سؤال عن موديلات 2010

[mohamed75]

شكراً يا شباب ، أنا برده هأستنى لما موديلات 2010 تنزل، ويبقى قدام الواحد إختيارين يا إما أشتري 2010 أو 2009 بسعر أقل ، وده إلي حصل مع أخي لما أشترى الماتيرا بتاعته من كام شهر، ولكن ده مكانش هو مخططله.

[Imhotep]

يفضل الانتظار الى شهر فبراير على الاقل لانه احيانا بتحصل مفاجات زى مثلا ما التيريوس 2009 كانت معروضة من ديسمبر 2008 ثم فجاة فى فبراير 2009 نزلوا البلاتينوم و فيها بعض تغييرات مثل التكييف التاتش..... ورغم ان هذه التغييرات ليست جوهرية و لم تغير من شكل السيارة كلية الا انها برضه حاجة تغيظ لما تبقى شارى عربية على انها موديل السنة الجديدة ثم تفاجا بنزول موديل اخر بتعديلات جايز لو اتيحت لك فرصة الاختيار كنت هتشترى بيها..... و ده اللى حصل معايا لانى كنت هشترى فى اخر 2008 ثم انتظرت و بالصدفة - لانه لم توجد اعلانات عن ذلك- نزلت البلاتينوم و جبتها.....

[hhhmmmzzzz]

ماهى يا جماعة كل اوبشن بينزل زيادة بنحاسب على تمنه ساعة الشراء
عشان كدة رايي يستنى زى ماقال ويشوف فرق الفلوس بين2009 و2010 ولو مش محتاج الزيادات يبقى يوفر ويجيب موديل السنة السابقة

[علاء فتح الله]

السلام عليكم ورحمة الله

فيه أحد الأخوة المشاركين كان بيقول "لازم التوكيل ينتظر لحد مايبيع موديل السنة اللي فاتت وأحياناً بيوصل لهم الموديل الجديد ويخبوه لحد مايخلصوا من الموديل القديم .. أمال حيودوا القديم فين؟"

أقول لحضرتك ممكن يودّوه فين .. في دول الخليج بينزل الموديل الجديد والقديم لسه موجود ، لكن بيكون فيه عروض مغرية من خصومات وهدايا بحيث اللي مش فارق معاه الموديل أو محتاج الخصم يشتري الموديل القديم .
لكن في مصر اتعودنا من الوكلاء والتجار استنزاف المستهلك حتى آخر قطرة

والمستهلك كالعادة ظهره مكشوف ، وطالما مفيش حد بيوقف المفتري عند حده حيفضل يفتري بل وحيزيد كمان طالما بيكسب من كده

[doctor1]

سؤال برىء وياريت الرد عليه يكون بسرعه جدا من غير اى خوف من الرادارا....
انا قررت اشترى جراند تيريوس 2009 الأسبوع ده
عليها عرض تليفزيون إل سى دى 32 بوصه إل جى + بلاى ستيشن 2 + 2 شاشة دى فى دى تم تركيبها بالفعل فى السياره خلف مخدعى الرأس لكرسى السائق والكرسى بجواره
ياريت حد يمنعنى وبقوه وبسرعه كمان لو عندكم اى مانع انى اشتريها
وياريت الأخ الكريم اللى اشترى البلاتينيوم فى فبراير 2009 ينصحنى بعيوبها او يشجعنى بمميزاتها وعدم عيوبها
أمانه عليكم يا جماعه تنبهونى او تنصحونى خصوصا ان الموزع قال ان 2010 هينزل اواخر اكتوبر او او على منتصف نوفمبر لكن مافيش اى اخبار عن الإضافات لو فيه
وكمان هاخسر العرض المغرى ده واكيد السعر هيزيد مع الموديل الجديد بالإضافات الجديده واللى مش هتكون جوهريه لكن هندفع سعرها الزياده لو نزلت
اسف على الإطاله واستحملونى
دول 156000 جنيه يا أخوانننننااااااااااااااااااااااااامنتظر حد ينقذنى او يشجعنى على الخطوه دى
أشـــــكركم جدااااااااااااااااااااااااااااااااااا

[TheInfernal]

أستاذ doctor1.
أنا معرفش ايه أخبار العربية, بس مستغرب ازاي حضرتك حتى حاطط في الاعتبار تليفزينون LCD و بلاي ستيشن 2 جايين هدية مع حاجة ب156 ألف.

[doctor1]

عزيزى [OVERLINE]TheInfernal[/OVERLINE]
[OVERLINE] أولاً أشكر إهتمامك وإستجابتك السريعه
الحقيقه انت ممكن يكون عندك حق فى استغرابك ده لكن الحقيقه انا شايف ان الحاجات دى تعتبر تخفيض من سعر العربيه بالنسبه للمستهلك اللى زى حالاتى بمعنى انها تساوى حوالى 9000 جنيه تخفيض من سعر العربيه وان لم يكن خصم حقيقى على البائع بنفس القيمه
ومن جهه أخرى اعتقد ان الموديل الجديد اكيد هيكون فيه اوبشنز زياده هيزيد سعر العربيه بقيمتها ومش هيكطون فيه الهدايا دى
يعنى السعر هيزيد والهدايا هتنعدم فبالتالى السعر هيزيد مرتين
والا ايه رأي سعادتك
اشكر اهتمامك[/OVERLINE]