استفسارين بخصوص السيريون

[GMakram]

صباح الخير على كل اعضاء منتدى دايهاتسو بصفه عامه وعلى جميع افراد عائله السيريون بصفه خاصه, طبعا انا دوشتوكوا بأسئلتى الكتير بس هتعملوا ايه بقى قدر دايهاتسو انى ابقى من افراد عائلتها وبعدين من قدم خير بيداه التقاه وحسنه قليله تمنع بلاوى كتيرا:)
انا عندى استفسارين بعد اذنكم:
اولا: بالنسبه لمؤشر البنزين كنت عايز اعرف,العلامه الاخيره فى المؤشر دى معناها ان التنك فاضل فيه قد ايه؟انا عايز اعرف علشان لما تبتدى تنور ابقى عارف فاضل قد ايه خصوصا انى النهرده كانت اول مره اتعرض للموقف ده كنت نسيت امون امبارح وبدأت تنور اول لما طلعت 6 اكتوبر وانا رايح الشغل فكنت قلقان لانى مش عارف كدا فاضل قد ايه فى التنك.
ثانيا:امبارح ركبت سماعات,عملت بورد خشب ورا وركبت سماعتين بيضاوى كينوود دبل بيز من ام 550 جنيه دى :) ركبتهم عند مجدى كلاريون اللى فى مصر الجديده واللى حصل ان اللى بيركبلى السماعات فك وش التابلوه و أخد وصله السماعات من ظهر الكاسيت,هل الاسلاك اللى فى ظهر الكاسيت دى هي الضفيره؟هل كدا التوكيل ممكن يرخم عليا او يتلكك وتخرج الضفيره من الضمان؟
اعذورونى لو كانت اسئلتى ساذجه شويه بس انا لسه حديث العهد بمثل هذه الامور(ايه الكلام الكبير اللى انا بقوله ده) :)
شكرا مقدما لكل اللى يساعدنى بردوده

[rzeiny]

انا معايا xl2009 بردو واحب اقولك ان مؤشر البنزين لا يوجد له لمبة بيان لكن اخر شرطة بيبقى فيها حوالي 5 لتر يعملوا من 60-70 كلم تقريبا وحصل معايا الموقف ده وكنت فاكر ان في لمبة لكن العربية وقفت فجأة والمحطات مبتعبيش بنزين في جراكن دلوقت وكان موقف بايخ جدا وبعدين يفضل عدم تركها لغاية اخر شرطة علشان البخاخات ماتتسدش اوطلمبالة البنزين تخرب

[hhhmmmzzzz]

افتكر انا سالت قبل كدة قالولى من10:7لتر علي اخر شرطة وطبعا مافيش لمبة بيان
وانت كدة كدة محتاج بنزين للسيارة ف متسبهاش لحد اخرها عشان ماتخدش من رواسب البنزين وتعملك مشاكل فى الطلمبة والرشاشات

[GMakram]

افتكر انا سالت قبل كدة قالولى من10:7لتر علي اخر شرطة وطبعا مافيش لمبة بيان
وانت كدة كدة محتاج بنزين للسيارة ف متسبهاش لحد اخرها عشان ماتخدش من رواسب البنزين وتعملك مشاكل فى الطلمبة والرشاشات

انا فى الطبيعى مش بستنى لحد لما اخر علامه تطفى وتنور بس اللى حصل انى لحد لما جيت طالع الكوبرى كانوا شارطتين واول لما طلعت بدأت تنور بس عدت الحمدلله,عموما شكرا على المعلومه

[GMakram]

انا معايا xl2009 بردو واحب اقولك ان مؤشر البنزين لا يوجد له لمبة بيان لكن اخر شرطة بيبقى فيها حوالي 5 لتر يعملوا من 60-70 كلم تقريبا وحصل معايا الموقف ده وكنت فاكر ان في لمبة لكن العربية وقفت فجأة والمحطات مبتعبيش بنزين في جراكن دلوقت وكان موقف بايخ جدا وبعدين يفضل عدم تركها لغاية اخر شرطة علشان البخاخات ماتتسدش اوطلمبالة البنزين تخرب

شكرا على التوضيح ده

[mohamed_rhem]

ده انا كنت فاكر ان ده في الشاريد القديم بس

غريبة قوي ان حتي الجديد مفيهوش اللمبه ده عموما انا عربيتي بتمشي حوالي 100 كم

وبصراحه لما بتقف رخمه بأطر اشتري في جركن ومش كل البنزينات بترضي واحضر بنزين للكربراتير

انا مش عارف هما مش حاطنها ليه!!

[bmya]

يا جماعه مهو اخر شرطه هي نفسها بتفضل تظهر وتختفي وده معناه تحزيييييييير الرخامه بقه فلا ان مفيش لمبه لبيان ان الباب او الشنطه مفتوحين ولا لاءه وكتيي بمشي والباب مفتوح

[medo_sirion]

يا جماعه مهو اخر شرطه هي نفسها بتفضل تظهر وتختفي وده معناه تحزيييييييير الرخامه بقه فلا ان مفيش لمبه لبيان ان الباب او الشنطه مفتوحين ولا لاءه وكتيي بمشي والباب مفتوح

فى الخليجى والعربييات اللى برة بتبقى فيها مؤشر هما اللى شيلينة فى المودلات المصرى

[GMakram]

ثانيا:امبارح ركبت سماعات,عملت بورد خشب ورا وركبت سماعتين بيضاوى كينوود دبل بيز من ام 550 جنيه دى :) ركبتهم عند مجدى كلاريون اللى فى مصر الجديده واللى حصل ان اللى بيركبلى السماعات فك وش التابلوه و أخد وصله السماعات من ظهر الكاسيت,هل الاسلاك اللى فى ظهر الكاسيت دى هي الضفيره؟هل كدا التوكيل ممكن يرخم عليا او يتلكك وتخرج الضفيره من الضمان؟
اعذورونى لو كانت اسئلتى ساذجه شويه بس انا لسه حديث العهد بمثل هذه الامور(ايه الكلام الكبير اللى انا بقوله ده) :)
شكرا مقدما لكل اللى يساعدنى بردوده

يا جماعه محدش افادنى فى النقطه دى يا ريت لو حد يقدر يقولى انا كدا خرجت من الضمان ده اكيد ولا ايه؟

[medo_sirion]

يا جماعه محدش افادنى فى النقطه دى يا ريت لو حد يقدر يقولى انا كدا خرجت من الضمان ده اكيد ولا ايه؟

لا السلوك اللى طالعة من الكاسيت بعيد خالص عن الدفيرة وملهاش دعوة خالص
ثانيا محدش يقدر يكلمك فى التوكيل حتى لو انت موصل 100 سماعة ورة

[bmya]

فى الخليجى والعربييات اللى برة بتبقى فيها مؤشر هما اللى شيلينة فى المودلات المصرى

بجد حسبي الله ونعم الوكييييييييييل يعني هي اللمبه دي بقيت اوبشن زياده عشان تنزل خليجي ويشيلوها من عندنا الله يحرقهم ومش بعدي تلاقي موديل 2010 نازل اللمبه دي فيها ويكتبوها مع ا لكماليات اللي في العربيه عشان يبقو غيرو برده وزودو اوبشن مهم زي ده ويغلو العربيه 2000 جنيه كمان عشان خاطر اللمبه بجد انامخنوق اوي من حكايه اللمبه دي من يوم مجبت العربيه وكتير بمشي والباب بيكون مش مقفول

[bmya]

انا كمان ياباشا مركب سماعتين سوني من يوم مجبت العربيه وعامل بورد وره ومحدش قالي عليها حاجه وانا بعمل الصيانه بس انا عمري ماروحت الفرع بتاع العبور الصراحه بس عيب البورده دي انهاا بتضييق الشنطه اوي
ميدو باشا بحبك وانت مفتري مع التوكيل عشان هما فعلا ماينفعش معاهم غيير كده عشان بيستهبلووووا

[medo_sirion]

انا كمان ياباشا مركب سماعتين سوني من يوم مجبت العربيه وعامل بورد وره ومحدش قالي عليها حاجه وانا بعمل الصيانه بس انا عمري ماروحت الفرع بتاع العبور الصراحه بس عيب البورده دي انهاا بتضييق الشنطه اوي
ميدو باشا بحبك وانت مفتري مع التوكيل عشان هما فعلا ماينفعش معاهم غيير كده عشان بيستهبلووووا

ههههههههههههه
:POINTI~2[2]:

اصل الناس فاكرة التوكيل دة حاجة كبيرة اوى نسين ان احنا بفلوسنا بيصلحلنا ويعملوا اتنشك على العربية
يعنى مش بيهعملوا حاجة لوجة الله
يبقى نعمل اللى احنا عايزينة بس بطريقة صح

[bmya]

كلامك حكم يا ميدوووووووووووووو

[hhhmmmzzzz]

ههههههههههههه

اصل الناس فاكرة التوكيل دة حاجة كبيرة اوى مش بيهعملوا حاجة لوجة الله

يا استاذ ميدو
فاكر مقولة عادل امام الشهيرة الحكومة دى زي ماما مهما تعمل فينا بنرجع ونترمى فى حضنها
اهو كدة برضه التوكيل مهما عملنا بره برضه لازم هنرجعله خصوصا وان العربية جديدة لسة وماينفعش حد يشتغل فيها برة(مش دايو مثلا ولا شاهين) وكذلك قطع الغيار مش منتشرة برة التوكيل ف ده خلاص مبقاش اختيار
واحنا جايبينها وعارفين كدة فقدرنا نستحمل وعلي راي مصطفى كامل(مش هو ده كان اختيارنا)
ولو بصينا علي اي عربية فى نفس الفئة وجديدة هنلاقى نفس المشاكل تقريبا مع التوكيل عدا اللانسر ودى بقالها كام سنة فى السوق المصرى والهيونداى اللى ماتتركبش اصلا
واخيرا لنا الله فيكى يابلد