا زيك مبحبش اعمل حاجه نص لبة لازم تكون القطع اصلية و الميكانيكى نمرة 1..اتمنى اعرف اذا كنت عملت كل الشغل ده عند واحد بيفهم و ياترى مكانه فين..الشباب هنا مشكورا قالو على م. سيد الفراش و على كذا واحد بتاع قطع غيار..انما انا بأمانه مستبعد م. سيد لبعده عن بيتى و انت عارف العربية بقت عامله زى المياه و الهوا مش حقدر استغنى عنها كتير..فياريت اعرف منك فين الميكانيكى اللى بيشتغلك فى عربيتك و هل شغله نمرة 1 ولا انت ليك ملاحظات عليه...شكرا جزيلا على ردك مقدما.

[mohamed_rhem]

بص يا باشا
الطنابير عاملين 250 عند اوشبن
لكن اعتقد ان ممكن نركب طنابير تركي ب 100 حنيه وده شغاله في الفيات وبالمقاس انا حغيرهم قريب وابقي اقولك
التيل ب 45
وطاقم الدبرياح افتكر ب 350 عباره عن دسك واسطوانه فاليو كوري وبليه ياباني بس السعر تقريبي

الميكانيكي اللي بتعامل معاه في حدائق القبة خلف المخابرات

اسمه عمرو كان اشتغل في العربيه اول ما جبتها وسافر ايطاليا و اثناء سفره مغيرتش غير تيل وقاعده موتور

هو امين ومبيقبلش اي حاجه فيها شبهه وبيراعي ربنا

بس للاسف زحمه شويه لان الصنايعيه عنده مش كتير

هما بيشتغلو في الكوري والياباني

اسعاره رخيصه يعني العمره اتكلفت تقريبا 250 حنيه
تغير طاقم دبرياج 50 الي 60

هو الميزه اللي فيه انه جنب بيتي وبتصل بيه احطله المفتاح تحت باب الورشه ومش شرط اروح بالليل استلمها هو بيتصل بي اروح الصبح اخدها بالمفتاح التاني واما ارجع ابقي احاسبه