كاوتش السيريون الاحتياطى

[hhhmmmzzzz]

موضوع الاستبن ده شغلنى اليومين اللي فاتو مش عارف ليه
انا اول ما اشتريت العربية اتاكدت طبعا من وجود الاستبن بس ماطلعتوش من مكانه
بس ليه واحد صاحبى خبرة فى السيارات قالى هو الاستبن اللى مع العربية كاوتش زي بتاع المتوسيكل؟؟؟؟؟؟؟؟؟؟؟؟؟؟؟قولتله ايه مش فاهم؟؟؟؟؟؟؟؟؟؟
قالى هو الاستبن بينزل كدة مع العربيات دى قولتله كويس انى ماحصلتش مشكلة فى الكاوتش الرئيسى وساعتها كان هيحصلي زهول لو لقيت الاستبن بالمنظر ده. ممكن كنت افتكرت المصرية للسيارات ضحكو عليا وبدلو الكاوتش بكاوتش اصغر وكنت هعمل اللي يقدرنى عليه ربنا
المهم انا والحمد لله عامل13000ك وماحتجتش ليه لحد دلوقتى
بس هل كل الناس بتستلم نفس الاستبن ده
واللى عنده تجربة ممكن يحكيها لافادتنا
لما قريت الكتيب بتاع العربية عرفت انه لما عجلة من العجلتين الاماميتين يحصلها حاجة وعايز تبدلها لازم تفك عجلة من الوراء وتركبها بالامام ثم تركب الاستبن بالخلف؟؟؟؟؟ايه الشغلانة دى
ده الواحد بيصحى من النوم ويجى نازل العمل ويلاقى عجلة نايمة يبقى عايز الواحد مايروحش الشغل احسن فما بالك من تغيير عجلتين
ويسلام لو عندك مناسبة ومتشيك شوف بقى ايه اللي يحصلك ساعتها
وكمان هل ينفع اغير الكاوتش ده بمقاس العربية القياسى ولا المكان اللى بينزل فيه الاستبن ما يجبش
اسف للاطالة ولكم منى كل التحية

[توفيق طة]

بسم اللة الرحمن الرحيم

مهندس / هانى . تحياتى لك

فعلا الأستبن بينزل كدة أنا معايا سيريون 2007 أتوماتيك وأستعملتة أكثر من مرة عادى

بس لا تزيد السرعة عن 80 كيلو وهو مؤقت لو حدث شئ للجنط تركبة وتروح تصلح

الكاوتش الأساسى بسرعة وترجعة مكانة.هو شكلة مش حلو زى عجلة الموتوسيكل وحجم وجودة

فى الشنطة لا يسع حجم الجنط الاساسى الشركة مصمماة كدة ولا خوف من استعمالة.بس ناشف شوية أثناء السير بة.

تحيـــــــــــــاتى

[M.Mosaad]

انا لسة مستعملتوش بس فعلا المعلومه جديدة
الواحد كدة الافضل يجيب واحد احتياطي كويس
طب اجيب مكان منين في الشنطة ليه لان استاذ توفيق بيقول ان المكان في الشنطة مش بيساع الجنط الاصلي

[bmya]

يا جماعه علي فكره كل العربيات الهاتش باك كده اصلا لان الشنطه صعير فمش هتاخود الجنط الاصلي عشان كده بيحوطوا ده
الابيزا كده والجين تو وتقريبا معظم الهاتش باك كده
انا الحمد لله مجربتوش غير رمه وحده بس كان الكاوتش الخلفي مخروم فاضطريت اغيره ووروحت علي طول صلحت الاصلي لان الاستبن ده شكله يكسسسسسسف بامانه ولونه افر وانا عربيتي سماوي ههههههههههه حاجه اخر عك يعني

[A.Saad]

بسم اللة الرحمن الرحيم

مهندس / هانى . تحياتى لك

فعلا الأستبن بينزل كدة أنا معايا سيريون 2007 أتوماتيك وأستعملتة أكثر من مرة عادى

بس لا تزيد السرعة عن 80 كيلو وهو مؤقت لو حدث شئ للجنط تركبة وتروح تصلح

الكاوتش الأساسى بسرعة وترجعة مكانة.هو شكلة مش حلو زى عجلة الموتوسيكل وحجم وجودة

فى الشنطة لا يسع حجم الجنط الاساسى الشركة مصمماة كدة ولا خوف من استعمالة.بس ناشف شوية أثناء السير بة.

تحيـــــــــــــاتى

البيكانتو كدة برده
يسؤال للاستاذ توفيق
هل وانت بتستعمله بيعمل مشكلة فى الاتزان او الثبات او ميل العربية او الفرامل
وهل ركبته امام

[medo_sirion]

البيكانتو كدة برده
يسؤال للاستاذ توفيق
هل وانت بتستعمله بيعمل مشكلة فى الاتزان او الثبات او ميل العربية او الفرامل
وهل ركبته امام

انا ركبتة كتير امامى ومكنتش عارف بالمعلومة انى المفروض اجيب الورا قدام
بس كاوتش لو حوت بية ولو على سرعة قليلة ممكن لقدر الله يحصل مشاكل
دة غير الاصوات المزعجة اللى بتطلع منة بطريقة سيئة

[توفيق طة]

البيكانتو كدة برده
يسؤال للاستاذ توفيق
هل وانت بتستعمله بيعمل مشكلة فى الاتزان او الثبات او ميل العربية او الفرامل
وهل ركبته امام

لا عادى مافيش مشاكل بس تحطة ورا وهو ناشف شوية

تحس انك مركب عجلة خشب .

تحيـــــــــــــاتى

[hhhmmmzzzz]

بسم اللة الرحمن الرحيم

مهندس / هانى . تحياتى لك

فعلا الأستبن بينزل كدة أنا معايا سيريون 2007 أتوماتيك وأستعملتة أكثر من مرة عادى

بس لا تزيد السرعة عن 80 كيلو وهو مؤقت لو حدث شئ للجنط تركبة وتروح تصلح

الكاوتش الأساسى بسرعة وترجعة مكانة.هو شكلة مش حلو زى عجلة الموتوسيكل وحجم وجودة

فى الشنطة لا يسع حجم الجنط الاساسى الشركة مصمماة كدة ولا خوف من استعمالة.بس ناشف شوية أثناء السير بة.

تحيـــــــــــــاتى

حبيب قلبى ا/توفيق
شكرا علي المعلومات الجميلة........تعبينك معانا
بس تعمل ايه ده قدرك معانا.......بصفتك عميد السيريوناويين
تحياتى لك والاسرة الكريمة

[hhhmmmzzzz]

انا لسة مستعملتوش بس فعلا المعلومه جديدة
الواحد كدة الافضل يجيب واحد احتياطي كويس
طب اجيب مكان منين في الشنطة ليه لان استاذ توفيق بيقول ان المكان في الشنطة مش بيساع الجنط الاصلي

بيتهيالى بعد الرد علي الاستفسار انت مش محتاج للجنط الاصلى
اهى حاجة مؤقتة تقضى الغرض
واكيد مافهوش ضرر كبير واشركات اللى بتعمل الهاتش باك عارفة كدة
بس ما تجريش بيه وامتحطهوش فى الامام

[hhhmmmzzzz]

يا جماعه علي فكره كل العربيات الهاتش باك كده اصلا لان الشنطه صعير فمش هتاخود الجنط الاصلي عشان كده بيحوطوا ده
الابيزا كده والجين تو وتقريبا معظم الهاتش باك كده
انا الحمد لله مجربتوش غير رمه وحده بس كان الكاوتش الخلفي مخروم فاضطريت اغيره ووروحت علي طول صلحت الاصلي لان الاستبن ده شكله يكسسسسسسف بامانه ولونه افر وانا عربيتي سماوي ههههههههههه حاجه اخر عك يعني

اولا تقريبا العربيات الهاتش باك الحديثة بس لانى كان معايا فليشيا هاتش باك وكان الجنط الاحتياطى كبير عادى يعنى والغريبة انه ما كنش ماثر علي العربية بالعكس كانت العربية عالية عن الارض
فمعرفش هما بيعملوه كدة ليه اساسا
وفعلا ايه اللون الاصفر الغريب ده(اشمعنى) ايه الحكمة من كدة مش فاهم بجد شكله يكسف

[madoo]

انا كمان عندى نفس الجنط ده فى الماتيريا
معلومه معظم العربيات بتنزل بنفس الجنط ده
زى الهوندا الجاز والبيكانتو والجين تو وكمان المازدا ثرى شوفت واحد مركبه مش عارف بقى هى بتنزل كده ولا دا كان سالفه من حد وبرده تقريبا الجولف
وفعلا انا كنت قريت انك لازم تركبه ورا ولو حصل حاجه فى الكاوتش اللى قدام تبدل اللى ورا قدام وتركب ده مكان اللى ورا

[bmya]

اه ياباشا انا قصدي علي الهاتش باك الجديد

[aliabutaleb]

من هنا تظهر أهمية وجود كومبريسور الهوا في العربية
لا قدر الله لو عجلة حصل لها حاجة تقدر تكملها هوا
وتمشي بيها عادي بس تبص عليها كل شوية
لغاية ما توصل لأقرب مكان موثوق منه تصلحها فيه
وخللي الاحتياطي لحالات الضرورة القصوى الشديدة فقط

[hhhmmmzzzz]

من هنا تظهر أهمية وجود كومبريسور الهوا في العربية
لا قدر الله لو عجلة حصل لها حاجة تقدر تكملها هوا
وتمشي بيها عادي بس تبص عليها كل شوية
لغاية ما توصل لأقرب مكان موثوق منه تصلحها فيه
وخللي الاحتياطي لحالات الضرورة القصوى الشديدة فقط

ا/علي تحياتى اولا
هل الكمبريسور ده عملي فعلا؟؟؟ ناس كتير اشتكت منه ولا انت تعرف ماركة معينة الواحد يجيبها
وشكرا لك

[hhhmmmzzzz]

انا كمان عندى نفس الجنط ده فى الماتيريا

با راجل حتى الماتيرا ماكنتش متخيل كدة انا كنت فاكرها فى العربيات الصغيرة بس
طيب واخبار التريوس ايه كدة برضه؟؟؟