استفسار عن مخرج ال aux الموجود في الكاسيت

[akarem]

السلام عليكم ازيكم يا احبابى يا رب تكونوا بخير
عاملين ايه مع الدراسة والطريق والصحيان بدرى زيادة عن اللزوم
يارب يحفظنا ويحفظ اولادنا من كل سوء وشر ويكفينا ويكفيهم مرض انفلونزا الخنايز
عندى استفسار بخصوص مخرج ال aux الموجود في الكاسيت بتاع السيريون
انا عايز اعرف بيتركب فيه انهى اجهزة ونوعها ايه وموديلها
لانى مش عارف غالبا عندى مشكلة في مشغل ال CD بحس انه بيجرح الاسطوانة وبالتالى الصوت يفضل يقطع ولو حد عنده حل للمشكلة ياريت يقولى برضه
وجزاكم الله خيرا

[amrosh]

و عليكم السلام و رحمة الله و بركاته
انا عند نفس المشكله اللى عند حضرتك و هى ان ال cd player ساعات بيقطع الصوت فعلا و انا كنت فاكر ان المشكله من ال cd نفسه
فى الحقيقه انا ما اعرفش مخرج ال aux بيتوصل بأيه
لو حد عارف يا ريت يقول لنا

[medo_sirion]

اولا الكاست اللى نازل عندكوا فى العربية نوعة سونى صح
دة بيحتاج اسطوانات اصلية او ماركة نظيفة اوى علشان كدة بتحصل معاكوا موضوع التقطيع فى الصوت

ثانيا مخرج aux بتشتريلو من عند اى كهربائى او اكسوارات سيارات كابل aux ودة بيتحط فى الكاست وبيطلع من الناحية التانية جاك بيتوصل بالتلفون بس على حسب تلفونك فى تلفونات حديثة بيتوصل بيها على طول من غير مايحتاج فيشة

[amrosh]

اولا الكاست اللى نازل عندكوا فى العربية نوعة سونى صح
دة بيحتاج اسطوانات اصلية او ماركة نظيفة اوى علشان كدة بتحصل معاكوا موضوع التقطيع فى الصوت

ثانيا مخرج aux بتشتريلو من عند اى كهربائى او اكسوارات سيارات كابل aux ودة بيتحط فى الكاست وبيطلع من الناحية التانية جاك بيتوصل بالتلفون بس على حسب تلفونك فى تلفونات حديثة بيتوصل بيها على طول من غير مايحتاج فيشة

فعلا يا باشا ال الكاسيت نوعه سونى
و العيب كده من الاسطوانات زى ما انا قلت صح
طب اجيب اسطوانات نظيفه زى ماركه ايه " انا باستخدم pinq استخدم نوع تانى ايه "
و شكرا

[hhhmmmzzzz]

وانا كمان بتحصل معايا نفس المشكلة
الاسطوانة بعد فترة شكلها بيبقى متجرح وبتقطع وانا سي دى سونى
بس اعرف منين انه سونى(مش مكتوب عليه)
وكمان ان كان معايا البيرشور بتاع العربية مكتوب فيه ومرسوم فيه مخرج وصلةaux وانه متوافر فى السيارات الglxفقط
ومع انى عربيتىglxبس مش متوافر معاه الaux حد عنده تفسير؟؟
وكمان انا معايا سي دى اصلى(لوائل جسار)فيه نفس المشكلة
السي دى مخربش وبيقطع؟ فافتكر والله اعلم ان ده بيحصل مع اى سي دى بعد فترة من الاستعمال مش فارقة اصلى ولا تقليد.

[akarem]

يعنى ايه يا استاذ ميدو ممكن توضح اكتر يعنى بعمل ايه بيه لما يتوصل بالموبايل

[medo_sirion]

بس حضرتك ممكن تنزل اى كارفور وهتلاقى هناك انواع كتير محترمة اوى منها فيلبس وانا بستخدمها دايما

ثانيا انت لما تجيب الفيشة aux هتشوف موبيل مخرج السماعات بتاعة على قد الجاك اللى طاله من الوصلة ولا لا
لو لا يبقى هتروح محل موبيلات وتقولة عايز وصلة او فيشة اللى بتركب فى موبيلى علشان ادخل فيها جاك aux

[aliabutaleb]

انا معلوماتي إن مخرج الـ aux متوافر في الـ glx 1500 سي سي فقط.

[akarem]

شكرا على ردك يا استاذ ميدو
اعتبر انى وصلته بالموبايل ايه بقى وجهة الاستفادة من كده
انى اسمع اللى على الموبايل من خلال الكاسيت يعنى والا ايه؟

استاذ ابو حمزة الكاسيت بتاع السيريون اللى هوا متركب بدل الاصلى نوعه سونى وفيه مخرج ال aux

[A.Saad]

انا عندى جهاز بايونير
ممكن اسمع الاغانى من الموبايل
وممكن اكلم من الموبايل مكالمة عادية على سماعة العربية

الكابل خدته من محل بيع كاسيت فى التوفيقة هدية كان مع جهاز FM modulator

السى دى
السونى والسامسونج مش اد كدة
انا بجيب LG

[A.Saad]

انا عندى جهاز بايونير
ممكن اسمع الاغانى من الموبايل
وممكن اكلم من الموبايل مكالمة عادية على سماعة العربية

الكابل خدته من محل بيع كاسيت فى التوفيقة هدية كان مع جهاز FM modulator

السى دى
السونى والسامسونج مش اد كدة
انا بجيب LG

[bmya]

اولا الكاسيت السوني اللي نازل في الXL GL مع ان امكانياته ضعيفه بس صوته نقي والعدسه بتاعت سريعه جدا علي فكره
انا بستخدم اسطوانات princo وهي علي فكره انضف من سوني وبينك اللي انا جربتهم والاسطوانه بتبقي متجرحه جداا ومع ذلك بتشتغل كويس جربوا النوع ده كده
بالنسبه للAUX فهو ممكن توصل بيه الموبيل او MP3 player
عشان تشغل الاغاني منه بس طبعا الصوت مش بيكون نفس جوده اسي دي يعني لو بتشغل سي دي علي 10 مثلا الAUx لازت تعلي الصوت ل 17 او 15 علي الاقل
فيه حاجه انا عندي كاسيت بيونير كمان سي دي هو خرج الصوت بتاعه والاوبشن اللي فيه اعلي بكتيييييييير من السوني لكن والله السوني ااسرع في قراءه السي دي وكمان صوته انقي
كام ممكن توصل لاموبيل علي الكاسيت وتتكلم وتسمع الصوت من السماعات وده عن طريق القطعه التانيه اللي بتيجي مع الهاند فري بتاعت الموبيل اللي هي بتكون فيها زراير للتحكم في الصوت والاغاني

[aliabutaleb]

استاذ ابو حمزة الكاسيت بتاع السيريون اللى هوا متركب بدل الاصلى نوعه سونى وفيه مخرج ال aux

شكراً لحضرتك على التوضيح

[madoo_600]

كام ممكن توصل لاموبيل علي الكاسيت وتتكلم وتسمع الصوت من السماعات وده عن طريق القطعه التانيه اللي بتيجي مع الهاند فري بتاعت الموبيل اللي هي بتكون فيها زراير للتحكم في الصوت والاغاني

لا ممكن تفهمني الحته دي براحه عشان انا استيعابي بطيء شويه ينفع اشغل الموبيل واتكلم واستقبل على سمعات العربيه من خلال aux

[bmya]

ايوه ياباشا عادي
انا معايا 5800 هو بيجي معه الهاند ري عباره عن قطعتين قطعه مربعه في زراير للتحكم في الصوت والاغاني والرد علي المكالمات
و بيكون فيها خورم من فوق عشان توصل به القطعه التانيه وعلي فكره بيكون فيها المايك بتاع الكلام بتاع الهاند فري والقطعه التانيه اللي هي السماعات نفسها اللي بتتحط في الاذن
حضرتك بقه بتشتري كابل audio بس يكون نوع نضيف انا شاريه من راديو شاك ب 25 جنيه وهو بيتباع ب 3 جنيه بره بس انا مجرب الاتنين بتاع راديو شاك حلااااااااال فيه الفلوس
المهم تجيب الكابل ده وتوصل طرف منه في مخرج الaux في الكاسيت والطرف التاني في الفتحه اللي في القطعه المربعه(اللي بتتحكم في الغاني منها) وبعدين توصل القطعه المربعه دي بالموبايل نفسه تمام كده
دلوقتي اي صووووووت هيطلع من السماعات بتاعت العربيه(طبعا بتكون مختار aux من الكاسيت)
يعني تقدر تشغل الغاني وتسمعها من خلال السماعات بتاعت العربيه ولو حد رن عليك هتلاقي صوت الرنه طالعمن السماعات بتاعت العربيه ولو فتحت علي اللي بيرن عليييك(عشان تجرب فيه هههههههه) هتلاقي ان صوته(وهو بيقولك فتحت عليه لييييييييه دي اخر دقيقه انا كنت برن بس) طالع من السماعات بتاعت العربيه ودلوقتي ممكن انت ترود عليه عادي خالص(وتقوله معلش كنت بجرب حاجه هههههههه) عن طريق القطعه المربعه بتاعت التحكم في الصوت لان المايك بتاع الهاند فري موجود فيها
وطبعا انت بتتحكم في كل حاجه عن طريق القطعه دي يعني ما عليك غير اك تعمل كوكتيل محترم وتسيب الموبايل في جمب وتتحكم فيها توطي تعلي تسرعه تبطئ اي حاجه
بس خود بالك خرج الصوت بيكون اوطي من الكاسيت نفسه ولذلك هعلي الصوت زياده عن ما انت متعود في السي دي العادي
وعلي فك الحكايه دي انا بعملها من ايام ال نوكيا6630 وعلي الكاسيت الشرايط كمان
اي استفسار موجود ان شاء الله