تقريري عن سيارتي السوبارو 2010

[mshemy]

مساء الخير ,,,,

حبيت أكتب التقرير ده للأعضاء الموجودين في المنتدي اللي معاهم سوبارو و للي بيفكروا يشتروا :

عربيتي Subaru 2010 Sedan RK - High Line
1500 CC
AC
Power Steering
Steptronic
Cruise Control
8 Air Bags

الانطباع الأول من حيث الشكل و الصالون ممتاز .

طلعت جربت العربيه علي طريق المحور - 6 أكتوبر

العفشه بجد وهم و ده مقارنه باللانسر أو بالكرولا أو بالصني

التسارع ضعيف شويه لحد 60 كم أما بعد كده بجد رائع سواء علي الأوتوماتيك أو لو حولت سبورت و صلت لسرعه 170 كم .

الثبات و ده من ضمن الأسباب الرئيسيه اللي خلتني أشتري العربيه لما بحثت علي النت و الأصدقاء في المنتدي قالولي بس فعلا الكلام حاجه و التجربه حاجه تانيه.

الصالون - جميل جدا و بجد الكراسي مريحه أكتر ماكنت متخيل كأنك نايم علي السرير.

العدادات جميله جدا و فيها شيء غريب لو أنت الصبح و نازل مثلا نفق بتلاقي المؤشرات و عداد الكم منورين لوحدهم.

كمان التحكم في زاويه الأضاءه بتاعه نور العربيه جميله و مفيده جدا.

بجد يا جماعه ماحدش هايصدق موضوع الثيات ده الا اللي معاه سوبارو يا جماعه العربيه ده جميله جدا و بجد أنا مقتنع بيها 1000000% و الحمد لله اني أتوفقت و أشتريتها.

[Gabrial]

شكراً على التقرير يا باشا و ربنا يبركلك فيها ،عربية محترمة جداً .

[Mzeid]

ربنا يبارك لك في العربية و يحميك من شر الطريق

[kokotota]

مبروك والعربيه دى فعلا عربيه محترمه

[mohamedwahid]

ربنا يبارك لك مبروك

[BrainStorm]

مبروك عليك العربية وربنا يحميهالك

[MaZaGAngeE]

الف مبروك
بس التقرير ناقص الصور من بره و جوه

[Mustafa_Farouk]

السلام عليكم،

1000 مبروك وأخبار البنزين إيه معاك ؟؟ التفويله بتكافيك أد إيه ؟؟ كام كيلو يعني ؟؟ عشان أنا بسمع إن الدفع الرباعي بياخد بنزين أكتر.

[yascro]

الف مبروك
اختيار موفق

[M.Mosaad]

الف مبروك و ربنا يديك خيرها و يكفيك شرها

[ger]

سعر العربية كام

[mshemy]

140,000 egp

[ghost1900]

الف مبروك وربنا يديك خيرها ويكفيك شرها، ومستنيين الصور عشان التقرير يكمل.

[rompo6]

الف مبروك بس ياتري قطع الغيار غاليه

[khalid_adel]

الف مبروك على العربيه وبجد ده المتوقع والمعروف عن سوبارو
وياجماعه قطع الغيار لو غاليه فهي بجد تستاهل اوي لانها بتعيش اوي اكتر من اي ياباني ولا اوروبي وهي عامه في سعر الياباني وارخص من اوروبي كتير
انا بتكلم عن ياباني ياباني واوروبي اوروبي عشان محدش يقارن بقطع غيار برازيلي ولا تركي ولا صيني