فروق الكماليات في السيريون

[mwaheed]

السلام عليكم ورحمة الله وبركاته

شباب السيريون الأفاضل

دي أول مشاركة ليا في قسم الدايهاتسو، وسعيد جدا للتشرف بالتعرف بكم.

أنا حاليا بادرس السيريون لأن في نية مبدئية لشراءها.

دلوقتي في مانيوال 1.3 بـ 80 ألف

وفي أوتوماتيك 1.3 بـ 85 ألف

وفي أوتوماتيك 1.3 بـ 90 ألف

وفي أوتوماتيك 1.5 بـ 93.5 ألف

كل واحدة فيها إيه كماليات ؟

أنا بافكر في اللي بـ 85 فعايز أركز عليها أكثر وأعرف لو فيها ABS-EBD ?

وألف شكر يا جماعة مقدما، وعقبال ما نبقى زمل إن شاء الله.

[M.Mosaad]

نصيحه هات ال glx اللي ب 90000 لان فرق ال 5000 فيه مميزات اكتر
فيها abs و كاسيت اصلي بتاع العربيه شكله شيك اوي بس اوديو و جنوط سبور و اسبويلر و 4 سماعات و في حاجات تانيه بس مش فاكرها
اللي ب 85000 مافيهاش abs بس الكاسيت بتاعها mp3 بس مش الاصلي بس هو جامد برضة سوني و فيها سماعتين بس و مفيش سبويلر و جنوط عاديه
و ربنا يقدملك مافيه الخير و يوفقك للقرار الصحيح انشاء الله
ومبروك مقدما

[ahmadelsaeed]

بص ... لو ال abs أساسى بالنسبالك , يبقى ملكش غير ال 1.3 glx أو 1.5 glx

لو تقدر تجيب ال1.5 هتبقى أحسن طبعا عشان الموتور هيعيش أكتر و هيستحمل مع إستخدام التكييف .. بس ده لا يمنع إنى أسمع إن ال 1.3 هايلة برده ما شاء الله

و نصيحة من أخوك اللى عايز يشترى برده , إستنى لحد أخر السنة لما نشوف الدنيا هترسى على إيه

[M.Mosaad]

بص ... لو ال abs أساسى بالنسبالك , يبقى ملكش غير ال 1.3 glx أو 1.5 glx

لو تقدر تجيب ال1.5 هتبقى أحسن طبعا عشان الموتور هيعيش أكتر و هيستحمل مع إستخدام التكييف .. بس ده لا يمنع إنى أسمع إن ال 1.3 هايلة برده ما شاء الله

و نصيحة من أخوك اللى عايز يشترى برده , إستنى لحد أخر السنة لما نشوف الدنيا هترسى على إيه

اعتقد و الله اعلم اخر السنه مش هيفرق في حاجة اوي لان اي تخفيض ف الجمارك هيروح للوكيل و ممكن تلاقيه منزل 1000 و لا 2000 بالكتير و الباقي هياخدة هو و كمان ديهاتسوا بتنزل موديلات 2010 علي شهر 3 او 4 مش مع بدايه السنه بس فعلا لو 1.5 هتبقي طلقه فعلا انا ال 1.3 هايله فمابالك ب 1.5 فظيعةةةةةةةةةةةةةةة

[hhhmmmzzzz]

نصيحه هات ال glx اللي ب 90000 لان فرق ال 5000 فيه مميزات اكتر
فيها abs و كاسيت اصلي بتاع العربيه شكله شيك اوي بس اوديو و جنوط سبور و اسبويلر و 4 سماعات و في حاجات تانيه بس مش فاكرها
اللي ب 85000 مافيهاش abs بس الكاسيت بتاعها mp3 بس مش الاصلي بس هو جامد برضة سوني و فيها سماعتين بس و مفيش سبويلر و جنوط عاديه
و ربنا يقدملك مافيه الخير و يوفقك للقرار الصحيح انشاء الله
ومبروك مقدما

انا مع الاخ العزيز/محمد فى كل اللى قاله فعلا الفرق مش كبير بالفلوس بس فيه حاجات احسن زي الجنوط الاسبور بتشيك والسبويلر بيشيكو العربية وكمان عشان ماتخشش فى موال الطاسات اللى بتتسرق او تطير بصراحة شكل العربية بيكون وحش اوى من غيرهم
كمان انا اشتريت العربية دى من 5شهور كان سعرها برضه فى التوكيل ب90الف
بس انا اشتريتها من المصرية للسيارات(فرع الميرغنى) ب88الف بس لانهم بيحسبو بدل فرق جنيهات دهب هدية
ولما اتصلت بالوكيل ما كنش عنده سبب مقنع بفرق ال2000ج وقالى تسليم الوكيل غير تسليمهم
بس بصراحة الناس كانو فى قمة الاحترام واستلمت الحاجة كاملة وخلال 5ايام لقيت المندوب بيتصل بيا عشان يرخص العربية
وفعلا ال1300جميلة قوى فما بالك ال1500 الطلقة هتلاقيها مثلا ب90000ج لانى دلوقتى ندمان انى مدفعتش3000ج وجبتها ودى اعلي فئة فى السيريون

[ahmadelsaeed]

انا مع الاخ العزيز/محمد فى كل اللى قاله فعلا الفرق مش كبير بالفلوس بس فيه حاجات احسن زي الجنوط الاسبور بتشيك والسبويلر بيشيكو العربية وكمان عشان ماتخشش فى موال الطاسات اللى بتتسرق او تطير بصراحة شكل العربية بيكون وحش اوى من غيرهم
كمان انا اشتريت العربية دى من 5شهور كان سعرها برضه فى التوكيل ب90الف
بس انا اشتريتها من المصرية للسيارات(فرع الميرغنى) ب88الف بس لانهم بيحسبو بدل فرق جنيهات دهب هدية
ولما اتصلت بالوكيل ما كنش عنده سبب مقنع بفرق ال2000ج وقالى تسليم الوكيل غير تسليمهم
بس بصراحة الناس كانو فى قمة الاحترام واستلمت الحاجة كاملة وخلال 5ايام لقيت المندوب بيتصل بيا عشان يرخص العربية
وفعلا ال1300جميلة قوى فما بالك ال1500 الطلقة هتلاقيها مثلا ب90000ج لانى دلوقتى ندمان انى مدفعتش3000ج وجبتها ودى اعلي فئة فى السيريون

الراجل هانى جابلك من أخر الأخر يعنى

ربنا يكرمك إن شاء الله و تاخد قرار موفق ... أنا موضوع العربية ده هياكل من دماغى حته

[MoToRiZeR]

فعلاَ طالما هتجيب أوتوماتك هات الجي إل إكس و هتاخد حاجات تفوق الخمسة ألاف جنيه بكتير .
ده فيه عربيات بيزودوا فيها 4 ألاف و يقولك هنزودلك فرش جلد !

إنما الإضافات اللي هتاخدها في النسخة الجي إل إكس كتير فعلاَ قدام فرق الفلوس و لو حبيت تضيفها بعد كدة هتلاقي نفسك داخل في 12 ألف جنيه ده غير الحاجات اللي مينفعش تتركب زي الإي بي إس .

[hhhmmmzzzz]

فعلاَ طالما هتجيب أوتوماتك هات الجي إل إكس و هتاخد حاجات تفوق الخمسة ألاف جنيه بكتير .
ده فيه عربيات بيزودوا فيها 4 ألاف و يقولك هنزودلك فرش جلد !

إنما الإضافات اللي هتاخدها في النسخة الجي إل إكس كتير فعلاَ قدام فرق الفلوس و لو حبيت تضيفها بعد كدة هتلاقي نفسك داخل في 12 ألف جنيه ده غير الحاجات اللي مينفعش تتركب زي الإي بي إس .

اوجزت.............فانجزت