عندي مشكله

[us_body]

السلام عليكم
انا معايا امبريزا 2004 اوتو
اشتريتها مستعمله من رمضان اللي فات
و والله انا بحبها اوي
و بحب السوبارو عموما
مره كده كنت مسافر بيها و الطريق فاضي
فقلت لنفسي يا واد متدوس كده علاخر وتشوف اخرها كام دي000000
المفاجاه كانت ان عربيتي جابت 160 بالعافيه
مع اني سالت ناس معاها نفس الموديل و قالولي هنهم جابو بيها 200
انا حاسس ان في عندي مشكله
افيدوني افادكم الله
سلام

[nab!l]

اكيد فى مشكلة
نستنى اراء ملاكها
بس غالبا علبة بيئة او اسطوانة دبرياج
والله اعلم

[us_body]

مش ممكن تكون اسطوانه000000 العربيه اوتو
يبقى ممكن تكون المشكله ايه؟؟؟؟؟؟؟

[Mosso]

الجنوط الي انت مركبها 17
الهوا ممكن كان ضدك
الطريق ممكن كان مطلع
كل دول عمرهم ما يوصلوا العربيه لسرعتها القصوى,
متقلقش يعني مفيش مشكله ولا حاجه,
اهم حاجه بس اكشف على فلاتر الهوا و البنزين و البوجيهات لان الحاجات دي لما تقدم بتأثر بردو,
متقلقش يعني,
دانا 2007 و ساعات بجيب 160 بالعافيه لو الطريق الهوا فيه جامد و ضدي

[nab!l]

مش ممكن تكون اسطوانه000000 العربيه اوتو
يبقى ممكن تكون المشكله ايه؟؟؟؟؟؟؟

اسف ياباشا
بس انت مقلتش انها اوتو

[Ahmed Hassan]

آخر مره بصيت على البوجيهات امتى؟ خلي بالك العربيه المفروض يتحطلها بنزين ٩٥. لو حطيت ٩٢ و كان مش كويس البوجيهات بتبوظ و مع البوجيهات البايظه و البنزين ال ٩٢ اللي مش كويس لو ضغطت على الموتور جامد ممكن يحصل ما لا يحمد عقباه. بص على البوجيهات و اتاكد انها كويسه و شوف آخر مره غيرت فلتر بنزين و هواء امتى

[us_body]

ماشي الكلام
متشكر اوي يا رجاله و بارك الله فيكم

[khalid_adel]

وعامة لو عايز تجيب سرعه عاليه لازم تجيب اخر النقله من الاول
اه صحيح انت اوتو
طيب يبقى قضيها حرق ومتخليهاش تجيب رابع غير وانت جايب اخر التالت بكيك داون مثلا ولا باور

[Kazzaz]

استاذ خالد يعني ايه كيك داون ؟؟ و ان اعندي البور ده بس بحس مفيش فرق بينه و بين ال d العادي لما بجيب اخر الدواسه برده الاتنين بينقلوا عند ال 6

[khalid_adel]

كيك داون انك تبقى ماشي ار بي ام 2 مثلا وعلى التالت لما تضغط على البنزين مره واحده جامد تلاقي الار بي ام مثلا على ل 4 ونزلت نقله للتاني وبالتالي تجري وتسحب اكتر
وبالنسبه للباور انا الصراحه مجربتوش قبل كده
وياسيدي سيبك من استاذ دي احنا هنا اخوات مفيش بينا تكليف عرفنا بس على اسمك وعليك

[Ahmed Hassan]

زرار الباور بيخلي العربيه متنقلش من نقله للنقله اللي اعلى منها الا بما الار بي ام يوصل للمنطقه الحمرا... يعني من الاخر مش بيخلي العربيه تنقل غير لما تجيب آخر النقله و ده للحصول على اعلى قوه ممكنه و ده طبعا بيستهلك بنزين كتير لا دايما هتلاقي لفات الموتور عاليه

[Kazzaz]

مانا يا جماعه لو علي الd عادي برده لما بدوس و بحرق بيجيب لحد 6 يعني هي هي

[Ahmed Hassan]

مانا يا جماعه لو علي الd عادي برده لما بدوس و بحرق بيجيب لحد 6 يعني هي هي

على وضع الباور هتجيب ٦ على الاول... و مش هتنقل تاني ير لما تجيب ٦ على الاول و مش هتنقل تالت غير لما تجيب ٦ على التاني و كده

علشان تعمل كده من غير زرار الباور لازم تدوس الدواسه على الاخر

[khalid_adel]

بص لو انت على ال d وجيت تحرق حتحرق معاك عادي بس لو شيلت رجلك حتنقل على طول للنقله الاعلى
اما لو دايس power فالفتيس بيبرمج نفسه انه ماينقلش غير في الاخر عند الاحمر
بس ده الفرق تقريبا ( ده تجربتي من عربيات تانيه بس انا مجربتش سوبارو مانيوال )

[Kazzaz]

شكرا يا شباب .. انا كنت فاكر الباور ده حاجه بقي اي سحر يعني هههههه