مساعدتكم يا أهل السوبارو :)

[Alios]

السلام عليكم

انا بافكر اشتري سوبارو امبريزا 2010 ....

- طبعاً برغم ان العربية مش معروفة و قطع غيارها يعني في العلالي حبتين ( و ده سمة العربيات الجديدة عموماً ) و نادرة و اعادة بيعها واقع ..... الا انها دخلت دماغي ...

بس في سؤال معين كدا :
هل في حد بيفهم في السوبارو برا التوكيل ؟ لو في حد انشالله واحد , اجيبها و انا مطمن .

و عاوز اعرف آرائكم بالنسبة للعربية ...

العربية طبعاً سيدان مش هاتشباك .... و انا مرتاح لها شكلاً و موضوعاًَ و يكفي انها دفع رباعي .....

طبعاً انا مش ح افكر ابيعها مطلقاً ( لو في حد بس بيفهم برا التوكيل ) ... :) :)

في انتظار آرائكم

[Kazzaz]

واحد اسمه عايد في الحرفيين متخصص سوبارو بس

[Alios]

واحد اسمه عايد في الحرفيين متخصص سوبارو بس

الف شكر يا باشا ......

معلهش عندي سؤال تاني برده :

- إيه العيوب العامة للعربية ؟ .....

و في انتظار آرائكم ...

[Kazzaz]

انا الي الان مافيش عيوب لقيتها ...

[Kazzaz]

بس انا معايا الموديل الاقدم

[Alios]

انا ملاحظ فعلاً ان الموديل الأقدم ( بتاع 1998 ) هوا اللي منتشر حبتين ...

في انتظار آراء أخرى :)

[Alios]

انا عاوز بس يا جماعة رأي موحد عن السوبارو ....

للأسف بتفكير بلدنا المتخلف و بثقافة : اللي نعرفه احسن من اللي منعرفوش ............ لازم الواحد للأسف يتعايش مع الواقع العجيب دا ......

ثقافتنا عن العربيات بتقول : اشتري ليك و للسوق .......

و أنا للأسف من طباعي اني باحب الحاجات النادرة ......

انا كنت في الأول معرفش ايه السوبارو دي ...... قلت ادور و افحفر عنها :) ..........

لقيتها فعلاً من أرقى الماركات اليابانية ........ يعني كفاية اللوجو بتاعها تحس انك شايف بورش او اودي او كرايسلر قدامك ....

و قلت اروح المعرض بتاعها اللي في داون تاون و اتفرج عليها ......

طبعاً كلام المعرض بيوضح ان التوكيل عاوز يبيع باي شكل ......

و ابو غالي عاوز اللي يفهمه صح ..... انتم لو ملاحظين , ان ابو غالي مبياخدش غير توكيل العربيات العالية .... زي الكرايسلر و الجيب و الدودج بالإضافة الى السوبارو .... و الجديد انه واخد اللندن تاكسي ......

معنى كدا ان مش اي حد بيشتري العربيات دي الا لو فاهمها صح ( بغض النظر عن تمنها ) ..... و بغض النظر عن التسويق اللي تحس انه عاوز يبيعك العربية بأي شكل .....

لكن للأسف المصريين عاوزين المعروف و اللي يعرفوا يبيعوه بعد كدا .....

الناس بقيت عاوزة الاكسنت - الالنترا - الماتريكس - السيراتو - الكارنز ..... عاوزين العربية المليانة كماليات من غير كفاءة .....

و للأسف الياباني مش بتاع كماليات قد ما هو بتاع كفاءة .... دا المفروض اللي الناس تفهمه ......

يعني السيراتو فيها مشاكل من نحية الكفاءة ... و مع ذلك تلاقي الناس بتشتريها ....
الماتريكس بقيت زي الرز في مصر .....
الالنترا بقيت اكتر من النيو اكسنت و لو ان النيو اكسنت الطف و افضل ....
اللانوس اللي بقيت عاملة زي اللادا عندنا .....

و نيجي للمرسيدس اللي برده انتشرت بجنون .... و البي ام ...

طب ما البي ام سعرها فوق ال 300 الف ... و برده منتشرة ....

اشمعنى السوبارو ؟!!!!!!!! :)

السوبارو دخلت دماغي و لحد دلوقتي عاوز اجيبها ....
عربية محترمة و شياكة و موتور محترم و دفع رباعي يعني ثبات أكتر ....
ده المفروض اللي اعرفه ...

طبعاً لما دورت و سألت ...

كلام التوكيل حاجة ..... و كلام الناس حاجة ........ و كلام الكتالوج حاجة .......

انا معايا كتالوج الامبريزا 2010 ...... بجد امكانيات لا تُضاهى ....
و كلام الناس بيقول ثبات و قطع غيار و ... و ....
و كلام التوكيل بيقول لك اشتري و انتا مطمن ......

و انا حاركز في الثقافة اللي بتقول : اشتري ليك و للسوق ....

مين من المصريين بيبيع عربيته بعد سنتين ؟ ...... دا اللي بيبيع عربيته بعد سنتين دا يبقى معلهش مبيعرفش يسوق عربيته او معاه فلوس كتير بقى و واخد الحكاية تجربة .....

انا شفت واحد عندنا بيبيع اسكودا اوكتافيا فانتازيا 2010 و عاملة 5000 كم بس ....................... و بكام ب 160 الف جنيه ؟!!!!!!!!
انا عاوز اعرف ايه اللي نرفزه من العربية دي ؟!!!!

:)

انا طولت عليكم في الكلام , لكن كنت عاوز اقول اللي في نفسي يعني ....

ياريت نعرف آرائكم عن السوبارو ..... علشان ابقى مطمن و اشتري و انا مطمن و واثق اني مش ح ابيعها و لو بعد 20 سنة :)

[Ahmed Hassan]

العربيه اللي منتشره مش موديل ٩٨. المنتشر من ٢٠٠٤ لغاية ٢٠٠٧ .
بالنسبه و التناسب الشكل الجديد اللي بدأ ٢٠٠٨ الى ٢٠١٠ يعتبر بردو منتشر.

العربيه فعلا عايد شغال فيها بره التوكيل. بس انا رأيي تخليك مع التوكيل على الاقل خلال ال ٣ سنسن بتوع الضمان. طالما مش ناوي تبيع او على الاقل العربيه هتقعد معاك ٥ سنين هات العربيه و انت مطمن.

عربيتي ٢٠٠٧ بس انا سوقت ال ٢٠٠٩ اللي هيه هيه ٢٠١٠ كتييييييير

العربيه هتعجبك و هيه فعلا مميزه. توكل على الله و هاتها و متخافش. انا عامل زيك. بشتري لنفسي مش للسوق و في الحاله دي العربيه مناسبه جدا جدا جدا.

العربيه اعتماديه و قويه و عفشتها مناسبه لمصر جدا. الثبات عالي و كمان الكماليات. استهلاك البنزين ممكن يكون اعلى حاجه بسيطه من عربيات تانيه... بس مش فارق كتير. انا عن نفسي في ٨٥٪ من الاحوال بستعمل بنزين ٩٥ لكن ناس كتير شغاله ٩٢ بدون مشاكل.

ربنا يوفقك

[Alios]

العربيه اللي منتشره مش موديل ٩٨. المنتشر من ٢٠٠٤ لغاية ٢٠٠٧ .
بالنسبه و التناسب الشكل الجديد اللي بدأ ٢٠٠٨ الى ٢٠١٠ يعتبر بردو منتشر.

العربيه فعلا عايد شغال فيها بره التوكيل. بس انا رأيي تخليك مع التوكيل على الاقل خلال ال ٣ سنسن بتوع الضمان. طالما مش ناوي تبيع او على الاقل العربيه هتقعد معاك ٥ سنين هات العربيه و انت مطمن.

عربيتي ٢٠٠٧ بس انا سوقت ال ٢٠٠٩ اللي هيه هيه ٢٠١٠ كتييييييير

العربيه هتعجبك و هيه فعلا مميزه. توكل على الله و هاتها و متخافش. انا عامل زيك. بشتري لنفسي مش للسوق و في الحاله دي العربيه مناسبه جدا جدا جدا.

العربيه اعتماديه و قويه و عفشتها مناسبه لمصر جدا. الثبات عالي و كمان الكماليات. استهلاك البنزين ممكن يكون اعلى حاجه بسيطه من عربيات تانيه... بس مش فارق كتير. انا عن نفسي في ٨٥٪ من الاحوال بستعمل بنزين ٩٥ لكن ناس كتير شغاله ٩٢ بدون مشاكل.

ربنا يوفقك

خلينا نقطة نقطة مع حضرتك ... و قبل ما نتكلم في أي حاجة : الف شكر على ردك المفيد جداً :)

- بالنسبة للموديلات المنتشرة : انا فعلاً بشوف امبريزا 98 و مش ح اقول منتشرة لكن منها كتير مع الناس و باشوف في اعلانات الجرايد في بند بيع المستعمل .
الموديلات الجديدة قليل القليل القليل لما باشوفها , يادوبك باشوف واحدة ولا اتنين و بالصدفة .

- موديلات 2009 نفسها 2010 الاختلاف في السنة بس .

- هوا لو كان في في اسكندرية حد بيفهم في السوبارو كنت جبتها على طول من غير تردد .. اصل المشكلة اني في اسكندرية , بس حظي حلو لأني باسافر القاهرة كتير يعني لزوم الشغل :)

- كدا كدا لازم ح نبقى مع التوكيل , العربية انا مقصدش انها تقعد 5 سنين انا قصدي يعني انها تعمر ...... و قطع الغيار اسعارها فعلاً رخيصة بالنسبة للجديد و مقارنة بباقي العربيات الجديدة اللي نازلة ....

- ثقافة اشتري ليك و للسوق دي علشان الواحد يجيب العربية و هوا عامل حسابه انه ح يزهق منها كمان خمس ست سنين .... ما هو اصله لازم يفكر ازاي برده يبيعها بعد كدا ....... الثقافة دي للناس اللي بقى غاوية تجارب , زي ما وضحت لحضرتك في حكاية السكودا .... اوكتافيا فانتازيا عاملة 5000 كم نضيفة مفيهاش خدشة و عاوزة تتباع ب 160 ألف ....... دا دليل على ان اللي شاريها بيحب يجرب و يرمي , معاه فلوس بقى :)

القصد , انك ترمي فلوسك في حاجة تعمر معاك , متلجأش لتصليح كتير , و تبقى تسوق محترم بيها ...... لكن ترمي فلوسك و حزنان على العربية الجديدة اللي انت جبتها و حاطط في دماغك انك تبيعها علشان تاخد فلوسك تاني , صراحة مش منطق ..... و علشان الناس تهرب من الثقافة دي بيلجأوا لشراء المستعمل اللي هوا مش مضمون اصلاً ! :)

و انا مبحبش امشي بالثقافة دي .... ابويا يحب الحاجة اللي يعرفها ...... و برده انا وضحت هنا , لما قلت للحاج كلمة سوبارو بس ... استغرب و فكرها صيني كالعادة ! :) :)

انا العربية داخلة دماغي ( خصوصاً الموديل الجديد ) لون التابلوه ماشي مع اللون الأحمر بتاع العدادات , حسيت انها عربية فخمة كدا و شيك ..... و كفاية الموتور البوكسد المحترم ... اي نعم الحمل على 1500 سي سي حراااام , بس دي ظروف التوكيل و اللي معانا على قد السعر بتاع العربية و لازم نستحمل ! :)

- حكاية البنزين دي سألت فيها في المعرض بتاع السوبارو اللي في داون تاون في اسكندرية ... قال بدايتك تحط 92 عادي , العربية ح تدوس معاك عادي ..... لكن الافضل يعني تحط 95 .....

ده كلام المعرض :) الله اعلم


عربية بجد مش ح تتكرر , و فيها امكانيات مش موجودة في اي عربية تانية و يكفي انها العربية الوحيدة اللي السيدان منها دفع رباعي في مصر .... دي اهم ميزة ....

الف شكر مرة تانية على ردك المفيد ... وفي انتظار الآراء :)

[Kazzaz]

بص انت خايف ... باين انك عايز تقنع نفسك و دي مرحله كلنا اصحاب السوبارو عدينا عليها ... لو جبتها مش هاتندم هي دي الخلاصه و صدقني الناس اللي بتفهم بتقدر العربيه دي انا ياما ناس توقفني و تشكر في العربيه او تسال علي السعر او تستفسر علي حاجه ...
و معظم المنتدي هنا هتلاقي معاه يا اما 2004-2007 و كمان ال 2009 و 2010 بس نادر الموديلات الاقدم مش بشوفها الا نادرا

[Mustafa_Farouk]

السلام عليكم،

بس أنا بحس يا جماعة انها واطية أوي من الارض، طب دة مش حيخليها تخبط في المطبات والشوارع الجميله بتاعتنا عمال على بطال ؟؟
هي ٢٠٠٩ أو ٢٠١٠ ظهر فيها أي عيوب في الفتيس أو أي حاجة في التقفيل، أصل في واحد صاحبي بيفكر يدوس فيها.

[Ahmed Nasr]

ربنا يوفقك للخير
على فكرة انا باحترم العربية دى جداا

فى ناس معانا فى الشغل جابت2007
ربنا يباركلهم
وواحد جاب 2009 هاتش باك برده حكاية

[khalid_adel]

السلام عليكم،

بس أنا بحس يا جماعة انها واطية أوي من الارض، طب دة مش حيخليها تخبط في المطبات والشوارع الجميله بتاعتنا عمال على بطال ؟؟
هي ٢٠٠٩ أو ٢٠١٠ ظهر فيها أي عيوب في الفتيس أو أي حاجة في التقفيل، أصل في واحد صاحبي بيفكر يدوس فيها.

من تجربه معايا ال 2006 اعلى او مش بتحك زي ما الهوندا مثلا اللي بتحك وانا ماشي عادي غير المطبات
وكمان اعلى من البرافو اللي معايا حاليا
هي اه واطيه شويه بس مش اوي زي اللي قولت عليهم (وده عن تجربه كتيير )

[Alios]

بص انت خايف ... باين انك عايز تقنع نفسك و دي مرحله كلنا اصحاب السوبارو عدينا عليها ... لو جبتها مش هاتندم هي دي الخلاصه و صدقني الناس اللي بتفهم بتقدر العربيه دي انا ياما ناس توقفني و تشكر في العربيه او تسال علي السعر او تستفسر علي حاجه ...
و معظم المنتدي هنا هتلاقي معاه يا اما 2004-2007 و كمان ال 2009 و 2010 بس نادر الموديلات الاقدم مش بشوفها الا نادرا

هوا انت صراحة جبت الخلاصة ..... :)

انا مش خايف بمعنى الرعب يعني ....... انا متحمس جداً لشرائها ......

و حاسس اني مش ح اندم عليها فعلاً , لأنها عربية فخمة و شيك و قوية .....

السلام عليكم،

بس أنا بحس يا جماعة انها واطية أوي من الارض، طب دة مش حيخليها تخبط في المطبات والشوارع الجميله بتاعتنا عمال على بطال ؟؟
هي ٢٠٠٩ أو ٢٠١٠ ظهر فيها أي عيوب في الفتيس أو أي حاجة في التقفيل، أصل في واحد صاحبي بيفكر يدوس فيها.

ازاي ... ؟!!!!

العربية عالية عن الأرض بمسافة 15 سم ( ده كلام التوكيل ) .... و دي المسافة بتاعت الأوبترا و الصني و المازدا .... خد بالك كل العربيات الجديدة واطية ...... مفيش غير العربيات ال 4*4 و ال 2*4 زي الماتريكس و التريوس و الاكس تريل و التيجو ..... هما دول اللي عاليين عن الأرض ..

انما العربيات السيدان و الهاتشباك الجديدة واطية , و انا شايف ان 15 سم مسافة معقولة ..

غير كدا ..... السوبارو الجديدة مصفحينها من تحت , يعني ضد الخبطات الى حد ما ...

السوبارو الامبريزا الجديدة كلها ياباني من الألف للياء ما عدا جهاز الفرامل abs ألماني .......
خد بالك علشان سؤالك يبعد البعد التام عن السوبارو ... يمكن انتا تقصد التويوتا .... رغم ان المشكلة بتاعتها انتهت بدءا من السنة دي ....

و في السوبارو الليجاسي بس تمنها 400 ألف جنيه بالراحة ......

و في السوبارو الفورستر 4*4 هاتشباك و عالية عن الأرض ..... بس ب 370 ألف جنيه مستريح :) :)

اصل السوبارو مش شوية ......... ممكن تعتبرها أودي مثلاُ :)

السوبارو الامبريزا ( سيدان او هاتشباك ) دفع رباعي و دي الوحيدة في مصر اللي فيها الميزة دي , و الدفع دا بيدي ثبات اكتر و اكتر .....

و غير كل دا .... العربية عاوزة سواق محترم ....... سواق بيفهم :)

ربنا يوفقك للخير
على فكرة انا باحترم العربية دى جداا

فى ناس معانا فى الشغل جابت2007
ربنا يباركلهم
وواحد جاب 2009 هاتش باك برده حكاية

السوبارو من ارقى الماركات اليابانية ...... باحس انها ارقى من الليكزس كمان ........ و عربية تُحترم بجد .....

2009 و 2010 حكاية ...... و الوانهم خطيرة ...... :)

ربنا يقدم اللي فيه الخير

و الف شكر لكل الناس اللي ردت و افادتنا

في انتظار آراء أخرى :)

[Gabrial]

السلام عليكم،

بس أنا بحس يا جماعة انها واطية أوي من الارض، طب دة مش حيخليها تخبط في المطبات والشوارع الجميله بتاعتنا عمال على بطال ؟؟
هي ٢٠٠٩ أو ٢٠١٠ ظهر فيها أي عيوب في الفتيس أو أي حاجة في التقفيل، أصل في واحد صاحبي بيفكر يدوس فيها.

أنا أنا ،ربنا يخليك لينا يا مصطفى باشا .
أنا لسة كنت بتفرج عليها امبارح بس الهاتش باك ،عربية جامدة جداً ،يمكن كانت عاوزة موتور أقوى شوية بس موضوع التسرع دة بالنسبة لي مش فارق أوي ،هيا مفهاش كماليات مبهرة أوي ذي الحاجات الجديدة بس الاساسيات بتاعة العربية معمولة صح و مصروف عليها و وخدة الاهتمام الاكبر دة غير موضوع الدفع الرباعي ،العربية اللي ١٤٠ ألف فيها ٢ airbag بس مش ٨ و مفهاش مثبت سرعة و حاطين مكانه multifunction wheel ،لو حضرتك مقتنع بالعربية و ميهمكش resale ،إتكل على الله ،عربية محترمة و تستاهل ،بس بص على أسعار قطاع الغيار الاول بردو.