....* عصر النجـــــــوم ....*

[medo_sirion]

بسم الله الرحمن الرحيم


هل انتهى عصر النجوم ؟؟؟

أبو عبد الله.د/ معاذ الشرباصى .عمرو عمارة .أحمد مصطفى . علا عثمان .آرا .وأحيانا محمود موترايزر .والكثيرون ممن أثروا وتلألأوا هنا بموضوعاتهم العامة والفنية .

أنا فى منتهى الحزن .جرى اية؟؟ هل هى عادتنا أن نكون فى البداية شعلة نشاط ثم تخبوا الجذوة

شيأ فشيأ وكل يذهب فى حال سبيلة؟؟ أنا مؤمن أشد الأيمان وفى عصرنا هذا أن أحيانا كثيرة

يكون الصديق أهم وأقرب من الأخ

كنانلتقى ونتقابل من كل المحافظات لنتقرب الى بعض . ماذا جرى ؟؟؟

كنا مجرد ان نجد أحد منا فاتح موضوع نتبارى فى الرد والتواصل والسؤال عن بعض ؟؟

ماذا جرى؟؟ هل لبعض المشدات واختلافات الرأى دخل فيما حدث ؟؟

أرى هنا بعض الأخوة الجدد ماشاء الله متواجدين يوميا لكن النجوم

لاأريد أن أسمع أن المشغوليات هى السبب ؟ من منا غير مشغول بحياتة الخاصة والعملية؟؟ هل هو كسل ؟ هل هو شبع ؟ أين المقابلات اللتى كانت توقد نار المحبة

والأخوة ؟ ألم تروا باقى الأقسام ومقابلاتهم ؟ ألم تغيروا ؟؟نحن أول من ابتدع هذة المقابلات؟؟

كم مرة موتورايزر وميدو وأنا طلبنا من الجميع أن نحدد موعد للمقابلات ؟وأسفاة .

كلمة خاصة للأخت الغالية ( علا عثمان ) كانت موضوعاتك الرشيقة والبسيطة والتلقائية

تجذبنى بشدة لمتابعتك ؟ ماذا حدث ؟ هل بعد أن أشتريت السيريون وتعاملتى معها أكتفيت ؟؟

أبو عبد الله لست أنت من تفعل هذا ؟؟ أنت الأول شئت أم أبيت ؟؟ د/ معاذ لم أتعود منك

هذا وليس كثرة سفرياتك هى السبب ؟؟ عمرو عمارة لية كدة ؟؟

لا أخفيكم القول أننى أفكر كثيرا بالمغادرة .قلتها من قبل وأكررها يد واحدة لا تصفق؟؟

وأخيرا ..

أستمحيكم عذرا فيما تحدثت بة هنا وأرجو ألا أكون قد جاوزت حدودى ..

تحيـــــــــــــــــــــاتى

يلا بقى ياستاذ توفيق فضلك 7مشاركات وتكون عضو فعال:b4_388:

[eng.octooo]

[M.Mosaad]

انا ليا راي تاني ان غياب المشاركه الفعاله في القسم دة من المنتدي راجع برضه لقله نشاط الديهاتسوا كشركه بصفه عامه
يعني التوكيل في مصر معاه 3 عربيات بس و الموديلات مفيش تحديث عليها يعني مش زي رينو كذا موديل او كيا
فطبيعي ان القسم كان نشيط لما كانت العربيه لسة جديدة و الموديلات لسة متغيرة و كله عاوز يجمع معلومات
دلوقتي الحمد لله بفضل النشاط الكبير في السابق بقي اللي بيخش القسم بيلاقي كل اللي هو عاوزة في المواضيع المثبته يعني مش المواضيع بقت دون المستوي و لا مش بقت تشد و لا حاجة
فعلا الاخوة الاعزاء كلهم غطوا نقط كتير اوي في موديلات ديهاتسو فبقت الاسئله كلها استفسارات بسيطة و دة ميزة مش عيب لاني مثلا انا مهتم جدا بالفيات و السيات و الفورد الجديد لاني ناوي اغير كمان سنه كدة انشاء الله فبخش القسم فعلا مش بلاقي اللي انا عاوزة و المواضيع قليله جدااااااااا و المعلومات شحيحه خالص .
و كل الاقسام اللي كانت نشيطة لو دخلتوها دلوقتي هتلاقوا المواضيع برضة بقت عبارة عن استفسارات او صور للموديلات الجديدة اللي ديهاتسو مصر لسة معندهاش منها يعني اللي منشط قسم كيا هي السيراتو لانها جديدة و كله بيقول انطباعات عنها اعتقد لو نزل موديل جديد او شكل احدث من الموديلات الموجودة العمليه هتنشط تاني
و بالنسبة للاخوة الغايبيين اكيد لعل المانع خيرا اعتقد و الله اعلم مفيش زعل و لا حاجة لانه في النهاية زي ماعمرو قال كله حديد و الحديد مفيهوش زعل و الراي الصريح ميزعلشي
و بالنسبة للاستاذ توفيق انا مقابلتش حضرتك او اي حد من القسم دة و كلام الاخوة عنك هنا بيثبت انك شخصيه هايله الواحد اتشرف بمعرفتها بس فعلا الواحد حاسس انه عارف كل واحد فيكم
و الواحد والله فعلا بيحبكم كلكم في الله
و في النهايه قله النشاط دة دليل مجهود كبير زمان خلي القسم دة مرجع للي عايز يشتري ديهاتسو
ربنا يباركلك كلكم

تم تعديل لفظ الجلالة

مشرف دايهاتسو

[aliabutaleb]

انا ليا راي تاني ان غياب المشاركه الفعاله في القسم دة من المنتدي راجع برضة لقله نشاط الديهاتسوا كشركه بصفه عامه
يعني التوكيل في مصر معاه 3 عربيات بس و الموديلات مفيش تحديث عليها يعني مش زي رينو كذا موديل او كيا
فطبيعي ان القسم كان نشيط لما كانت العربيه لسة جديدة و الموديلات لسة متغيرة و كله عاوز يجمع معلومات
دلوقتي الحمد لله بفضل النشاط الكبير في السابق بقي اللي بيخش القسم بيلاقي كل اللي هو عاوزة في المواضيع المثبته يعني مش المواضيع بقت دون المستوي و لا مش بقت تشد و لا حاجة
فعلا الاخوة الاعزاء كلهم غطوا نقط كتير اوي في موديلات ديهاتسو فبقت الاسئله كلها استفسارات بسيطة و دة ميزة مش عيب ................

و في النهايه قله النشاط دة دليل مجهود كبير زمان خلي القسم دة مرجع للي عايز يشتري ديهاتسو
ربنا يباركلك كلكم

باتفق جداً مع كلام حضرتك

[معاذ الشرباصى]

توفيق باشا

اخبارك ايه؟

مفيش حد هنا يقدر على زعلك خالص و مظنش ان فى حد مختفى بسبب اى نوع من الاختلاف فى وجهات النظر

انا و الله لسه راجع من كام يوم , ده غير ان الدراسة بدأت و الدنيا ملخبطة عندنا فدخولى قليل جدا على النت مش هنا بس

بس ان شاء الله الدنيا تتظبط قريب و نتقابل و نشوف حضرتك و كل الناس الحلوة اللى هنا

[توفيق طة]

فعلا قب مابتدي اشارك في النتدى كنت بشوف لمعظم الاسماء ديه موضعات حلوة
لكن حضرتك منين من دميييييييييييييياط؟؟

نعم أخى الفاضل .

فعلاَ النشاط قل في المنتدي و التواجد فيه بشكل عام "منتدي دايهاتسو"
و لما بيدور حديث مع ميدو و أستاذ توفيق بيكون السؤال المعتاد "هي الناس فين!؟"

انا معنديش فكرة عن أي خلافات قد تكون حدثت بين البعض بس حتي لو كان حدث، يا ريت نحط كل ده علي جنب و نرجع الأيام الحلوة بتاعة المقابلات التلاتة .. و لو محصلش .. ده نداء لجميع الناس اللي كانوا في المنتدي و إتقابلنا و قضينا وقت جميل مع بعض .. حتي تجمعاتنا كانت سبب في حل مشاكل كتير للسيارة يعني محدش فينا لو كان لوحده كان هيبقي صوته مؤثر في موضوع زي مشكلة الزيت القديمة ولا علبة الدركسيون ولا كان هيبقي زائر نايل موتورز زائر vip في التوكيل .

مقابلات السيريون و دايهاتسو معروفة في نايل موتورز إنها من أحلي المقابلات :oc_sun1[1]:

لكن إحنا وقفنا عند التالتة تابتة و مش عارفين نكمل .. و لكن أكيد فيه عودة قوية .
ده طلب شخصي مني بعد الكلمات الرقيقة من عميد السيريونيين أستاذ توفيق طه ( يا أستاذ توفيق هتمشي و تسيبنا كدة ده إنت الكبير بتاعنا و الأب الذي نتجمع حوله و الصديق للجميع الصغير قبل الكبير .. دي بس وسوسة شيطان و انا كلي ثقة في أعضاء منتدي دايهاتسو )

محمود باشا/ حبيب قلبى .

غالى وطلبك أغلى على قلبى.ولا أستطيع أن أرد لك طلب. أنت نقطة ضعفى .

طيب فية حد رد على دعوتك؟؟ أقول ايـــــــــــــــــــــــــة

تحيـــــــــــــــاتى

فعلاً يا محمود
مبادرة غير مستغربة وفي غاية الاحترام من عميد السيريونيين أستاذ توفيق
أنا حاسس بكم الزعل اللي بين سطور كلام حضرتك مننا
انا أعرف أكتر من شخص من الأعضاء المختفين وهما فعلاً ظروفهم مش مساعداهم اليومين دول على التواجد.
مظنش إن كان فيه ولا هايبقى فيه أي خلافات أو زعل بين أسرة الدايهاتسو الجميلة
حتى لو كان فيه عدم اتفاق في وجهات النظر مستحيل يكون سبب في البعد عن المنتدى
ولكن أي ضغوطات الحياة والعمل والدراسة بالنسبة للبعض بتخللي المزاج مش في حالة اعتدال دائم ومستمر.
خلينا جميعاً نلتمس الأعذار للغايبين
وفي نفس الوقت نفكر في المقابلة اللي جاية
والله الواحد مفتقدكم جداً يا شباب.

تحياتى لك أبو حمزة .

أشكر ذوقك ورقتك . لكن
ألست معى فى حزنى!!

أنت ذهبت الى لقاء الأسكندرية شفت المقابلات بتجرى الدورة الدموية والمحبة اذاى ؟

طب لية

تحيـــــــــــــاتى

انا كمان واحد من الناس اللى اشترو العربية دى بفضل نشاطكم وانا مشتريها فى شهر مارس2009تقريبا مع اخر مقابلة(الثالثة)ليكو
والله والله انا اخدت قرار شراء السيارة دى في يومين فقط ومن بعد ما دخلت المنتدى وشفت النشاط والالفة بينكم ودة فعلا بيدينا القوة فى مواجهة اي مشكلة نبقى يد واحدة وفعلا هذا ما حدث بالسابق فى حل مشكلات كثيرة اثيرت هنا(كمشكلة الزيت مثلا) ولما رحت اول مرة وقولتلهم انا عضو فى نايل موتورز قالولى من غير اي حاجة احنا استجبنا لموضوع الزيت المثار حاليا
يا جماعة انا واحد من الناس اللي يحب يبقى عارف شكل الناس المحترمة اللى بتكلمه وتحل مشاكله وتشاطره احزانه من غير ما تعرفه وكان لي الشرف انى شفت د/معاز بالصدفة وكذالك (جارى) ا/علي(ابو حمزة)
بجد كنت سعيد جدا بلقائه شخصية ممتازة جدا وعلي خلق
بجد انا نفسى اشفكم واحد واحد وخصوصا ا/توفيق الراجل المحترم اللى كل المنتدى بيحبه وبيعتبره اخ كبير لنا جميعا واللى شخصيا حبيته من كلامكم من غير ما اشوفه
ما تزعلش يا ا/توفيق وخليك انت مثلنا الاعلي والايام المقبلة احسن باذن الله انا قلتها مسبقا انا مستعد فى اى وقت وفى اي مكان انتو تحددوه(بس يوم الجمعة)لانى ماعنديش غيره وياريت الايام الجاية افتكر الجو فيها كويس قبل الشتاء وليكن المكان(الاسكندرية-الاسماعيلية)ونعمل موكب نمشى فيه كلنا(تريوس-ماتيرا-سيريون-شاريد)واهى فرصة نفسح الاولاد للى عنده اولاد وانا عن نفسى عليا الكورة اللى هنلعب بيها
يلا بقى فين صاحب المبادرة.............انا مستنى
انا هحدد الزمان الجمعة 16اكتوبر ايه رايكو؟؟

م/ هانى .

من القلب أشكر مشاعرك الرقيقة وأنا أيضا أتمنى أن أراك وأسعد بلقائك .

أنت قدمت مبادرة ! والنتيجة اية ؟؟

تحيـــــــــــاتى

[توفيق طة]

لا حول ولا قوة إلا بالله......توفيق بك حبيبي مفيش زعل من الي إنت بتقول عليه خالص....أنا مستحيل شوية حديد يزعلوني من إخوة في المنتدى زيكم

كل ما في الأمر كان زي ما ذكرتلك موضوع مرض والدي والحمد لله ربنا تم شفائه على خير والموضوع ده كان شاغلني كتير عن حاجات كتيرة
حتى منتدى رينو مشاركاتي فيه قلت كثيراً وبشارك في حلول المشاكل فقط في أضيق الحدود ومشاركاتي الإجتماعية قليلة جداً....والفترة القادمة إن شاء الله بغير فيها شغلي وداخل على مرحلة صعبة شوية فممكن تلاقيني مختفي بالأسابيع

ممكن المشاكل بتاعت علبة الدركسيون وإرتفاع أسعار قطع غيار السيريون وصيانتها بشكل مستفذ خلا الواحد يقفل شوية من العربية ونتيجة لكده المشاركات بتقل لأن سعاعات لما الواحد بيقول رأيه في العربية بصراحة في ناس بتزعل والموضوع كله شوية حديد ؟؟!!.....أنا بقول كده والحمد لله زوجتي هي إلي بتركب العربية وعاملة 30ألف فقط في سنتين.....مابالك بقى لو راجل الي بيركبها وهاتك مشاوير وفرك.....العربية من وجهة نظري مش هتستحمل بتاتاً
ومع ذلك كل واحد حر في إختياره ورأيه......بس إصراحة مؤخراً في مواضيع كتيرة في قسم دايهاتسو ماكنتش تجذب الواحد بالمرة فبكتفي بعدم الرد أو المشاركة

ويا باشا زعلك ده فوق رأسنا كلنا وأنا بحبكم كلكم في الله

عمرو بية أخيرا. يااااااااااااااة واحشنى والله.

مرة أخرى ألف سلامة للوالد وكان الله فى عونك. بس احنا لنا حقك فيك والا ايـــة ؟؟

تحيـــــــــــــاتى

بصراحه وبدون زعل

المواضيع اللي موجوده بقالها فتره غير المستوي اللي كلنا كنا متعودين عليه

ياريت الساده الافاضل يقولولي انا مثلا كل يوم علي نايل موتور من الصبح للمغرب

وعلي منتدي ديهاتسو مش اكتر من 5 دقاقق !!!! ليه؟؟؟؟؟؟؟؟؟؟؟؟؟؟؟؟؟؟؟

+ مفهومة طبعا وموافق على كلامك.

تحيـــــــــــاتى

مقصرة.. و باعترف بالتقصير و باعتذر :f_eyeb1[1]:

و طبعا يعز علية جدا زعل أستاذنا الكبير أستاذ طه.

هو بالنسبة للمشاركة في قسم الدايهاتسو، يمكن الواحد ما بقاش عنده حاجة يقولها اوي بخصوص العربية، و لو كانت هاتبقى عبارة عن استفسارات.

اما عن حبي للسيريون فهو كما هو و لم يتزحزح عن موقفه البتة، حتى إني لازلت أتغزل في أي سيريون أشوفها معدية في الشارع :b4_007:

المهم بأه اني مبسوطة أوي إن الأستاذ توفيق بيعتبرني من النجوم :e_braces[1]:

أنا حتى الآن لم أشرف بمقابلة الأستاذ طه و إن كنت أتمنى. فيه كمان شخصيات كتيرة في المنتدى حابة إني أعرفهم أكتر. عشان كده المقابلة الجاية ان شاء الله اعملوا حسابي، بس تكون في القاهرة

أخيرا النجمة ظهرت. يشرفنى أن أقرأ كلماتك .

بس اعتذارك غير مقبول فوجودك يعطى نسمة رقيقة للمنتدى.وأتمنى أن أراك فى اللقاء القادم

دة اذا تحقق .

تحيــــــــــــــــــاتى

يلا بقى ياستاذ توفيق فضلك 7مشاركات وتكون عضو فعال:b4_388:

ميدووووو باشا .

أكون فعال لو أستطعت أن ألم الشمل ونعود كما كنا . دى عين حسودة صابتنا !

أبشر ياعم ادبست مقدما انا شمتان فيك هههههههههههههه. بس الأسماعلية جميلة عن تجربة معاك.

ما تخافش رقبتى سدادة والسيكو سيكو موجود وأوعى وشك. ها ها ها.

أنا أتصلت بتوكيل الرزق للحجز لى ولك ولمحمود وأبو حمزة ومنتظر أتصال المهندس /محمد

بعد وصول الأسكترا اليهم .

تحيـــــــــــــــــتى

توفيق باشا

اخبارك ايه؟

مفيش حد هنا يقدر على زعلك خالص و مظنش ان فى حد مختفى بسبب اى نوع من الاختلاف فى وجهات النظر

انا و الله لسه راجع من كام يوم , ده غير ان الدراسة بدأت و الدنيا ملخبطة عندنا فدخولى قليل جدا على النت مش هنا بس

بس ان شاء الله الدنيا تتظبط قريب و نتقابل و نشوف حضرتك و كل الناس الحلوة اللى هنا

د/ معاذ .واحشنى جدا ..

أخيرا ظهرت ؟ غير مسموح لك بالغياب فية شرط جزائى لك بالذات .

وصلتنى رسالة من الحبيب أبو عبد الله .وتحققت ظنونى .وربنا يصلح الأحوال.

تحيـــــــــــــــــاتى

[rzeiny]

استاذ توفيق ازي حضرتك وحشني كتييير وما اقدرش على زعلك وبودي نتقابل كلنا زي اخر مرة
بس تعرف انا كمان شايف ان النشاط قليل جدا والنجوم اختفت شوية لكن الغايب حجته معاه

[akarem]

السلام عليكم ورحمة الله وبركاته
ازيكم يا احبابى يارب تكونوا بخير وربنا ييسر امورنا جميعا
ازيك يا استاذ توفيق عامل ايه انا فعلا متفق مع حضرتك في الرأى المواضيع قلت فعلا وكمان مشاركات الناس
انا برضه من الناس اللى اشتريت العريبة من اراء الناس هنا في المنتدى ولمست الحب بينهم وتعاونهم في حل المشاكل والرد على الاستفسارات ياريت فعلا نرجع الود ونسال على بعض مش شرط يكون فيه استفسار او مشكلة علشان نخوش على المنتدى لا المفروض كمان نطمن على بعض وعلى احوال بعض من قوت للتانى
وبقول لاستاذ عمرو الف الف سلامة على والد حضرتك وربنا يحفظه ليك يارب ويحفظ اعضاء المنتدى وكل المسلمين من كل شر
وسلامى الى كل اخوانى في المنتدى استاذ توفيق واستاذ ابو عبدالله واستاذ معاذ واستاذ عمرو واستاذة علا وكل الناس
ويارب لما تحددوا معاد ومكان للمقابلة الجاية تكون ظروفى تسمح انى اكون معاكم لانى نفسى فعلا اتعرف عليكم قوى لانى مروحتش معاكم اى مقابلة لانى اصلا اشتريت العربية تقريبا على المقابلة التالتة بس معرفتش اجى
ويارب ترجعوا تنوروا المنتدى تانى

[توفيق طة]

السلام عليكم ورحمة الله وبركاته
ازيكم يا احبابى يارب تكونوا بخير وربنا ييسر امورنا جميعا
ازيك يا استاذ توفيق عامل ايه انا فعلا متفق مع حضرتك في الرأى المواضيع قلت فعلا وكمان مشاركات الناس
انا برضه من الناس اللى اشتريت العريبة من اراء الناس هنا في المنتدى ولمست الحب بينهم وتعاونهم في حل المشاكل والرد على الاستفسارات ياريت فعلا نرجع الود ونسال على بعض مش شرط يكون فيه استفسار او مشكلة علشان نخوش على المنتدى لا المفروض كمان نطمن على بعض وعلى احوال بعض من قوت للتانى
وبقول لاستاذ عمرو الف الف سلامة على والد حضرتك وربنا يحفظه ليك يارب ويحفظ اعضاء المنتدى وكل المسلمين من كل شر
وسلامى الى كل اخوانى في المنتدى استاذ توفيق واستاذ ابو عبدالله واستاذ معاذ واستاذ عمرو واستاذة علا وكل الناس
ويارب لما تحددوا معاد ومكان للمقابلة الجاية تكون ظروفى تسمح انى اكون معاكم لانى نفسى فعلا اتعرف عليكم قوى لانى مروحتش معاكم اى مقابلة لانى اصلا اشتريت العربية تقريبا على المقابلة التالتة بس معرفتش اجى
ويارب ترجعوا تنوروا المنتدى تانى

أخى وعزيزى أحمد بك ..

تحية من القلب لمشاعرك وودك لنا .

وأتمنى أن يكون لكلامك الجميل صدى هنا ؟؟

لا أظن ؟؟

تحيـــــــــــــــاتى

[dogma]

انا واحد من الناس اللي اشتريت السيريون بسبب المنتدى هنا
خصوصا كلام ابوعبدالله و معاذ الشرباصي و الاخت علا
و كنت متخيا ان حيكون في مقابلات و تجمعات لكن المنتدى هدي فعلا ياريت ترجعو لنشاطكو تاني

[medo_sirion]

هنرجع اقوى من الاول انشاءالله

[bmya]

عايزنا نرجع زي زمان قول للزمان ارجع يا زمان

[توفيق طة]

عايزنا نرجع زي زمان قول للزمان ارجع يا زمان

صح

تحيـــاتى

[medo_sirion]

صح

تحيـــاتى

استاذ توفيق تعالى نشترى عربية تانية علشان نتقابل بقى