ارجو الافاده باقصى سرعه

[tamtoma]

او سمحتم انا طالبه الافاده باقصى سرعه انا قدامى عربيه دايهاتسو شاريد مو 2004 وهى شكلها عاجبنى لكن سعرها 37000 انا عايزه اعرف هل العربيه دى قطع غيارها متوفره وهل سعرها مناسب ام لا وهى 1000 سى سى وفيها تكيف وباور ورشه اجزاء بره ومغيره صاج لاحد الابواب بس حالتها كويسه مش وحشه فى ناس قالتلى ان العربيه حلوه وناس تانيه قالتلى انها تقيله فى البيع وقطع غيارها غير متوفره وغاليه وعلى فكره دى اول مره اسوق يعنى معنديش اى خبره ولذلك ارجو الافاده بسرعه قبل ما اتفق على شرائها وعايزه اعرف ايه السعر المناسب لهذا المديل ودى صوره العربيه

[medo_sirion]

اولا 37000 كتير اوى على مانيول مش اتومتيك
ثانيا فى الرنج دة ممكن تيجيبى عربية اكبر منها او ممكن تيجيبى قسط
يعنى انتى قربتى من 40000 ودة يخليكى تشوفى عربيات اكبر من الشاريد

[eng.octooo]

لا غالية مووووووووووووووووووووت وحرام انى ممكن تجيبى عربية غيرها واحسن

[mohamed_rhem]

العربيه قطع غيارها متوفره
لكن ليس بكثرة
طبعا هي تحمل علامه ديهاتسو فهي جديرة بالاحترام
بالنسبة للسعر اعتقد انه مبالغ فيه جدا
لكن لو لم نـأخد السعر في الاعتبار تعتبر ممتازة
فهي سيارة اقتصادية داخل المدينة

[عزيز محمد]

هو يا جماعة مش الشكل ده كان أول مرة ينزل فى موديل 2006 لما عبد اللطيف جميل أخد التوكيل؟؟؟ برجاء التأكيد على سنة الموديل، وإذا كانت فعلا موديل 2006 يبقى أنا شايف إن السعر مناسب (لو الحالة العامة للعربية كويسة) لإن الموديل ده كان سعره زيرو 55 ألف.

وحتى لو كان الموديل سنة 2004، أعتقد إن السعر مش غالى ولا حاجة، لإن على ما أعتقد مفيش يابانى ولا كورى موديل 2004 بالسعر ده (فيما عدا الألتو والماروتى)، وموضوع عربية صغيرة أو كبيرة ده راجع لاحتياج المشترى واستخداماته، وإلا يبقى كل اللى اشترى سيريون مثلا (وساب الفيرنا واللانوس والأفيو والماتركس وغيرهم) اختار غلط، وللا إيه؟؟

[shaltot]

انا اود ان احيي الأخ عزيز اتفق معه في الكلام