ياريت حد يفيدنى بس (فاهم)

[aboumansour87]

اولا السلام عليكم
مش هاطول عليكم انا قررت انى اجيب امبريزا موديل 2007 انشاء الله بعد بحث طويل في كل العربيات بس عايز حد يفدنى في موضوع البنزين بتاعها هل لازم يكون 95 ولا ممكن 92 عادي علشان انا سفري كتير اوي دي حاجة, تانى حاجه انا كان معايا بى ام موديل 92 هي 316 وبصراحه كانت وهم في ثباتها الله يرحمها هل الامبريزا هتقل عنها ولا ايه خصوصا ان موضوع الثبات فارق معايا علشان السفروشكرا انا عارف انى طولت :d بس ياريت حد يفيدنى بس يكون فاهم وركب سوبارو

[Kazzaz]

بص هو ال 95 طبعا افضل بس انا معايا ال 2006 و بحط ال 92 معرفش بقي ده غلط ولا ايه بس العربيه كويسه معايا

الثبات انا مركبتش ال 92 الا من فتره كبيره فا مش فاكر بس اللي متاكد منه انك هتلاقي الامبريزا ثباتها عالي جدا جدا .. اولا مش عاليه علي الارض + انها awd + محرك بوكسر بيديها هو كمان ثبات .. ف متقلقش من حته الثبات دي خالص

[aboumansour87]

بص هو ال 95 طبعا افضل بس انا معايا ال 2006 و بحط ال 92 معرفش بقي ده غلط ولا ايه بس العربيه كويسه معايا

الثبات انا مركبتش ال 92 الا من فتره كبيره فا مش فاكر بس اللي متاكد منه انك هتلاقي الامبريزا ثباتها عالي جدا جدا .. اولا مش عاليه علي الارض + انها awd + محرك بوكسر بيديها هو كمان ثبات .. ف متقلقش من حته الثبات دي خالص

اولا 1000 شكر لاهتمام حضرتك
معلش هاتقل على حضرتك شويه بالنسبه لتقييمك للعربيه ككل وايه مميزتها وعيوبها وكمان استهلاك البنزين, وفي كمان حاجه انا سمعتها بخصوص البنزين ال 92 ان المفروض ال rbm ميعلاش عن 3 هل ده صح ولا غلط وشكرا لحضرتك

[Kazzaz]

بص انا جايبها مستعمل 110 الف تقريبا و دلوقتي 114 يعني بص الثبات 10/10 التسارع يعني مش زي ما كنت متوقع بس انا كنت عارف انها مش بتاعه جري اوي يعني .. انا لسه عايز اغير فلاتر و بوجيهات و اعتقد هاتفرق .. العربيه بصراحه الي الان لم اندم ولا 1% اني جبتها حتي و هي ماشيه 100 الف .. ده غير ان اعجابي زاد بيها ..
عيوبها ممكن الكنبه اللي ورا ضيقه الي حدا ما و مش اي حد بيفهم فيها و قطع غيارها بره التوكيل مش موجوده كثير زي باقي العربيات .. بس عادي الاسعار كويسه .. مممم مش عارف ايه تاني بصراحه .. بص انا عائلتي معاها جولف 2000 و جولف 1997 و عادي حاسس السوبارو افضل في سحب البنزين ... و معايا ايضا 125 فيات .. والله السوبارو مش بتسحب بنزين يعني عاديه جدا ..
بص انا اوتماتيك و لما بحرق بالكيك داون او بالاوفردريف .. بجيب الاربي ام بحد 6 و عادي مش بفكر يعني البنزين و الكلام ده ممكن يكون غلط .. بس مش عارف بقي .. هو الراجل الي قبلي كان بيحط 92 برده ..

[Ahmed Hassan]

اولا السلام عليكم
مش هاطول عليكم انا قررت انى اجيب امبريزا موديل 2007 انشاء الله بعد بحث طويل في كل العربيات بس عايز حد يفدنى في موضوع البنزين بتاعها هل لازم يكون 95 ولا ممكن 92 عادي علشان انا سفري كتير اوي دي حاجة, تانى حاجه انا كان معايا بى ام موديل 92 هي 316 وبصراحه كانت وهم في ثباتها الله يرحمها هل الامبريزا هتقل عنها ولا ايه خصوصا ان موضوع الثبات فارق معايا علشان السفروشكرا انا عارف انى طولت :d بس ياريت حد يفيدنى بس يكون فاهم وركب سوبارو

الثبات اعلى متخافش. البنزين انا مش بستعمل ٩٢ غير لو مفيش ٩٥... بس اللي اقدر اقولهولك ان ال ٩٢ لو نضيف مش هيحصل حاجه طالما انت في الاستخدام العادي (٤ ار بي ام). المشكله لو حطيت ٩٢ مش كويس و شديت جامد بالعربيه... التأثير مش هيكون فوري بس مع الوقت ممكن تضر الموتور (ممكن العربيه تجيب بستم).

[aboumansour87]

1000 شكر ليكو ياجماعه على المجهود والاهتمام ده فاضل بس حاجه اخيره عايز اعرفها 2006 ولا 2007 احسن وكمان انا شايف ان اسعار 2007 اغلى كتير مش عارف ليه. انا كان ادامي واحده 2007 من 5 شهور تقريبا كانت عامله 27000 كم وفيها جنوط 17 بس جامد الصراحه وكان مطلوب اول كلمه 95 الف هل ده العادي ولا ايه

[Kazzaz]

انا اللي لاحظته ان ال 2006 ارخص كثير مش عارف لييه ..

[Ahmed Hassan]

مفيش اي فرق جوهري بين ٢٠٠٦ و ٢٠٠٧.

الفانوس الخلفي كريستال في ال ٢٠٠٧ و السي دي موجود في ٢٠٠٧ بس

[Kazzaz]

الفانوس عندي في ال2006 كريستال علي فكره

[Ahmed Hassan]

الفانوس عندي في ال2006 كريستال علي فكره

قصدك شفاف. في ٢٠٠٧ شفاف و كريستال.

هما على فكره قريبين من بعض لازم تشوف عربيتين جنب بعض علشان تفهم قصدي

[Kazzaz]

اه انا بصراحه مش فاهم الفرق .. :$ صحيح يا احمد شوف كده الرسايل الخاصه بتاعتك

[Ahmed Hassan]

مجاليش حاجه

[mantoros]

السلام عليكم
شوف يا سيدي....انا ركبت السوبارو 2006 جديدة زيرو و فضلت معايا سنة و بعتها لظروف
و البي ام جبتها بعد السوبارو دبانة موديل 1997
السوبارو طبعا رائعة مفيش كلام خالص و ثباتها تحفة بجد و عربية عياشة بشكل خرافي و ناس كتير بقالها معاهم 10 و 15 سنة و موتورها كأنه جديد
البنزين استهلاكه شوية زيادة عشان 4*4 و كانت اوتوماتيك فكنت بحط بنزين كتير بس بركب عربية تستاهل و كان بنزين 92 و كان ممتاز
التسارع فيها ممتاز برده بس السرعة القصوي مبتعديش 180 لأنها بتيجي علي 160 و بتكون بطة تقبلة بس العربية دي عزم و شدة و قوة و ثبات بس مش عربية سباقات سرعة بس عربية رالي صحراء و تحمل
ال2006 احسن من 2007 في شكل الفوانيس لأن باطن الفانوس غامق (مثل الجين 2 الجديدة مو2009 ) و الفوانيس الخلفية لونها اهدأ فأكثر شياكة
و انا شايف ان 2006 احسن عامة سعرا و السيارتان واحد في الاخر 2006 و 2007


بالنسبة للبي....دي فعلا اسمها عربية بكل مقاييس الكلمة لأنها برستيج و قوة و تحمل و سرعة و شياكة و و و و قول كل حاجة انت عاوزها
المقارنة بينهم صعبة لن الاثنين ممتازين بس بصراحة انا استمتعت بالبي ام أكثر بكثير و اعتقد انك لو ركبت البي ام صعب تغير
المشكلة انك تلاقي دبانة نضيفة في السوق
و البي ام تتفوق علي السوبارو في: البرستيج (الشياكة و الاحساس بالنفس)
و السعر عند اعادة البيع
و توافر قطع الغيار و رخصها
و انا بتكلم علي الدبانة من 91 الي 98

و الله لو تقدر تلاقي بي ام 97 او 8 حالتها ممتازة يبقي هتكون مساوية لسوبارو 2006 او 2007
و انت جرب السوبارو الاول و قارن احساسك الشخصي و القيادة ثم استخييييييييير ثم توكل علي الله للي فيه الخير ان شاء الله.

أرجو اني أكون ساعدتك

و انا تحت امرك اي وقت

أخوك

[aboumansour87]

السلام عليكم
شوف يا سيدي....انا ركبت السوبارو 2006 جديدة زيرو و فضلت معايا سنة و بعتها لظروف
و البي ام جبتها بعد السوبارو دبانة موديل 1997
السوبارو طبعا رائعة مفيش كلام خالص و ثباتها تحفة بجد و عربية عياشة بشكل خرافي و ناس كتير بقالها معاهم 10 و 15 سنة و موتورها كأنه جديد
البنزين استهلاكه شوية زيادة عشان 4*4 و كانت اوتوماتيك فكنت بحط بنزين كتير بس بركب عربية تستاهل و كان بنزين 92 و كان ممتاز
التسارع فيها ممتاز برده بس السرعة القصوي مبتعديش 180 لأنها بتيجي علي 160 و بتكون بطة تقبلة بس العربية دي عزم و شدة و قوة و ثبات بس مش عربية سباقات سرعة بس عربية رالي صحراء و تحمل
ال2006 احسن من 2007 في شكل الفوانيس لأن باطن الفانوس غامق (مثل الجين 2 الجديدة مو2009 ) و الفوانيس الخلفية لونها اهدأ فأكثر شياكة
و انا شايف ان 2006 احسن عامة سعرا و السيارتان واحد في الاخر 2006 و 2007


بالنسبة للبي....دي فعلا اسمها عربية بكل مقاييس الكلمة لأنها برستيج و قوة و تحمل و سرعة و شياكة و و و و قول كل حاجة انت عاوزها
المقارنة بينهم صعبة لن الاثنين ممتازين بس بصراحة انا استمتعت بالبي ام أكثر بكثير و اعتقد انك لو ركبت البي ام صعب تغير
المشكلة انك تلاقي دبانة نضيفة في السوق
و البي ام تتفوق علي السوبارو في: البرستيج (الشياكة و الاحساس بالنفس)
و السعر عند اعادة البيع
و توافر قطع الغيار و رخصها
و انا بتكلم علي الدبانة من 91 الي 98

و الله لو تقدر تلاقي بي ام 97 او 8 حالتها ممتازة يبقي هتكون مساوية لسوبارو 2006 او 2007
و انت جرب السوبارو الاول و قارن احساسك الشخصي و القيادة ثم استخييييييييير ثم توكل علي الله للي فيه الخير ان شاء الله.

أرجو اني أكون ساعدتك

و انا تحت امرك اي وقت

أخوك

انا مش عارف اقول لحضرتك ايه ولا ايه بس بجد الف الف شكر لاهتمامك وردك على الموضوع بس فعلا انا لما كان معايا ال بي ام هيا كانت 316 موديل 92 بس بصراحه كانت تحفه ومكنتش بحس بقدم موديلها بس للاسف راحت في حادث بس الحمد لله علي كل شيء ولولا الموضوع ده انا عمري ماكنت فكرت اغيرها الا بحاجه اعلى بس قولت منا ممكن بتمن البي ام اجيب حاجه موديل حديث ودورت في كل العربيات مالقيتش تقريبا غير حاجتين الناس بتشكر فيهم وكانت منهم الامبريزا ومهما كان بردو في فرق موديل من 10 ل 15 سنه ده في صالح الامبريزا بس بردو البي ام مش اي حاجه وخايف ادفع الفلوس اللى معايا في الامبريزا ملقيهاش زي البي ام وابقي بفرط في الفلوس انا عارف انى دوشت حضرتك بس حبيت انقل لحضرتك الحيره اللى انا فيها وشكرا ليك لتانى مره

[Kazzaz]

علي فكره ثبات السوبارو لا يعلي عليه .. البي ام ثابته و ايضا السوبارو ثباتها جامد جدا .. بص جرب و احكم ..

و انت ايه موجود في البيام غير الثبات مش عايز تفتقده ؟؟ اصل يعني فرق السنين دي كلها في صالح السوبارو و اكيد مش هايبقي ناقصها حاجه يعني .. برستيج ؟؟ بس خلي بالك انت بتتكلم في بي ام الدبانه مش 2010 .. + السوبارو اللي عارف الماركه دي بيحترمها جدا جدا .. و بعدين طبعا هي اراء بس انت شوف ايه المناسب ليك مش الناس هاتقول ايه + شكل الامبريزا افضل بكثير في نظري ( رائ خاص ..) من الدبانه وخصوصا من قدام كفايه ان الموديل ده هو هو الشكل الخارجي بالظبط بتاع ال STI طبعا في ماعادا الكبوت و السبويلر و الجنط .. اقصد الاكصدامات و Muscles الجانبيه و من جوه ايضا تقريبا ...