إعـــــــلان

Collapse

.

,
See more
See less

ساعدونى فى إختيارى ... من فضلكم ...

Collapse
X
 
  • Filter
  • الوقت
  • Show
Clear All
new posts

  • ساعدونى فى إختيارى ... من فضلكم ...

    السلام عليكم ...
    يمكن دى أول مرة أشارك بموضوع و أخرج من طائفة المشاركين الصامتين .. و ده لسببين : الأول إنى أبارك للدكتور عمر ows212 صديقى العزيز و زوج أختى- برضه - بولى العهد الجديد ... اللى لسة مش عارفين إسمه عشان ما قرروش ...
    السبب الثانى هو إنى عزمت و الحمد لله إنى أشترى سيارتى الأولى ... و بعد مداولات كثيرة و مفاضلات مابين الجديد اللى تشتريه و تشترى بيه دماغك و المستعمل اللى عامل زى البطيخة يا تطلع حمرا يا تطلع قرعة ... قررت الاتجاه نحو الزيرو ...و الحقيقة أنا محتار بين كذا خيار ..
    الأول : دايهاتسو ماتيريا (حبيبة قلبى) أوتوماتيك
    الثانى: فورد فيستا الهاتشباك أوتوماتيك
    الثالث: فيات جراند بونتو أوتوماتيك
    الثلاثة فى نفس الفئة السعرية تقريبا ... و الثلاثة سعر اعادة البيع بتاعهم وحش و دى نقطة مش مهمة لأنى مش ناوى أبيع تقريبا وش غاوى تبديل كل شوية .. و الثلاثة متقاربين إلى حد كبير فى المواصفات.. و الثلاثة فيه كلام عن خدمة ما بعد البيع و أسعار قطع الغيار بتاعتهم ...

    السؤال الأول: أنا خايف من المشكلة اللى باسمع عنها بخصوص علبة الدريكسيون .. و باتساءل هل المشكلة دى برضه موجودة فى الماتيريا و لا لأ ؟؟
    السؤال الثانى: هل المفضل إنى أستنى لموديل 2010 فى الماتيريا و لا أتوكل على الله و خصوصا انه مافيش أية معلومات عن الموديل ده حتى التوكيل رحت سألته فى اسكندرية فوجدت الجميع لا يعرف عن ... و حسيت انهم عايزينى اشترى دلوقتى و خلاص ... دول حتى ماكانوش عارفين الميعاد اللى حتنزل فيه ...
    السؤال الثالث: ايه الافضل فى الثلاث سيارات اللى انا بافاضل بينهم مع الأخذ فى الاعتبار إن موضوع سعر إعادة البيع مش فارق كتير لو فيه حد عنده معلومات رجاء ما يتقلش عليا ...
    شكرا للجميع



    [B][SIZE=3][COLOR=RoyalBlue][/COLOR][/SIZE][/B]

  • #2
    اولا مبروك على ولى العهد

    ثانيا الماتيريا ليس فيها مشكله علبه الدريكسيون
    ثالثا انت جيت فى وقتك واحد سألنى عنها وعملتله التقرير ده

    انا اسمى محمد معايا ماتيريا 2009 نبيتى اوتوماتك
    استلمتها يوم 5 مارس والى يومنا هذا عامل بيها 12062 بالظبط انا لسه منزلها الجراج حالا ههههههههههههههه
    العربيه بسم الله ماشاء الله والله غير ماكنت متوقع اداءها وثباتها عالى جدا
    انا هعملك تقرير مبسط عليها
    اولا الوسع وانا شايف ان دا اكتر واول حاجه انت سألت عليها بقولك حرام تقارنها بالماتركس هى اوسع اوحسن واريح من الماتركس
    انا كنت لسه بره بيها ومعايا 5 صحابى غيرى كنا قاعدين مستريحين والعربيه والله ماشيه زى الفل مع الوزن ده الكنبه اللى ورا بجد درس يتعلمه مصممى السيارت فى استغلال المساحه الكنبه مريحه اوى فى قاعدتها وانا اصلا مرجع كرسى السواق لورا على الاخر برده اللى ورا قاعد ورجله استحاله تلمس ضهر الكرى اللى قدام مهما كان طول اللى قاعد ورا تخيل بقى الوسع والله العظيم انا صحابى بيتخنقوا على اللى بيقعد ورا لسه صحابى قالى وانا بوصله دلوقتى تخيل يا مادو القعده عندك ورا احسن كمان من قدام
    الكنبه فيها خاصيه انها على مجرى زى الكراسى اللى قدام ممكن ترجه وتتطلع لقدام على حساب الشنه وكمان ضهر الكنبه ممكن يرجع لورا زى كراسى السواق فيها حزام كده بيتشد بيرجع الضهر بس علشان لوحد عاوز ينام انا فاكر ان لما اول يوم جبت فيه الماتيريا واحد صاحبى قاعد كده وقال كلمه بقولك ايه يا مادو مين المهندس الغبى اللى صمم العربيه دى فاقولت ابتداينا تريقه فبقوله ليه ياعم قالى الحمار ده نسى يعمل حمام فى الشقه دى وقعد يزعق فين الحمام فين الحمام ههههههههههه
    العربيه بتنزل بفرامل abs , ebd بسم الله ماشاء الله تحفه لو مش واخد عليها هتلاقى نفسك بتتهبد من قوة الفرامل وهتتعود عليها بعد فتره لو كنت بتسوق حاجه مش فراملها قويه واحساس الامان كده لما تحس بدربكه ورشعه الفرامل ال abs تحت رجلك لما تفرمل مره واحده وبقوه حاجه تحفه فعلا
    العربيه مش زى ماكل الناس فاكرها واطيه العربيه خلوصها من الارض حوالى 15 سم زى بقيت العربيات بس اللى مديك الاحساس ده ان العربيه فيها عتب سبور وبدى كيت وعاوز اقولك حاجه ان العربيه قاعده العجلات بيتعتها قصيره بمعنى ان العجل اللى ورا قريب من اللى قدام فاول ما العجله اللى قدام تطلع على المطب لو هو مطب عالى ورخم هتلاقى اللى ورا لحقتها فترفع العربيه تانى ولو مطب عاااااااااااااااااااااااااااااااااااااااالى ومحمل خمسه او اكتر او شنط خوده بورب وانت مش هتحك انا الحمد لله من يوم ماجات ومحكتش غير فى 3 مطبات بسبب غباءى او غباااااااااااااااااااااااااااااااااااااااااااااااء المطب فعلا
    العفشه نشفه شويه لانها عفشه سبور فبكده معاك ثبات مش احكيلك بس بتحس بالمطبات والنقربس والله مش تقلق ومتفتكرش ان رزع وكده مش قصدى انا قصدى انها هتلاقيها انشف شويه مثلا من الكورولا القديمه لانى معرفش الكورولا الجديده ايه نظامها
    انا كنت فاكر موضوع العفشه ده عيب فى الاول وروحت التوكيل وزعقت وبتاع فقالى حضرتك دا راجع لانى عفشتك سبور والجنوط الالومنيوم الاسبور والكاوتش السوفت لو تلاحظ ان كاوتش الماتيريا اصغر فى الحجم من باقى العربيات اللى ركبلها كاوتش على جنوط 15 لانه سوفت مضغوط . نوع الكاوتش بريدجستون اصلى
    تعاله بقى للمهم
    _
    [mtohg=#ff0000]http://www.mlfati.net/uploads/images/mlfati-62c14c8f53.jpg[/mtohg]
    ا[COLOR=black]للهم لا اله الا انت سبحانك ............انى كنت من الظالمين[/COLOR]
    م/ محمــــــــــــد جمــــال رضـــوان

    Comment


    • #3
      الباقى
      لموتور هو 1500 سى سى بيطلع 105 هورس باور عباره عن طلقه مع الحجم الصغير ده انا عربيتى اوتو بس والله مش بحس بكده خالص سحب محصلش العداد مش بيوقف لعايه 135 وبعد كده بيبطئ الحركه شويه وتجميعها على السرعات االعاليه مش بطال وده راجع لان الفتيس الاوتو اربع نقلات فقط
      انا جبت بالعربيه 175 بس مش رديت ازود لانى بقلق شويه ومفيش طريق يسمح فوق كده بامانه
      صوت الموتور فى العادى هادى جدا ومش مسموع انما لو بتعمل كيك داون اتفرج على الزئير صوت كده انا عن نفسى بعشقه وعلى السرعات العاليه اوى برده مسموع نوعا ما لان برده العربيه الاوتو مافيهاش غيار خامس بس برده دا حلو فى التجميع على السرعه العاليه
      اه نسيت اقولك فى زرار الاوفر دايف دا تحفه بيخلى العربيه تلات غيارات بس اتفرج بقى على التجميع شغله واعمل باى باى لمعظم الطريق وانت بدوس كيك داون
      استهلاك البنزين حلو اوى فى الطرق السريعه ومعقول داخل المدن الاجمالى انا اديها فى الاستهلاك 8 ونص من عشره داخل المدينه وعلى الطرق السريعه تسعه ونص من عشره

      قطع الغيار وده ارخم نقطه لانها مش متنشره بره ز واسعارها فى التوكيل غاليه بس لو قارنتها بمعظم الييابانى هتلاغقيها معقوله ويمكن تلاقى عازاك فى انها بتبقى قطع معمره
      انا كنت فاكر ان القطع مش هلاقيها بره لغايه ماعرفنا كام واحد فى الحرفين لو احتجت حاجه لاقدر الله ابقى اعرفك عليهم
      التوكيل وهو دايهاتسو ايجيبت بتاع الشيخ عبداللطيف جميل غانى عن التعريف طبعا يعنى توكيلات دايهاتسو وتويوتا فى السعوديه ومعظم الخليج التوكيل بجد من اكتر التوكيلات اللى فى مصر احتراما وكمان فى اكبر مركز خدمه هيتفتح يوم 17 فى ابوراوش وكل ملاك دايهاتسو فى المنتدى معزمين
      العربيه فيها 2 ايرباج
      فيها زجاج فيميه وبيثبت فى الرخصه بجد احساسا حلو وانت مفيم وداخل كمين وتلاقى الامين جاى جرى وبيقول فيميه وتطلعه الرخص وتحطها فى عينه
      وفى الاخر يارب اكون قدرت افيدك وعاوز اقولك كفايه كفايه انك بتبقى ماشى فى الشارع مميز والناس كلها بتبص عليك وراكب عربيه مش منتشره ومميزه وجميله وشيك ويابانى 100 فى 100
      وانزل روح التوكيل وراكب العربيه وانا واثق انك مش هتطلع من هناك الا لو انت معاك وصل الحجز بتاعها
      وربنا يكرمك باللى فيه الخير ليك
      ولو احتجت اى شئ متتاخرش فى انك تطلبه وانا تحت امرك فى اى وقت
      واسف للاطاله
      تحياتى السلام عليكم

      شوف الموضوع ده هيفيدك برده
      http://www.nilemotors.net/Nile/89469-a.html
      [mtohg=#ff0000]http://www.mlfati.net/uploads/images/mlfati-62c14c8f53.jpg[/mtohg]
      ا[COLOR=black]للهم لا اله الا انت سبحانك ............انى كنت من الظالمين[/COLOR]
      م/ محمــــــــــــد جمــــال رضـــوان

      Comment


      • #4
        مشكور جدا يامادو

        ودي صوره تأكيد على انها واسعه زي ماقولت
        [SIZE=3]الثَّوْرَه يَصْنَعَهَا الْشُّرَفَاء وَيَرِثُهَا الْجُبَنَاء[/SIZE]

        Comment


        • #5
          المشاركة الأصلية كتبت بواسطة qmax مشاهدة المشاركة
          مشكور جدا يامادو

          ودي صوره تأكيد على انها واسعه زي ماقولت
          شكرا على الصوره ياباشا
          [mtohg=#ff0000]http://www.mlfati.net/uploads/images/mlfati-62c14c8f53.jpg[/mtohg]
          ا[COLOR=black]للهم لا اله الا انت سبحانك ............انى كنت من الظالمين[/COLOR]
          م/ محمــــــــــــد جمــــال رضـــوان

          Comment


          • #6
            شكرا ليكم يا مادوو و QMax على تفاعلكم و عرضكم الشيق ... أنا مـتأكد من إمكانيات الماتيريا الجبارة ... لكن فى نفس الوقت مشدود للفيستا و الجراند بونتو ... و محتاج حد يساعدنى أحسم المقارنة ...
            [B][SIZE=3][COLOR=RoyalBlue][/COLOR][/SIZE][/B]

            Comment


            • #7
              العفو تحت امركم

              الياباني يكسب يا باشا

              شوف انا لما جيت اشتري عربيه كنت محتار جدا ناس تقولي هات دي وناس تقولي لالالا بلاش دي
              ويوم ماخلاص هاادفع واخد العربيه ناس قالت حرام عليك ديهاتسو لاء قطع غيارها نار وكلام من ده
              بس العربيه اثبتت العكس والحمدلله لحد الان مزعلتنيش ولا عملت معايا اي موقف في الطريق
              الناس بقى اللي كانت مش مرشحه العربيه دي دلوقتي بيحسدوني عليها
              عموما يا باشا مش لازم تستعجل في الاختيار يعني لا تقرر اي ماركه غير لما تستقر تماما
              وربنا يوفقك
              [SIZE=3]الثَّوْرَه يَصْنَعَهَا الْشُّرَفَاء وَيَرِثُهَا الْجُبَنَاء[/SIZE]

              Comment


              • #8
                المشاركة الأصلية كتبت بواسطة madoo مشاهدة المشاركة
                اولا مبروك على ولى العهد

                ثانيا الماتيريا ليس فيها مشكله علبه الدريكسيون
                مين قالك كده يا باشا ........مشكلة علبة الدركسيون ظهرت في الماتيريا قبل السيريون

                أخويا هيغير العلبة قريباً لما العلبة المعدلة تيجي التوكيل

                معلومة أيضاً للإيضاح :صوت التخبيط في الماتيريا أسوأ بكتير من السيريون
                [CENTER][B]قال رسول الله صلى الله عليه وسلم " لا تزال طائفة من أمتي ظاهرة على الحق حتى تقوم الساعة "[/B] [/CENTER]

                Comment


                • #9
                  المشاركة الأصلية كتبت بواسطة عمرو عمارة مشاهدة المشاركة
                  مين قالك كده يا باشا ........مشكلة علبة الدركسيون ظهرت في الماتيريا قبل السيريون

                  أخويا هيغير العلبة قريباً لما العلبة المعدلة تيجي التوكيل

                  معلومة أيضاً للإيضاح :صوت التخبيط في الماتيريا أسوأ بكتير من السيريون
                  اللى عجبنى فى الموضوع ان عمرو بيجى بيهدى الموضوع خالص
                  [CENTER]:018::018:[/CENTER]

                  Comment


                  • #10
                    المشاركة الأصلية كتبت بواسطة medo_sirion مشاهدة المشاركة
                    اللى عجبنى فى الموضوع ان عمرو بيجى بيهدى الموضوع خالص
                    [CENTER][B]قال رسول الله صلى الله عليه وسلم " لا تزال طائفة من أمتي ظاهرة على الحق حتى تقوم الساعة "[/B] [/CENTER]

                    Comment


                    • #11
                      المشاركة الأصلية كتبت بواسطة Qmax مشاهدة المشاركة
                      العفو تحت امركم

                      الياباني يكسب يا باشا

                      شوف انا لما جيت اشتري عربيه كنت محتار جدا ناس تقولي هات دي وناس تقولي لالالا بلاش دي
                      ويوم ماخلاص هاادفع واخد العربيه ناس قالت حرام عليك ديهاتسو لاء قطع غيارها نار وكلام من ده
                      بس العربيه اثبتت العكس والحمدلله لحد الان مزعلتنيش ولا عملت معايا اي موقف في الطريق
                      الناس بقى اللي كانت مش مرشحه العربيه دي دلوقتي بيحسدوني عليها
                      عموما يا باشا مش لازم تستعجل في الاختيار يعني لا تقرر اي ماركه غير لما تستقر تماما
                      وربنا يوفقك

                      المشاركة الأصلية كتبت بواسطة عمرو عمارة مشاهدة المشاركة
                      مين قالك كده يا باشا ........مشكلة علبة الدركسيون ظهرت في الماتيريا قبل السيريون

                      أخويا هيغير العلبة قريباً لما العلبة المعدلة تيجي التوكيل

                      معلومة أيضاً للإيضاح :صوت التخبيط في الماتيريا أسوأ بكتير من السيريون


                      اوبس ... الناس كدة وقعت فى بعض ... عموما كله برضه فى مصلحة العملية التعليمية قصدى فى مصلحة تحسين الاختيار ...
                      طب الواحد كدة يبدأ يقلق من موضوع التخبيط ده ... و علامات الاستفهام زادت جدا جدا ... و أعتقد إن من الأفضل الواحد يستنى شوية لغاية ما نشوف الأمور حترسى على إيه بالنسبة لمشكلة علبة الدريكسيون ... و خصوصا إن بصراحة فورد نازلة بتقلها و الفييستا دى تحفة فنية بكل المقاييس ... أنا لسة شايفها من شوية فى شارع أبوقير خلتنى اتلوحت !!! نفس اللوحة اللى باتلوحها لما باشوف الماتيريا .... رغم إن شكلهم مش واحد ...
                      الفييستا نازلة بـ 115 ألف و الماتيريا بـ 110 ألف ... يعنى الفارق مش كبير قوى ...
                      دبرنى يا وزير ...
                      انت فين يا عمر ؟؟؟ و فينك يا أبو عبد الله و الأستاذ معتز و كل باقى الدايهاتسوية المحترمين ....
                      أخوكم و مزنوق ....
                      [B][SIZE=3][COLOR=RoyalBlue][/COLOR][/SIZE][/B]

                      Comment


                      • #12
                        مين قالك كده يا باشا ........مشكلة علبة الدركسيون ظهرت في الماتيريا قبل السيريون

                        أخويا هيغير العلبة قريباً لما العلبة المعدلة تيجي التوكيل

                        معلومة أيضاً للإيضاح :صوت التخبيط في الماتيريا أسوأ بكتير من السيريون
                        انا الحمد لله مش عندى اى مشاكل ..............طيب يا استاذ عمرو قولى ايه اعراضها وازاى احس بيها يمكن لو عندى ولو لاقدر الله ظهرت مثلا وصوت التخبيط دا بيتطلع منين .........انا ساعات بسمع صوت هبد لو ماشى فى حته فيها تكسير ومطبات كتير بس دى بتبقى جايه من الشنط علشان غطاء الاستبن والطفايه والبتاع بتاع الكوريك والشدادات المعدن والحاجات اللى فشنطه وده حال كل العربيات الهاتش باك لان الشنطه تعتبر معاك اصلا فى المقصوره


                        المهم ياريت تساعدنى ىفى اللى قولتلك عليه ده يعنى ازاى اعرف ان الدريكسيون فى حاجه مثلا واعمل ايه لو عندى
                        [mtohg=#ff0000]http://www.mlfati.net/uploads/images/mlfati-62c14c8f53.jpg[/mtohg]
                        ا[COLOR=black]للهم لا اله الا انت سبحانك ............انى كنت من الظالمين[/COLOR]
                        م/ محمــــــــــــد جمــــال رضـــوان

                        Comment


                        • #13
                          اه نسيت اسأل حضرتك هى عربيه اخوك موديل كام ؟؟؟؟؟؟؟؟؟؟؟؟؟؟؟؟؟؟؟؟
                          [mtohg=#ff0000]http://www.mlfati.net/uploads/images/mlfati-62c14c8f53.jpg[/mtohg]
                          ا[COLOR=black]للهم لا اله الا انت سبحانك ............انى كنت من الظالمين[/COLOR]
                          م/ محمــــــــــــد جمــــال رضـــوان

                          Comment


                          • #14
                            المشاركة الأصلية كتبت بواسطة amandoo مشاهدة المشاركة
                            أنا لسة شايفها من شوية فى شارع أبوقير خلتنى اتلوحت !!! نفس اللوحة اللى باتلوحها لما باشوف الماتيريا .... رغم إن شكلهم مش واحد ...
                            الفييستا نازلة بـ 115 ألف و الماتيريا بـ 110 ألف ..
                            انت حددت اختيارك يا امادو فى عربيات جيدة و خصوصا الاوروبى :

                            انا ارشحلك الفيستا الجديدة لانها تفوز بكل جدارة , انا شوفت العربية دى و عينتها بدقة و اقدر اقولك بكل ثقة انها الاختيار الافضل بعد ما قرنتها بسيارت كتير فى نفس السعر " و اغلى منها كمان " .
                            لانها سيارة ممتازة فعلا و تقفلها و خامتها ممتازة و كماليتها كمان جدية جدا ,
                            و صناعة المانية , السيارة دى تنافس الان الجولف على قمة المابيعات فى اوروبا بسبب نجحها و هناك حجوزات كتير عليها هناك.

                            بس لو تقدر تستنى موديل 2010 حيكون افضل و يمكن الاسعار تغلى شوية اعتقد .

                            Comment


                            • #15
                              هي إيه الكماليات اللي في الفييستا اللي ب 115 ؟ لأن انا اما ركبت العربية دي إتوهمت بيها بصراحة و حبتها جداَ .
                              لو منزلنها متقشطة و مفيهاش حاجة .. يبقي ماتيريا .

                              و لو قدرت تكلم التوكيل "فورد" تعرف منهم أسعار قطع الغيار الأساسية و لقتها أسعار كويسة يبقي جميل

                              لو عوامل الأمان فيها نازلة معقولة و أوبشنز حلوة يبقي فييستا يا باشا طبعاَ رغم حبي الشديد للماتيريا إنما الفييستا اما ركبتها كنت حاسس إنها عربية بات مان ! رهيبة ما شاء الله .. و ربنا يملالك أي من اللي هتختارهم فيها بالبركة إن شاء الله .
                              [COLOR="gray"]
                              [CENTER]Leadership is based on inspiration, not domination[/CENTER][/COLOR]

                              Comment

                              Working...
                              X