تجربتي فى قيادة جراند تيريوس

[د.محمود صلاح]

قمت بتجربة قيادة جراند تيريوس دفع رباعى مانيوال وهذه هى ملاحظاتى

: - الأيجابية

-العربية عالية عن المطبات
- تتسع ل 7 ركاب وهذا عملى للعائلات
- تكييف رائع وبارد فى عز الظهر

- السلبية

-التابلوه غير مبطن بالإسفنج مثل الكرولا مما يؤدى لسوء حالة العزل الصوتى
-ا صوت الموتور مسموع وعالى مع ال rpm العالى , ولكن ليس مزعج
- السيارة تميل مع الملفات بالسرعة العالية فوق ال 80 بطريقة ملحوظة
- سحب السيارة ضعيف على ال RPM الواطى ولازم أشبع الغيار لحد 4000 عشان تسحب
- جمركها غالى لأنها 7 راكب فى حدود 78 الف جنيه أول سنة


هذه ملاحظاتى وبناء على وجهة نظرى وهى غير ملزمة للغير

وشكرا

[د.محمود صلاح]

--------------

أيضا لاحظت ان علبة الدركسيون لا تدبدب مع المطبات وده شئ جميل جدا

[madoo]

تقييم بسيط ومفيد

شكرا لمجهودك

[د.محمود صلاح]

شكرا للرد والمرور الكريم

[hemahom]

معلومات مفيده جزاك الله خير

[hhhmmmzzzz]

د/محمود
جزاك الله خيرا واحنا سعداء بيك معنا فى دايهاتسو مع انى ملاحظ انك لا تمتلك هذه العربية فلذلك نحن سعداء بجد بمعرفتك ومداخلاتك

[د.محمود صلاح]

اشتريتها لمدة 10 أيام فقط , موديل 2003 الشكل القديم , وبعتها لما كان التوكيل القديم بيشطب وكان لا يوجد لها قطع غيار نهائى فى أى مكان , لدرجة انى لفيت المروسة حتة حتة على سير الإدارة اللى انقطع وبالعافية لقينا واحد فى التوفيقية ,

وكانت بلاعة بنزين بجد وحدود سرعتها 120 كيلو فقط , وضيقة حجا حيث ان كتفك يلصق فى كتف اللى جنبك , ده غير عيب الميل مع الملفات ,

[hhhmmmzzzz]

اشتريتها لمدة 10 أيام فقط , موديل 2003 الشكل القديم , وبعتها لما كان التوكيل القديم بيشطب وكان لا يوجد لها قطع غيار نهائى فى أى مكان , لدرجة انى لفيت المروسة حتة حتة على سير الإدارة اللى انقطع وبالعافية لقينا واحد فى التوفيقية ,

وكانت بلاعة بنزين بجد وحدود سرعتها 120 كيلو فقط , وضيقة حجا حيث ان كتفك يلصق فى كتف اللى جنبك , ده غير عيب الميل مع الملفات ,

10ايام بس ايه السرعة دى ده الواحد بياخد قرار الشراء مش بسهولة فما بالك البيع
وعلي العموم افتكر الجديد بقى احسن والتوكيل عمال يفتح فى مراكز جديدة وشكلك ناوى ترجعلها
علي فكرة انا ملاحظ معاك عربية فليشيا دى عربية محترمة قوى وكانت معايا ليها معزة خاصة فى قلبى.......ربنا يباركلك ان شاء الله

[م.محمد شافعي]

شكرا علي الموضوع يا دكتور بس ليا ملاحظه بسيطه جدا علي كلامك و هيا ان الجراند تيريوس مفيش فيها دفع رباعي سواء المانيوال او الاوتو ماتيك و حضرتك ممكن تتأكد من الكلام من مركز الخدمه علي 16168 قسم المبيعات و علي فكره وجود الدفع الرباعي وقصر طول التيريوس 5 راكب بيفرق في الاتزان في الملفات بس طبعا عمرها ما هتكون زي السيارات الملاكي العاديه او السيدان يعني عشان ارتفاعها عن الارض.
وكمان موضوع العزل موجود في تيريوس 5 راكن دفع رباعي اعلي فئه اللي بتتباع دلوقتي في حدود 148 الف جنيه.
وطبعا مش معني كلامي ان تيريوس 5 راكب احسن من تيريوس 7 راكب و لكن كل شئ له ميزه و له عيب كما تفضلت سابقا.

[د.محمود صلاح]

أنا عندى هنا فى عمان يوجد دفع رباعى جراند تيريوس مانيول وهى التى قمت بقيادتها , وهى بها فرامل مانعة للانغلاق و2 ايرباج وكاسيت سى دى اصلى وزجاج كهربائى وليس فيها مرايات كهرباء ولا ذراع يدوى لتعديل المرايات وليس فيها تعديل مراية الصالون لحجب الاضاءة المبهرة والجنوط عادية بيضاء بدون غطاء وبها مفتاح بالريموت وانذار

أكيد سوف أذهب للتوكيل هنا فى عمان لمقارنة التيريوس العاديو بالجراند من حيث الخامات والكماليات وووو الخ