عايز اركب مسند يد

[hhhmmmzzzz]

امبارح روحت اشتريت مسند يد من شارع زكى
جبته ب40ج بس شكله شيك اوى سليفر(لون العربية) ومطعم باللون الاسود
انا كنت سالت عليه فى زيارة5000بالتوكيل من فترة بعيدة وقالولى مبقاش ينزل عشان الناس بتشتكى انه بيضيق العربية(طيب مهو اى شيء بيختلف عليه اتنين واحد يقولا اه والتانى لا)
المهم قولتله عايز اركبه(فى المحل طبعا) قالى لا ده لازم واحد سروجى عشان فيه مسامير وشغلانة كدة
فهل هو هيخرم عشان يركبه(انا شوفت جواه مسامير) وهل هو هيخلى منظر العربية من الداخل وحش وهل بياثر علي رؤية فرامل ايد ولا بعيد عنها
انا ملاحظ ان فيه فى العربية مكان لامكانية تركيبه.........بس انا مش عارف
لو اى حد عنده خبرة او تجربة فى الموضوع ده ممكن يقولي

[GMakram]

متابع باهتمام جدا جدا...جدا :)

[bmya]

ايه ده هو معتش بينزل في العربيه ولا ايه ؟؟
انا اصلا شاري العربيه فيها مسند اليد ده وهو شكله زي ميكون نازل مع العربيه مع ان هما اللي مركبينه اصلا في التوكيل ومش مأثر علي اي حاجه وفرامل اليد مرتاحه وبعيده عنه هو بيركب مكان حامل الاكواب الخلفي وتقريبا برده فيه مسامير بس مش عارف ركبه فين لان هو نازل فيها فمعرفش هما مركبينه ازاي
بس هما يعني معدوش بينزلوا في الموديلات الجديده خالص؟؟

[medo_sirion]

ايه ده هو معتش بينزل في العربيه ولا ايه ؟؟
انا اصلا شاري العربيه فيها مسند اليد ده وهو شكله زي ميكون نازل مع العربيه مع ان هما اللي مركبينه اصلا في التوكيل ومش مأثر علي اي حاجه وفرامل اليد مرتاحه وبعيده عنه هو بيركب مكان حامل الاكواب الخلفي وتقريبا برده فيه مسامير بس مش عارف ركبه فين لان هو نازل فيها فمعرفش هما مركبينه ازاي
بس هما يعني معدوش بينزلوا في الموديلات الجديده خالص؟؟

عايز تبيع المسند

انا على استعداد دفع مبلغ 500ج فية

[hhhmmmzzzz]

فعلا يا ا/شريف مابينزلش ومش موجود بالتوكيل
المهم انا ركبته النهاردة ولقيت العملية مش محتاجة سروجى ولا حاجة
هو يدوب جمع المسامير فى الثلاث قطع وراح منزله فى المكان المخصص ليه امام حامل الاكواب وفرامل اليد(حشر او كبس يعنى)
وخد فى الليلة دى10ج
انا افتكرت هيثبته بمساممير وشغلانة بس طلعت العملية اسهل مما اتخيل
وبسم الله ما شاء الله خلي العربية ليها شكل تانى
وريح ايدى اليمين اللى كنت باسند بيها علي الكرسي اللى جانبى
يلا اللى ماعندوش يروح يركبة بجد جميل

[hhhmmmzzzz]

عايز تبيع المسند

انا على استعداد دفع مبلغ 500ج فية:s_thum1[1]:

ليه 500 ياميدو هدهولك ب200فقط هههه
هو ما بيكلفش 50ج علي بعض

[madoo]

استاذ هانى ممكن بعد اذنك صور ليه
طيب هو مخصوص علشان السيريون ولا انت جبته كده اى واحد المهم على المقاس
وهل ده ينفع يركب عندى ...اسف لو هتعبك

[bmya]

ميدو راس في راس مع الحنط ال 14 بتاعك ايه رأيك ؟
هاني باشا هو فعلا بدي منظر جامد للعربيه وبيريح الايد اليمين خصوصا ان انا اشول ههههههه وبسوق بايدي الشمال بس
بس اللي نازل فيها تقريبا كانوا بيجيبوا اوردر مخصوص للسيريون لانه متصمم انه بيركب مكان حامل الاكواب الخلفي يعني رجله علي مقاسها بالظبط وهو جلد شكله نضيف اوي نحس انه نازل مع العربيه اصلا ومبروك عليك المسند

[GMakram]

فى انتظار الصور المتيييييييينه

[medo_sirion]

ميدو راس في راس مع الحنط ال 14 بتاعك ايه رأيك ؟
هاني باشا هو فعلا بدي منظر جامد للعربيه وبيريح الايد اليمين خصوصا ان انا اشول ههههههه وبسوق بايدي الشمال بس
بس اللي نازل فيها تقريبا كانوا بيجيبوا اوردر مخصوص للسيريون لانه متصمم انه بيركب مكان حامل الاكواب الخلفي يعني رجله علي مقاسها بالظبط وهو جلد شكله نضيف اوي نحس انه نازل مع العربيه اصلا ومبروك عليك المسند

وانا موافق مقابل فرق 300ج
اية رايك
شوف وقولى

[bmya]

بس بتكلم علي اي جنط فيهم

[aliabutaleb]

فى انتظار الصور المتيييييييينه

انا كمان مستني الصور يابو هاني :)
متخلينيش أضرب مشوار لغاية عندك عشان أتفرج
داحنا بيننا ييجي 5 كيلو

[hhhmmmzzzz]

استاذ هانى ممكن بعد اذنك صور ليه
طيب هو مخصوص علشان السيريون ولا انت جبته كده اى واحد المهم على المقاس
وهل ده ينفع يركب عندى ...اسف لو هتعبك
__________________

بس كدة عيونى الاثنين....غالى والطلب رخيص....هصوره بكرة الصبح وانزله علي طول
بص يا بشمهندس/محمد هو يناسب اى عربية مش مخصوص ولا حاجة كله نازل استاندر
والراجل مسالنيش علي نوع العربية.......وافتكر لو هو لعربية معينة كدة الناس مش هتبيع وتستنى
لما يجيلها نوع العربية
لان فكرته بسيطة هو مثبت علي قاعدة نازل منها صاجتين يتم فتحهما حسب العرض اللي عندك خلف فرامل اليد والضغط عليها حتى يتم تثبيتها.......والصور فى الطريق ان شاء الله

انا كمان مستني الصور يابو هاني :)
متخلينيش أضرب مشوار لغاية عندك عشان أتفرج
داحنا بيننا ييجي 5 كيلو

حبيب قلبي
انا اجيلك بيها لحد عندك ولو عجبتك ليك عندى واحدة هدية

فى انتظار الصور المتيييييييينه

بكرة ان شاء الله بس كدة انت تامر ياغالى

[معاذ الشرباصى]

هانى باشاالغريب ان انت معاك ال glx

و شاريها من فترة كان المسند بيبقى متوفر مع العربية؟!

[medo_sirion]

هانى باشاالغريب ان انت معاك ال glx

و شاريها من فترة كان المسند بيبقى متوفر مع العربية؟!

لحد علمى ان المفروض توكيل العبور يسلمهولك لان العربيات بتنزل من غيرة وهما بيركبوة ودة مع العربية يعنى مش هتدفع الفلوس