التيريوس 2010

[ahmedebed]

سلام الله عليكم

سؤال واستفسار 000 هل التيريوس والجراند تيريوس 2010 علي وشك الظهور؟ ام انهما سيتاخران

للعام القادم في فبراير او مارس؟


ايهما افضل الجراند تيريوس ام التيريوس ؟ من حيث امكانات السياره واوبشناتها



لكم جزيل الشكر

[medo_sirion]

التيريوس افضل

[ahmedebed]

طيب فيه تيريوس خليجي بالاسواق ايه الفرق بينها

وبين تيريوس الوكيل وايهما افضل وفيه ايضا جراند تيريوس


ايهم افضل

[ahmedebed]

انا ناوي بمشيئه الله ان احصل علي الجراند تيريوس ولكنني لما نزلت السوق وجدت نوعين الخليجي وعند

الوكيل وفوجئت ان الخليجي ارخص بحوالي 11 الف جنيه 145 الف كاش فهل يوجد فرق بين الخليجي والوكيل غير موضوع

الضمان لان الخليجي بدون طبعا وهل الضمان هام لدرجه فرق كل المبلغ ده0

وسؤال بقه بعد اذنك ايهما افضل الجراند او التيريوس انا شايف ان الجراند افخم شكلا والتيريوس حريمي شويه

بس انا بسئل عن الجوده0

شاكر لك سعه صدرك0

[magna]

تيريوس افضل اولا لان يدوب المتور بتعها 1500 ولا 1600 مش فاكر مناسب ليها وعلى وزنها وكمان هيا يباني

انما الجراند حمل زياده على نفس المتور وكمان لما يركب كذا شخص وهيا تقفيل ماليزي

اشتري من التوكيل الضمان مهم لاقدر الله لو حصل حاجه للماتور الخ الخ تتصلح في الضمان احسن ما تدوخ

مش مهم ال 10 الزياده لانها ممكن تفرق كتير لو بدون ضمان في التصليح

بس بوص بردوا على نيسان ليفينا 1600 سي سي ب 115 الف كاملة على ما اعتقد

وماخاب من استخار

[madoo]

ليا كام تعليق

تيريوس افضل اولا لان يدوب المتور بتعها 1500 ولا 1600 مش فاكر مناسب ليها وعلى وزنها وكمان هيا يباني

كل مواتير دايهاتسو 1500 سى سى ماعدا السيريون وان 1000 فقط

نما الجراند حمل زياده على نفس المتور وكمان لما يركب كذا شخص وهيا تقفيل ماليزي

العربيه يابانى تقفيل اندونيسى
التريوس يابانى 100 %

بص ياباشاالعربيتين كويسين الفرق الوحيد ان الجراند سبعه راكب وتقفيل اندويسى
انزل وشوف واركب الاتنين وشوف احتياجاتك ايه وعاوز ايه من العربيه واى واحده فيهم مستريحلها واتوكل على الله بعد الاستخاره طبعا

[Imhotep]

التيريوس العادية دفع رباعى و ده ليه متطلبات خاصة فى تصميم السيارة و يزيد من وزنها (كورونة الدفع الرباعى وزنها كبير)..... فى المقابل تجد الجراند منزوع منها اوبشن الدفع الرباعى فى مقابل جعل جسم السيارة اكبر(ليسع 7 افراد) مع المحافظة على وزن السيارتين واحد......

[ahmedebed]

جزاكم الله كل خير يا جماعه انما اجابات كلامي بالتحديد

لم اجد له رد شافي محدد يعني الخليجي ولا الوكيل

قوه العربيه وثباتها

التيريوس ولا الجراند افضل


وشكرا

[ushraf]

اشتري التريوس من الوكيل

[د.محمود صلاح]

انا شخصيا لا احب الجراند تيريوس من حيث شكلها ولا طولها الغير مناسب كما ان الشنطة الخلفية لا يوجد بها مساحة تكفة لهاند باج متوسطة الحجم ,

اشترى من الوكيل عشان الضمان ممكن يطلع لك شئ بايظ فى العربية ومكلف جدا

[eslamegm]

محدش جاوب علي السؤال الرئيسي حتي الان و هو هتي سيتم نزول موديلات 2010

[ahmedebed]

خلاااااااااااااااص حجزت الجراند تيريوس وكيل


ب156000 وحاستلم يوم الاربع القادم


عربيه اسد وهي واقفه في المعرض 000 وبعد طول بحث بكل المواقع


لم اجد غير اعتراض واحد فقط وهو عدم الثبات وده كمان عن شك يعني

احنا لابتوع جبال ومنحنيات خطره حاييجي منين عدم الثبات


توكلنا علي الله وادعولنا

[ahmedebed]

موديلااات 2010 باذن الله علي

شهر مارس القادم والمعلومه عندي ان لاتغيير في اشكال

السيارات 0

يعني دايهاتسو عندها الموديل مابيتغريش شكله الا كل اربع سنين

وكل عام وانتم بخير

[Sa6ry]

موديلااات 2010 باذن الله علي

شهر مارس القادم والمعلومه عندي ان لاتغيير في اشكال

السيارات 0

يعني دايهاتسو عندها الموديل مابيتغريش شكله الا كل اربع سنين

وكل عام وانتم بخير

التريوس الشكل الجديد نزل سنة 2006
Daihatsu Terios - Wikipedia, the free encyclopedia

يعنى سنة 2009 ديه اخر سنة فى الاربع سنين 2006, 2007, 2008, 2009

معنى كده ان في شكل جديد ولا ايه؟

انت متأكد من معلومة تغير الشكل كل اربع سنين ديه؟

[ahmedebed]

الكلام من عند بتوع المعرض نفسهم


ان موديل 2010 لن يتغير عن ماهو موجود الان

وده بالنسبه للجراااااااااند لانها من سنتين فقط

ولسه امام الموديل فتره للتغيير وللعلم

انا بتكلم عن الشكل الخارجي فقط