عيوب الماتيريا ؟

[Micho31]

يا جماعة انا عندى ميل كبير اوى انى اشسترى ماتيريا عشان عربية عائلية بس اهلى بيقولوا ان الانترا 2007 كويسه جدا

بس انا عندى ثقة كبيرة ان اليابانى طبعا احسن

فعشان كده عايز اعرف عيوب الماتيريا عشان احطلهم عيوب الماتيريا والانترا جنب بعض ونشوف مين الاحسن

ولو حد عنده مقارنات بين العربيتين يبقى كويس

[ابوحميد]

رأيى المتواضع بيقول ان عيب العربية دى هوا ارتفاعها المنخفض جدا عن الارض
مش متناسب ابدا مع طرقنا

[أبو عبدالله]

هيا ليست منخفضة للدرجه دي
يعني ارتفاعها 15 سم وده ارتفاع كثير من العربيات اللي في السوق

[Migo123]

عيوب الماتيرا بناء على معاينه العربيه أكتر من مره في المعارض (مع عدم وجود تجربه فعليه) :

1- الشكل يعجب ناس قوي ... بس أغلب الناس مش عجبه بيه ......... الغريبه بقه انا نفسي احيانا احبه جدا واحيانا اقول ايه الهبل ده بقه ده منظر عربيه.
2- عدم وجود مسند يد او كونصول في النص بين الكرسيين الاماميين في رأيي غلطه جامد لاهدار المساحه ثانيا المساحه دي هتبقى مرتع للتراب وصعب التنضيف ----------- غير أن وضعيه القياده مع الكراسي العاليه بدو وجود مسند يد بتبقى متعبه جدا (عن تجربة مع سياره شبيهه)+++ وضع الفتيس المانيوال بعيد عن متناول يد السائق لو حاولت تريح ضهر الكرسي ....... يعني لازم تقعد وضهرك مفرود (و دي صحيه جدا بس متعبه :-) )
3- الشنطه مش واثق انها كافيه في حالة السفر (كعربيه عائليه)........ بس هي غالبا صغيره ... الا لو صغرت المساحه بتاعت الكنبه الخلفيه على الاخر وكده العربيه تبقى فقدت ميزتها الاساسيه.....
4- من فتره كنت جربت دايهاتسو سيريون موديل 2003 كانت معروضه للبيع وبصراحه كانت متبهدله بشكل مش طبيعي وحالتها زباله بشكل لا يليق ابدا بموديل حديث كده وده خلاني اقلق من جوده الديهاتسو عموما ..... وفقا للوضع اللي انا شفته الكوري بيمسك نفسه أكتر للاسف
5- اعادة البيع صعبه --- بغض النظر عن الخساره --- هتاخد وقت كبير على ما تعرف تبيع .......
6- الجنوط رغم انها 15 بس شكلها عليها صغير .......... مع 17 بتبقى جامده بس مش عارف العفشه تستحمل ولا لأ

بس خلاص

[أبو عبدالله]

2- عدم وجود مسند يد او كونصول في النص بين الكرسيين الاماميين في رأيي غلطه جامد لاهدار المساحه ثانيا المساحه دي هتبقى مرتع للتراب وصعب التنضيف ----------- غير أن وضعيه القياده مع الكراسي العاليه بدو وجود مسند يد بتبقى متعبه جدا (عن تجربة مع سياره شبيهه)+++ وضع الفتيس المانيوال بعيد عن متناول يد السائق لو حاولت تريح ضهر الكرسي ....... يعني لازم تقعد وضهرك مفرود (و دي صحيه جدا بس متعبه )

دي معاك فيها ولكن الاوتوامتيك بيغني عن الموضوع ده

3- الشنطه مش واثق انها كافيه في حالة السفر (كعربيه عائليه)........ بس هي غالبا صغيره ... الا لو صغرت المساحه بتاعت الكنبه الخلفيه على الاخر وكده العربيه تبقى فقدت ميزتها الاساسيه.....

دي مش معاك فيها لأن الكنبه الخلفيه اصلا بعيده جدا عن الكراسي الامامية ولما تطلعها للامام بتبقى زي اي عربيه تانيه واسعه برضه ولكن الشنطة بتبقى كبيره جدا ومتنساش ان الشنطة لها علو لأعلى مش موجود في السيدان يعني ممكن تحط حاجات متعرفشي تحطها في عربيه سيدان غير انك ممكن تحط كذا شنطه فوق بعض وده برضه مبينفعشي في السيدان والتجربه خير دليل لأن الناس متعرفشي الكلام ده الا اللي جرب عربيه بالنظام ده

4- من فتره كنت جربت دايهاتسو سيريون موديل 2003 كانت معروضه للبيع وبصراحه كانت متبهدله بشكل مش طبيعي وحالتها زباله بشكل لا يليق ابدا بموديل حديث كده وده خلاني اقلق من جوده الديهاتسو عموما ..... وفقا للوضع اللي انا شفته الكوري بيمسك نفسه أكتر للاسف

بصراحه قرار زي ده مش بيأتي من تجربة عربيه واحده بأن بجودة دايهاتسو ضعيفه لأن عمرها الأفتراضي شئ من المعروف في السوق ولذلك التيريوس القديمه مع ان لها عيب وهو عدم الثبات الا انها لحد الان تباع في رينج الــ 55 الف ومطلوبه كمان
وشوف حالتهم بتبقى ازاي في الشوارع
وشوف الشاريد بتاعت اواخر الثمانينيات واوائل التسعينات لحد الأن موجوده في شوارعنا وبتاع بأسعار عاليه وليست رخيصه ومطلوبه ايضا
ولو الموضوع بيأخذ بتجربة عربيه واحده فانا من الممكن ان اتي لك سيريون موديل 2001 وطالع عينها سفر لشرم وتحميل واتعمل فيها كل حاجه مع قريب لي وفي النهايه العربيه مش بين عليها اي حاجه وتركبها متحش بأي حاجه
وعندك الجيب القديمه بتاعت دايهاتسو اللي اسمها فيروزا موجوده لحد الان وماشيه ولا اكن العربيه قديمه
وشكرا لك ولتجربتك مع الماتيريا

[ابوحميد]

ابو عبد الله كتب

دي مش معاك فيها لأن الكنبه الخلفيه اصلا بعيده جدا عن الكراسي الامامية ولما تطلعها للامام بتبقى زي اي عربيه تانيه واسعه برضه ولكن الشنطة بتبقى كبيره جدا ومتنساش ان الشنطة لها علو لأعلى مش موجود في السيدان يعني ممكن تحط حاجات متعرفشي تحطها في عربيه سيدان غير انك ممكن تحط كذا شنطه فوق بعض وده برضه مبينفعشي في السيدان والتجربه خير دليل لأن الناس متعرفشي الكلام ده الا اللي جرب عربيه بالنظام ده

+10000
وعن تجربة كمان بس فى التريوس
ربنا اكرمنا ونقلنا لشقة جديدة وما ادراك ما متاعب العزال(النقل)
العربية بتاعتى بقت زى النص نقل يعنى انا بشيل بدون مبالغة ميقلش عن مرة ونص اكبر من اى عربية سيدان من الحجم الكبير دا ان مكانش ضعفين
وكمان لما بطوى الكرسيين اللى ورا بشيل اكتر من كدا بكتير
لدرجة ان واحد قاللى دى عربية نص نقل مش ملاكى
يعنى بشيل شنط وسجاد واجهزة كهربية (فرن وميكروويف وحاجات من الحجم الكبير)
العيب الوحيد النى لما بملا الشنطة من ورا مش بشوف من المراية الامامية وبستعمل مرايات الاجناب زى العربية النقل بالزبط

[أبو عبدالله]

صور توضح المساحة الكبيره الموجوده في السياره من امام الكنبه الخلفيه والشنطة بدون تحريك الكنبة الخلفية للامام

الماتيريا









=====================

التيريوس كمان






=====================

وهنا السيريون ايضا

[أبو عبدالله]

وهنا شوف شنطة التيريوس واخده اد ايه متهيالي مفيش عربيه هتاخد كل الشنط دي مره واحده علشان فوق بعض كده

[ابوحميد]

ابو عبدالله
انت نسيت ولا ايه؟؟؟؟؟؟؟؟؟؟؟
ابقى ضم الردين بتوعك على بعض
اشمعنى انا يعنى
:P :P :P :P :P :P

[Sharky]

راى الشخصى عيبها اللى ظاهر ليا لإنى ماجربهاش هو شكلها

[OsKaR]

كلام جميل افادكم الله

[Migo123]

الشنطة بتبقى كبيره جدا ومتنساش ان الشنطة لها علو لأعلى مش موجود في السيدان يعني ممكن تحط حاجات متعرفشي تحطها في عربيه سيدان

للاستفادة من الارتفاع لا بد من وجود حاجز بين الكنبه الخلفيه والشنطه (لمنع انزلاق الاغراض الموجوده فوق دماغ الركاب في الكنبه الخلفيه وده ممكن يكون خطر جدا في حاله الفرمله الشديده خصوصا على الاطفال) .......... والحاجز ده ممكن يكون صلب (شبك مثلا) او مرن زي الشبكه المطاطيه اللي بتركب في الشيروكي احيانا ......... بس لما عاينت العربيه اكتشفت عدم تجيهزها بالخطافات اللازمه لتركيب الشبكه دي سواء في السقف او أرضية السياره والاجناب .......... موظف المبيعات قالي تنفع بس انا مش مقتنع بكلامه
وكمان هو قالي ان موجود عندهم في التوكيل كونسول مجهز على مقاس المسافه بين الكراسي الاماميه..... بس انا برضه مش مصدقه

[أبو عبدالله]

وكمان هو قالي ان موجود عندهم في التوكيل كونسول مجهز على مقاس المسافه بين الكراسي الاماميه..... بس انا برضه مش مصدقه

لأ دي موجوده وانا شوفته
بس غالي بــ 300 وشويه ده غير ضريبة المبيعات
ولكن هو متظبط عليها بيرطب في مكان المخصصص لوضع المشروبات بين الكرسيين

اما بخصوص الشنط وانها تعدي للأطفال
فده بصراحه صعب لو انت حاطط شنطتين فوق بعض زي ما موجود في الصورة
لأن الشنطتين لو يتعدوا حرف الكنبه الخلفيه فضلا عن ان في لسه ارتفاع مساند الرأس
وطبعا ده استحاله ان الشنطة وهيا قائمة بالمنظر اللي في الصورة انها تقف على حرفها علشان تعدي فده مستبعد قوي حدوثه