ساتفسار عن engine & fuel cleaner

[bmya]

السلام عليكم ورحمه الله وبركاته
انا عربيتي ماشيه دلقوتي 16200 الحمد لله
بس عايز اعرف حد جرب يحوط منظف رشاشات وتانك البنزين قبل كده لان البنزين بتاعنا جميل اوي
ياريت لو حد عنده علم عن منظف التنك او الرشاشات او اي منظف يعرفني بيه ويقولي نوعه وسعره وطريقه استخدامه وكل فتره قد ايه وكده يعنيي:b4_388:

[Samir_Adel]

نصيحتي ليك ابعد عن الحاجات دي, انا معاك ان البنزين مش كويس, بس أنا بحط 92 و ولا بسمع صوت تسقيف ولا حاجة و صدقني متقلقشي علي الرشاشات خالص! بجد مفيش أي حاجة هتحصل, الخوف لو انت حطيت بنزين 90 مثلا, و لو انت ناويها بقي حط بنزين 95 بس بجد ملهاش لازمة و وفر فلوسك, الحاجات دي غير مضمونة بالمرة! التوكيل مش بينصح بالحاجات دي.. وممكن يكون ليها تأثير سلبي كمان! الحل اللي انت يكون ليك كام بنزينة بس انت واثق فيهم عشان في بنزيمات كتيييرة بتغش و بيكون في البنزين مياة! و دي فعلا بيكون فيها تأثير سلبي علي الرشاشات.

[medo_sirion]

نصيحتي ليك ابعد عن الحاجات دي, انا معاك ان البنزين مش كويس, بس أنا بحط 92 و ولا بسمع صوت تسقيف ولا حاجة و صدقني متقلقشي علي الرشاشات خالص! بجد مفيش أي حاجة هتحصل, الخوف لو انت حطيت بنزين 90 مثلا, و لو انت ناويها بقي حط بنزين 95 بس بجد ملهاش لازمة و وفر فلوسك, الحاجات دي غير مضمونة بالمرة! التوكيل مش بينصح بالحاجات دي.. وممكن يكون ليها تأثير سلبي كمان! الحل اللي انت يكون ليك كام بنزينة بس انت واثق فيهم عشان في بنزيمات كتيييرة بتغش و بيكون في البنزين مياة! و دي فعلا بيكون فيها تأثير سلبي علي الرشاشات.

كلام سليم

[bmya]

يعني ايه يا جماعه مهو لازم الرشاشات برده تتنضف كل فتررره لان كده كده البنزي فيه رواسب واكيد بتترسب في الرشاشات والتنك
انا بحوط 92 علي طول من يوم ما جبتها عمري ماحطيت 90 والحمد لله هي تمام وبتجري بس ده اجراء وقائي
مفيش حد جربه او عنده اي كلام تاني

[M.almaghraby]

في واحد اسمه cyclo دا بيتباع في محطات موبيل و لونه ابيض اعتقد و سعره مش اكتر من 20 جنيه دا fuel ingector cleaner

بس متكرتش منها اوي يعني كل 5000 كيلو مثلا ولا حاجة حلو اوي....

[bmya]

ده انت مجربه ياباشا وياتري بتحط مع بنزين قد ايه يعني نص التانك ولا افول واحوطه ولا ايه

[Moe86]

متابع

على فكرة انا كنت فى بنزينة موبيل قريب و شوفت نوعين, واحد موبيل و التانى abrd
واحد فيهم كان ب 20 و التانى أرخص أو أغلى مش فاكر ب 2 جنية

[aliabutaleb]

حطيت بوزيتيف باور من بنزينة موبيل للرشاشات بناء على نصيحة خبير الدايو محمد ممدوح.
اما حطيته مرتين، مرة وانا عامل 7000 كم ومرة وانا عامل 30000 كم تقريباً.
في المرة الأولى محسيتش فرق يذكر خالص
بس في المرة التانية لقيت تحسن ملحوظة في استهلاك البنزين
مع ملاحظة إنك بتحط العبوة وانت بتملا التانك بنزين في نص الملء ويفضل إنك تكون واخد طريق طوالي زي طريق سفر مثلاً لمسافة كبيرة بعدها.

[madoo]

متابع باهتمام

[bmya]

معلش بس ابو حمزه ممكن توضح شويه الجزء ده
(مع ملاحظة إنك بتحط العبوة وانت بتملا التانك بنزين في نص الملء)
يعني افول وحوطه ولا ايه

[aliabutaleb]

معلش بس ابو حمزه ممكن توضح شويه الجزء ده
(مع ملاحظة إنك بتحط العبوة وانت بتملا التانك بنزين في نص الملء)
يعني افول وحوطه ولا ايه

هي الفكرة بس إنك مش بتحط العبوة والتانك فاضي أو قريب من الانتهاء
فالمطلوب إنك تخللي عامل البنزينة يحط مثلاً لنص التانك بالتقريب وبعدين توقفه تطلب منه يحط لك العبوة كلها وبعدين تخليه يكمل ملأ التانك

[MoToRiZeR]

انا اما حطيته يا علي فاكر إن كان مكتوب عالعلبة تحطه و بعد كدة تزود بنزين .. يعني تقف في البنزينة قدام الطرمبة و تحطه و بعد كدة تزود بنزين لحد أخر التانك (يعني متمشيش بيه غير لما يكون عليه تانك كامل) و كان مكتوب إن ده عشان يختلط بالبنزين .

الكلام ده كان علي عبوة cyclo أو STP
و التانية كان مكتوب عليها بس حطه مع تانك بنزين كامل بدون ذكر الطريقة !
مش فاكر أنهي واحدة كانت مع أنهي كلام .. بس أحسن حاجة تعمل زي ما مكتوب عالعلبة و خلاص سواء مكتوب زود لنص التانك و حطه أو حطه في الأول أو خدلك بق قبل ما تحطه .. هما أدري بمنتجاتهم طبعاَ .

بالنسبة لي محستش بفرق بصراحة بس في صيانة اللي فيها تغيير زيت و بوجيهات و كدة هبقي أحطه تاني .. انا جربته حوالي 3 مرات .
و فعلاَ ده إجراء وقائي زي غسيل السنان كدة .. مش لازم تبقي مسوسة عشان تغسلها ده عشان ميحصلش فيها خالص مش أكتر .. و لو حد دور عالنت هيلاقي برضه الناس مختلفة عليه في كل حتة في العالم بين ناس بتقول ملوش فايدة و ناس بتقول لأ له فايدة .

[bmya]

طيب يا جماعه ده بتحط كل كام كيلو مثلا

[M.almaghraby]

5000 كيلو حلو اوي علي كدا

[bmya]

تمام يعني دلوقتي فيه كذا نوع ومفيش فرق تقريبا
يعني الخلاصه هجيب اي نوع نضيف من اي بنزيه وامشي حسب مهو مكتوب عليه
يعني الطريقه اللي مكتوبه عليه اعمل زيها وخلاص كده تمام هجرب ونشوف
بس انا مش حاسس بحاجه الحمد لله السحب ماشاء الله جميل ولسه معلم علي كورولا 2008 في الطلعه بس جابني ومطلعش مني عشان علي ماجابني كان مطب فهدينا وبقه مستغرب مووووووت
بس انا قلت برده الاحتياط واجد واحوط المنظف ده عشان لو فيه رواسب تتشال