التوكيل بيقول الظواهر ديه عادية في أي عربية .. بس أنا مش مصدق

[أبو عبدالله]

مين قال ان التيريوس الجديده ثباتها وحش ؟؟؟
اعذروني ده لواحد بيفتي او مش عارف هو بيقول ايه

العربيه ثباتها يعتبر جيد ولا ننسى انها عربيه مرتفعه عن الأرض مش زي السيدان
وده له تأثير على ثبات اي عربيه في العالم

[hhhmmmzzzz]

اول احب اوضح لحضرتك ان علبة الدركسيون مشكلتها مشكلة صوت
والموضوع ده بعد محادثة متخصصين في السيارات
تاكدت انه مشكلة عامه في كل العربيات ذات الباور الكهربائي ...... هتقول اشمعنى
هقولك لحضرتك علشان الباور الهيدروليكي كان بيبقى في ضغظ بزيت كمان داخل علبة الدركسيون مما يجعل صدور اي صوت او تخبط ضعيف جدا
وده حال اي علبة دركسيون ان دراعات الوصلات للدركسيون مع اخذ مطبات على سرعه بتخبط في الجلب اللي في نهاية طرف العلبة لكل دراع
وده موجود في اي علبة ولكن الصوت واضح في الباور الكهربائي لأن مفيش اي حاجه تعزل هذا الصوت
وكانت المشكلة في الاول ان الجلب دي مكنتش بتستحمل التخبيط ده وكانت بتوسع كل شويه مما يجعل الصوت يعلى اكتر
ولكن ده تم حله من قبل دايهاتسو والأن كل العربيات معدله كلها ولكن الصوت موجود ولكن اقل من الأول ومبيزدشي

تحليل منطقى وجميل اول مرة اسمعه بس احساسى بيقولى هو ده الاصوب
شكرا لك يا ابو عبدالله وعود حميد

[khaledmaher]

شكرا اخى خالد على اهتمامك معلش تاعبك معايا=========بس فيه استفسار صغير هل كلامك ده ينطبق الجراند تيريوس ايضا ام لا =انت معاك 5راكب لكن الجراند 7 ولا الاثنين مميزاتهم وعيوبهم واحدة معلش انا لسه مبتدء مع تحياتى

ولا يهمك تعبك راحة ....انا برضة على قدى شوف تعالى نحسبها بالمنطق اكييييييييد الجراند تيريوس ال7 راكب اكبر من اختها الصغيرة يبقى برضة اكيد اتقل على الارض يعنى ثبتها احسن شوية من العادية او الصغيرة ودة برضة الثبات اللى من وجهة نظر اللى شايفينة انة وحش لكن هوة فعلا الثبات كويس جدا ... والعكس صحيح بالنسبة لموضوع السحب برضة,,, من وجهة نظر اللى شايفين ان السحب وحش احنا هنقول ان سحبها ممكن يكون اقل شوية من الصغيرة لان الموتور بتاع الجراند 1500cc وخاصة لو اتوماتيك ...واللة اعلم ,,,مع تحياتى وارجو ان اكون وضحتلك الصورة

[khaledmaher]

ايوه كل الدايهاتسو باور كهرباء

تعقيب بسيط .... مع احترامى الشديد والعميق للسيد الفاضل ابو عبد اللة
انا بس بعقب لتصحيح المعلومة لان احنا كلنا فى هذا المنتدى الرائع بنساعد بعض للوصول للمعلومة الدقيقة و الصحيحة وليس الاعتماد فقط على اراء او محادثات من بعض الاخوة قد تكون صحيحة او لا ,,,,,,
انا اتصلت ب16168 الصيانة وتحدثت مع احد المندوبين لسؤالة عما اذا كان باور التيريوس زيت وللا كهرباء ؟؟؟ اخد رقم موبايلى وكان فى منتهى الذوق وقاللى دقائق وهرد على حضرتك وفعلا كلمنى وقاللى ان السيريون فقط هية اللى الباور كهرباء اما التيريوس زيت ...للتصحيح فقط وشكرا

[osama75]

ولا يهمك تعبك راحة ....انا برضة على قدى شوف تعالى نحسبها بالمنطق اكييييييييد الجراند تيريوس ال7 راكب اكبر من اختها الصغيرة يبقى برضة اكيد اتقل على الارض يعنى ثبتها احسن شوية من العادية او الصغيرة ودة برضة الثبات اللى من وجهة نظر اللى شايفينة انة وحش لكن هوة فعلا الثبات كويس جدا ... والعكس صحيح بالنسبة لموضوع السحب برضة,,, من وجهة نظر اللى شايفين ان السحب وحش احنا هنقول ان سحبها ممكن يكون اقل شوية من الصغيرة لان الموتور بتاع الجراند 1500cc وخاصة لو اتوماتيك ...واللة اعلم ,,,مع تحياتى وارجو ان اكون وضحتلك الصورة

يا باشا افضالك كتير عليه ربنا يكرمك

[khaledmaher]

يا باشا افضالك كتير عليه ربنا يكرمك

اللة يخليك شكرا .. اتمنى انى اكون وفقت فى توضيح الصورة

[osama75]

اللة يخليك شكرا .. اتمنى انى اكون وفقت فى توضيح الصورة

فى انتظار تقاريرك عن استعمالك للسيارة ربنا يبارك لك فيها و يعطيك خيرها ويبعد عنك شرها

[أبو عبدالله]

تعقيب بسيط .... مع احترامى الشديد والعميق للسيد الفاضل ابو عبد اللة
انا بس بعقب لتصحيح المعلومة لان احنا كلنا فى هذا المنتدى الرائع بنساعد بعض للوصول للمعلومة الدقيقة و الصحيحة وليس الاعتماد فقط على اراء او محادثات من بعض الاخوة قد تكون صحيحة او لا ,,,,,,
انا اتصلت ب16168 الصيانة وتحدثت مع احد المندوبين لسؤالة عما اذا كان باور التيريوس زيت وللا كهرباء ؟؟؟ اخد رقم موبايلى وكان فى منتهى الذوق وقاللى دقائق وهرد على حضرتك وفعلا كلمنى وقاللى ان السيريون فقط هية اللى الباور كهرباء اما التيريوس زيت ...للتصحيح فقط وشكرا

شكرا على المعلومة
بس انا فعلا اول مره اعرف أن التيريوس لوحدها زيت
لأن الماتيريا والسيريون والشاريد كهرباء
اما التيريوس دي فغريبة لأن كل الجديد اساسا كهرباء
عالعموم انا هتأكد برضه من المعلومة دي ان شاء الله

[Maged.Sarwat]

أكتر واحد قال كلام منطقي 100% الأستاذ ماجد هو ده الكلام المضبوط
لك إحترامي

أشكرك

[shaltot]

أشكرك

ياباشا لاشكر على واجب

[romeo_6887]

بصوا يا شباب عندي كام حاجة غريبة في العربية تيريوس 4x2 2009 وكل لما أسأل التوكيل يقولوا ده طبيعي

1- في الطرق عير الممهدة الدريكسيون بيتهز ويترج وبحس بكل طوبة فيه وحتى و أنا ماشي براحة جداً, هما بيقولوا عادي و أنا شاكك في علبة الدريكسيون
الاهتزازت بتبقي خفيفه في الحالات الطبيعيه لاي عربيه علي الطرق غير الممهده غير كده يبقي في مشكله عندك في الاسكاترا
2- صوت مش عارف أوسفوا ازاي بعد ما بطل العربية أسمع كأن حاجة بتنقط جواها زي ما يكون زيت بينقط أو حاجة بتطقطق عالنار , لما سمعوه قالوا عادي برضوه ده الشكمان مش عارف بيعمل أيه
بتسمع الصوت ده من انهي حته في العربيه ؟
3- الفرامل لما بضغط عليها و أنا واقف في اشارة مثلاً باضغط و أرفع رجلي براحة بأحس بحكة و تخبيط خفيف و بسمعه , قالوا عادي برضة
يمكن ال abs يكون بيشتغل ساعتها
4- حالياً لما بالف في ملف حتى لو على بطئ باسمع العجل بيعمل صوت أمريكاني جميل جداً!!!
يبقي الكاوتش اتاكل و المفترض تغيره
الأول قالوا زوايا ولما لقوا الزوايا مظبوطة قالوا بص ... يبقى عادي ممكن تكون نقشة العجل ......فكرت أقولهم عايز نقشة كاروهات بس قلت أكيد هما أدرى.

المهم هل حد واجه المشاكل العادي ديه في عربيته و هل لقى ليها تفسير ولا برضوا قالولوا عادي


و شكراً ليكم و لوقتكم.

الردود في الاقتباس