مساعده من عشاق سوبارو

[us_body]

انا اشتريت امبريزا اوتو 2004 من شهرين
و سالت في التوكيل عن تغيير الزيوت لقيتها ب 380 جنيه
فرحت بنزينه شل اللي في شارع دمشق وغيرت زيت كرونا خلفي 90
و كمان زيت فتيس اوتو
بس المشكله هي انهم معرفوش في اي بنزينه يغيرولي زيت الكرونا الاماميه
قالولي ان الالانكيه بتاعها مش عندهم
سؤالي هو:
فيه اي مشكله اني امشي و انا مغير زيت كرونا خلفي جديد والكرونا الاماميه زيتها قديم ؟؟؟؟
ولو فيه مشاكل ايه هيه؟
افيدونا افادكم الله
وشكرا لمنتدى سوبارو حبيبتي

[amrelsaqqa]

تغيير زيت 400 جنيه
حرام بجد
ده عيبها الوحيد

[us_body]

اسف يا جماعه
حصل خطا غير مقصود
لما سالت عن تغيير الزيوت في التوكيل و الفلاتر لقيته عامل 680 مش 380
نفس السؤال:
فيه اي مشاكل لو مشيت بزيت كرونا خلفي جديد و زيت كروتا امامي قديم خصوصا ان العربيه زي منتو عارفبن دفع رباعي؟؟؟؟؟
ولو فيه مشاكلززز ايه هيه؟؟؟

بردو افيدونا افادكم الله
و جزاكم الله خيرا

[Mosso]

مفيش كورونا اماميه في السوبارو,
اكيد قصدك زيت الفتيس,
العربيه فيها زيت موتور , زيت فتيس , زيت كورونا خلفيه , زيت باور , زيت فرامل , مياه رادياتير
افضل ليك انك تعملهم في التوكيل اول مره على الاقل مادام انت لسه شاري عشان تبقى مطمئن و في نفس الوقت عشان لو في اي حاجه تانيه هما يكتشفوها و يحلوها و معلش استحمل تكلفه شويه في الاول و بعد كده اعمل صيانتها بره بس كل فتره خلي رجلك مع التوكيل

[amrelsaqqa]

مفيش كرونة ادام
يعنى كبالن قدام ولا ايه النظام ؟

معلش معلوماتى على قدى
ياريت حد يفهمنا

[khalid_adel]

قدام كبالن عادي جدا
كان المفروض قبل ما تشتريها توديها التوكيل يكشفولك عليها كلها وهما فاهمين فيها كويس وعارفين اللي فيها بس ان شاء الله تبقى تمام ومفيش اي حاجه وحشه
الزيوت عادي انك تغيرها بره ( معرفش ايه اللي قالولك عليه في البنزينه ده ) بس لما تيجي لاي حاجه ميكانيكيه ( عفشه فتيس موتور بالذات صيانه الكاتينه ) دول متعملهش غير في التوكيل لو سمحت لان بجد حتفرق كتير وهما هيظبوطلك العربيه ومش من التوكيلات اللي بتحب تغير وتجرح وخلاص الحاجه سليمه او تمشي عادي