رابطة مالكي السريون

[أبو عبدالله]

طيب ما انا الحمد لله عامل لحد دلوقتي اكتر من 17500 ك ولسه الحمد لله مفيش مشكله في التيل بس الفرامل خفت عن الاول لوما سألت قالولي انهم بيغيروه في صيانة العشرين الف
لأ نا لو منك تعمل مشكله هناك وتتاكد من موضوع انه اتغير في الخمسة الاف الاول
ده كده معناه انه خلص في الفين كيلو يعني ولا ايه مش فاهم

[hitham_sh]

لا يا باشا هما غيروه في صيانة الخمسه وانا دلوقتي عامل 12000 يعني خلص في 7000
المشكله انهم بيكلوني في الكلام ومعرفتش اعمل حاجه قالي سؤ استخدام منك ومش عارف ايه وانا بصراحه مبعرفش اتكلم قوي معاهم فسكت قولت امري لله ودفعتلهم الفلوس انا مش فاهم في ايه بالزبط

[zozza]

انا كنت في صيانه ال 5000 امبارح و سالت علي التيل اللي بيخلص بسرعه

قالي الموضوع من اوله انهم وجدو ان التيل بيعمل مشكله مع الطنابير (طبعا ملحقتش اسال ايه المشكله دى)
و انهم خاطبوا الشركه الام في اليابان... بعتتلهم شحنه تيل فرامل تانيه علي اساس انهم يستعملوا الشحنه الجديده و بعدين التوكيل اكتشف بعد ماركب للعملاء ان التيل ده بيخلص بسرعه

و قالي انهم بطلوا يركبوه تاني و طبعا رجعوا يركبوا القديم اللي بيعمل مشاكل في الطنابير
انا لمحتلو في نص الكلام انهم لسه بيركبوه بدليل ان في اخ من هنا في نايل موتورز لسه مركبو يوم الخميس

بصراحه انا ملحقتش الاقي حد اسأله حيحصل ايه لما اجي اركب تيل .... هركب اللي بيخلص بسرعه ولا هركب اللي بيعمل مشاكل .... هسيبها لوقتها و بعدين ابقي اتفاهم معاهم

[hitham_sh]

يعني هما ركبولي ايه الي بيخلص بسرعه ولا الي بيعمل مشاكل ؟؟؟

[أبو عبدالله]

اللي بيخلص بسرعه علشان ميعملشي مشاكل

[hitham_sh]

متفهملنا يا ابو عبد الله مشكلة التيل دي ايه من التوكيل انا لسه كاعع 450 جنيه في تيل فرامل وخايف يخلص مني بسرعه ولا يكون بيبوظلي الطنابير في ايه كنت اشتريت كوري بقه انا جبت دي علشان قولت يباني مش هيبقى في مشاكل

[أبو عبدالله]

هسال واقولكم ان شاء الله دلوقتي

[hitham_sh]

ربنا يخليك لينا يا كبير :)

[أبو عبدالله]

بص يا هيثم ممكن تكتبلي رقم التيل اللي مكتوبلك على الفاتورة اللي انت غيرت بها التيل اللي في الضمان والتيل الجديد
ياريت تكتب رقمهم الاتنين اللي في الضمان هتلاقيها في الفاتور
والجديدة برضه هتلاقي لها رقم في الفاتورة برضه

[hitham_sh]

اوك اول لما اروح من الشغل هكتبهملك بس الي في الضمان مدونيش فاتوره بيه بس ادوني التيل نفسو لما غيروه لما اروح هشوف مكتوب عليه رقم ولا لا

[أبو عبدالله]

حلو قوي يعني معاك القديم بعلبته
هتلاقي عليها رقم اكتبه

والجديد برضه اكتبلي رقمه برضه
وانا مستنيك ضروري

[hitham_sh]

بص يا باشا الجديد رقمو
04465-B1250
اما القديم معيش علبتو ولا الفاتوره كتبولي عليها رقمو بس معايا التيل نفسو من غير العلبه
والعجيب اني لقيت ان مكتوب على كل فرده من الاربعه رقم مختلف عن التالي
وهما
172130027
172130030
172141375
16z110543
وفي رقم ثابت على الاربعه مكتوب بالشكل التالي
po17
advics
vco11h
والعجيب اكتر انهم مش متاكلين بنفس المقدار يعني واحد متاكل جامد وواحد متاكل شويه صغيرين وكده يعني
مش عارف انا بتوقع انهم لما غيرولي التيل في الضمان محطوش واحد جديد ولمو بقايا من عندهم وعلشان كده خلص بسرعه

[أبو عبدالله]

بص يا باشا الجديد رقمو
04465-B1250

هو ده الجديد
وبعدين هما غيروا لك فعلا جديد لأن ده رقم الجديد

اما القديم مشكلته انه فيه نحاس كتير ومش متوافق مع الجو عندنا هنا في مصر تقريبا فبيبقى ناشف شويه مع الطنابير وعلشان كده كان بيعمل صوت
هو مش بيخلص ولكن هو بيبقى ناشف

[hitham_sh]

لا انت كده مش فاهمني
العربيه ركب عليها لحد دلوقتي 3 تيل
الاولاني الي كانت جيه بيه ده غيروه في صيانة الخمسه وركبولي الي خلص بسرعه ده
والتاني الي خلص بسرعه ده ركبوه في صيانة الخمسه
والتالت الي انا لسه مركبه على حسابي من كام يوم
التاني الي ركبوه في صيانة الخمسه مكانش بيعمل صوت بس خلص بسرعه جدا خلص في 7000 كيلو
فاهمني ولا لا لو مش فاهمني لسه اديني رقم تلفونك وانا اكلمك افهمك لو مكانش يضايقك

[hitham_sh]

وبعدين هما غيروا لك فعلا جديد لأن ده رقم الجديد

منا عارف انهم المرادي حطولي جديد لاني دافع تمنو لاكن المره الاولانيه الي انا مدفعتش تمنو محطوش جديد لانو لو كان جديد مكانش خلص بسرعه كده