تقريري عن سيارتي السوبارو 2010

[egyptweed1]

مساء الخير ,,,,

حبيت أكتب التقرير ده للأعضاء الموجودين في المنتدي اللي معاهم سوبارو و للي بيفكروا يشتروا :

عربيتي Subaru 2010 Sedan RK - High Line
1500 CC
AC
Power Steering
Steptronic
Cruise Control
8 Air Bags

الانطباع الأول من حيث الشكل و الصالون ممتاز .

طلعت جربت العربيه علي طريق المحور - 6 أكتوبر

العفشه بجد وهم و ده مقارنه باللانسر أو بالكرولا أو بالصني

التسارع ضعيف شويه لحد 60 كم أما بعد كده بجد رائع سواء علي الأوتوماتيك أو لو حولت سبورت و صلت لسرعه 170 كم .

الثبات و ده من ضمن الأسباب الرئيسيه اللي خلتني أشتري العربيه لما بحثت علي النت و الأصدقاء في المنتدي قالولي بس فعلا الكلام حاجه و التجربه حاجه تانيه.

الصالون - جميل جدا و بجد الكراسي مريحه أكتر ماكنت متخيل كأنك نايم علي السرير.

العدادات جميله جدا و فيها شيء غريب لو أنت الصبح و نازل مثلا نفق بتلاقي المؤشرات و عداد الكم منورين لوحدهم.

كمان التحكم في زاويه الأضاءه بتاعه نور العربيه جميله و مفيده جدا.

بجد يا جماعه ماحدش هايصدق موضوع الثيات ده الا اللي معاه سوبارو يا جماعه العربيه ده جميله جدا و بجد أنا مقتنع بيها 1000000% و الحمد لله اني أتوفقت و أشتريتها.

[A.Saad]

ربنا يبارك لك فيها

[moh_haredy7]

الف مبروك يا باشا
وعقبال ما تدوبها فى عرق العفية

[TAMERHASSAN]

الف الف الف مبروك

[ahmed_afifi]

الف مبروك وربنا يباركلك فيها

العدادات جميله جدا و فيها شيء غريب لو أنت الصبح و نازل مثلا نفق بتلاقي المؤشرات و عداد الكم منورين لوحدهم.

اعتقد ان هذا يعنى ان السيارة بها سنسور اضائة ودى بيحس باى تغير فى الاضاءة وينور العربية فى الانفاق ولما الجو بيليل ولكن لابد ان يكون مضبوط على الوضع الاوتو

[dramir1]

الف مبروك وربنا يباركلك فيها

[gomha]

الف مبروك ولكن من واقع خبرتى مع السوبارو اول مرة واحد يقول ان سوبارو مريحة يمكن الموديل جديد مريح ولكن اوكد لك انى استخدم السوبارو اروح بيها الشغل فقط وذلك بسبب القسوة فى نظام التعليق بتعها وانا مسميها عربية نقل متأفلة ورغم ذلك لايمكن ابيعها او استغنى عنها لانى بصراحة هالك ابوها وامها واخوها مشاوير للعمل ورغم ذلك لم تخذلنى يوم واحد وديما والحمد لله وقفة معى وقفة راجل

سوبارو الراجل وبس


اختيار موفقك وسوف تعرف ذلك عندما ترى السيارات الاخرى تقدم ويظهر فيها المشاكل والسوبارو واقفة ذى الراجل

[Alios]

الف مبروك ولكن من واقع خبرتى مع السوبارو اول مرة واحد يقول ان سوبارو مريحة يمكن الموديل جديد مريح ولكن اوكد لك انى استخدم السوبارو اروح بيها الشغل فقط وذلك بسبب القسوة فى نظام التعليق بتعها وانا مسميها عربية نقل متأفلة ورغم ذلك لايمكن ابيعها او استغنى عنها لانى بصراحة هالك ابوها وامها واخوها مشاوير للعمل ورغم ذلك لم تخذلنى يوم واحد وديما والحمد لله وقفة معى وقفة راجل

سوبارو الراجل وبس


اختيار موفقك وسوف تعرف ذلك عندما ترى السيارات الاخرى تقدم ويظهر فيها المشاكل والسوبارو واقفة ذى الراجل

اوافقك الرأي و بشده ....

السوبارو دي انا باسميّها اللادا الياباني ....... :)