هزة غريبة في المطبات

[osama_alam]

شباب السلام عليكم

يا رب تكونوا كلكم بخير ورمضان كريم عليكم وان شاء الله ربنا يتقبل منكم صالح الاعمال فيه

كنتم عاوز اخد رئيكم في حاجة انا بحس بهزة غريبة شوية في العربية عندي لما باخد مطبات خفيفة علي سرعة, الهزات ديه بتخلي العربية كمان مش ثابتة والحاجة التانية ان المشكلة ديه ساعات احسها وساعات لأ. آخر مرة كنت راجع من طريق مصر اسكندرية الطريق كان معظمه مطبات فكنت بحس بالهزات ديه وان الدريكسيون مش ثابت في ايدي

حد عنده فكره ده يكون من ايه ؟؟؟

وشكرا وجزاكم الله خيرا

[bmya]

هزه بمعني ايه باشا يعني الدركسيون بيتهز ولا العربيت بتحدف ولا ايه بالظبط

[hhhmmmzzzz]

والحاجة التانية ان المشكلة ديه ساعات احسها وساعات لأ.

يبقى عيب مطبات يا باشا سعات المطبات بتبقى معمول فيها كرف زيادة وانا عارف كام مطب بلاقيه بالوضع ده لما بروح عين شمس اما باقى المطبات مابتعملش كدة
حاول تاخد بالك من شكل المطبات اللي بتعمل كدة وقارنها بالاخرى( وماتقلقش)
وكل عام وانت بخير

[osama_alam]

هزه بمعني ايه باشا يعني الدركسيون بيتهز ولا العربيت بتحدف ولا ايه بالظبط

هية هزة بحسها برعشه في الدركسيون خفيفة والعربية بتطلع وتنزل كانها سوسته علي خفيف ده بيديني احساس بعدم ثبات بيقلقني الصرحة

[medo_sirion]

هية هزة بحسها برعشه في الدركسيون خفيفة والعربية بتطلع وتنزل كانها سوسته علي خفيف ده بيديني احساس بعدم ثبات بيقلقني الصرحة

مش هتكلم كتير
دية علبة دريكسيون ولازم تتغير
بردة انا لما روحت للتوكيل فى الاسكندرية وانا على الطريق حسيت بيها لان الطريق لسة بيتعمل

يبقى لازم فى اقرب صيانة تغير علبة الدريكسيون

[aliabutaleb]

مش هتكلم كتير
دية علبة دريكسيون ولازم تتغير

كنت هادخل أقول كدة بس خُفت أكون بافتي

[medo_sirion]

كنت هادخل أقول كدة بس خُفت أكون بافتي

على فكرة موضوع علبة الدريكسيون دة بقت موضة قديمة خالص
انا جيبت بيكانتو 2009
وبردة فيها نفس المشكلة
بس عيب البيكانتو ان ضمنها 12شهر او 20000ك
على القطع الغيار

[MoToRiZeR]

انا كنت عايز أقول كدة .. انا إكتشفت المشكلة في عربيات أصدقائي برضه زي كورسا و بيكانتو
يبدو إن الموضوع ملوش حل و العيب في الطريق !

[bmya]

على فكرة موضوع علبة الدريكسيون دة بقت موضة قديمة خالص
انا جيبت بيكانتو 2009
وبردة فيها نفس المشكلة
بس عيب البيكانتو ان ضمنها 12شهر او 20000ك
على القطع الغيار:h_angry[1]:

يعني البيكانتو برده فيها عيب علبه الدركسيون زي السيريون
ده كده يبقي العيب في مصر بلدنا الحلوه

[aliabutaleb]

على فكرة موضوع علبة الدريكسيون دة بقت موضة قديمة خالص
انا جيبت بيكانتو 2009
وبردة فيها نفس المشكلة

انا كنت عايز أقول كدة .. انا إكتشفت المشكلة في عربيات أصدقائي برضه زي كورسا و بيكانتو
يبدو إن الموضوع ملوش حل و العيب في الطريق !

يعني البيكانتو برده فيها عيب علبه الدركسيون زي السيريون
ده كده يبقي العيب في مصر بلدنا الحلوه

انا شايف إننا ابتدينا نوصل للدرجة اللي بنردد فيها نفس مبررات التوكيل
يا شباب زي ما فيه موديلات فيها المشكلة فبرضه فيه عربيات وبتمشي على نفس الطرق وبتكنولوجيا مش خارقة وفي نفس رينج أسعار السيريون ومفيهاش عيب علبة الدركسيون

مش منطقي إننا نعرض مشكلة ما يكون الرد طب ما كله كدة روحوا شوفوا التوكيلات التانية
ده قمة الفشل في مواجهة مشكلة
بدل ما بيدوروا على حلها بيحاولوا يلاقوا مبررات لتكريس الوضع وجعل المستهلك يقبل بالأمر الواقع

[hhhmmmzzzz]

ايه يا رجالة المعلمين بيقعو واحد ورا التانى ليه
الواحد كل ما بيحس بحاجة غريبة بيحاول يهون عن نفسه
سيبوه شوية لحد مايعرف السبب وبعدين علبة الدركسيون حسب ما سالت وا/علي(ابو حمزة)تفضل وفهمنى انها بتظهر فى الطرق غير الممهدة مش فى المطبات
وبعدين هو بيقول مطبات بتحصل ومطبات لا ف مانسبقش الاحداث لحد ماهو يشوف الفرق
انا جيت اشتري قريب (حذاء) فالراجل بيحطها فى (علبة) قولتلو ليه يابنى متفولش فى وشى
وربن ما يحوجنا للعلب وسلم لي علي التوكيل

[bishoy02010]

شوف فى الصيانة ممكن تكون بارات علبة الدركسيون بس مش شرط العلبة كلها متدمرة يعنى

[MoToRiZeR]

ايه يا رجالة المعلمين بيقعو واحد ورا التانى ليه
الواحد كل ما بيحس بحاجة غريبة بيحاول يهون عن نفسه
سيبوه شوية لحد مايعرف السبب وبعدين علبة الدركسيون حسب ما سالت وا/علي(ابو حمزة)تفضل وفهمنى انها بتظهر فى الطرق غير الممهدة مش فى المطبات
وبعدين هو بيقول مطبات بتحصل ومطبات لا ف مانسبقش الاحداث لحد ماهو يشوف الفرق
انا جيت اشتري قريب (حذاء) فالراجل بيحطها فى (علبة) قولتلو ليه يابنى متفولش فى وشى
وربن ما يحوجنا للعلب وسلم لي علي التوكيل

ههههههههه فعلاَ الواحد بقي ضد كل العلب .

[osama_alam]

ايه يا رجالة المعلمين بيقعو واحد ورا التانى ليه
الواحد كل ما بيحس بحاجة غريبة بيحاول يهون عن نفسه
سيبوه شوية لحد مايعرف السبب وبعدين علبة الدركسيون حسب ما سالت وا/علي(ابو حمزة)تفضل وفهمنى انها بتظهر فى الطرق غير الممهدة مش فى المطبات
وبعدين هو بيقول مطبات بتحصل ومطبات لا ف مانسبقش الاحداث لحد ماهو يشوف الفرق
انا جيت اشتري قريب (حذاء) فالراجل بيحطها فى (علبة) قولتلو ليه يابنى متفولش فى وشى
وربن ما يحوجنا للعلب وسلم لي علي التوكيل

معلش انا وصفت غلط الهزة بتحصل في الطرق الغير ممهده (اكيد مش حاخد مطب على سرعة)

[bmya]

ياباشا مهو اكيد طرق غير ممهده لازم هتلاقي العربيه مراجيييييييييييييح
الحكم علي العربيه في الطرق العاديه بتتهز برده وا عادي بتعوم منك مثلا بتحدف كده يبقي فيه حاجه
لكن طريق مكسر مهو لازم العربيه تتهز ياباشا متبقاش موسوس