يا جماعة حد يساعدنى أنا عايز سوبارو امبريزا 2006 ومحتار

[oubaouba]

أنا كل يوم واحد يقولى العربية دى حلوة وواحد تانى يقولى وحشة..... كل الناس بتقولى قطع غيارها ناااااار ومش موجودة وملهاش سوق فى مصر وهتتعبك....وناس تانية تقولى كل حاجه موجوده ومفيش الكلام ده..... يا ريت يا جماعة خد يكون معاه العربية دى وينصحنى عشان أنا خايف أجيبها واتبهدل
شكرا

[Ahmed Hassan]

لو بتتكلم عن امبريزا هاتها و متخافش بس بشرط:

١- تكون عايز سوبارو بالتحديد، يعني مش بتدور على عربيه و خلاص.
٢- عندك استعداد تدفع ثمن قطع غيار اصليه فقط لان تقريبا مفيش تقليد. مع العلم ان قطع الغيار موجوده في التوكيل و بنفس اسعار القطع الغيار الاصليه للماركات اليابانيه الاخرى و قد تكون في احيان كتير ارخص.

[oubaouba]

متشكر جدا يا أستاذ أحمد... أيوا أنا بدور على سوبارو بالتحديد ( يعنى قطع الغيار بالأسعار العادية وموجودة ذى اللانسر مثلا ؟ )
طيب فى حد بيصلحها غير التوكيل وتكون جربت عندو قبل كدة لو سمحتز
شكرا على الرد

[mr_sameh]

دي من العربيات الشهيده في مصر

[oubaouba]

يعنى ايه شهيده ؟ ماتت خلاص يعنى d:

[Ahmed Hassan]

متشكر جدا يا أستاذ أحمد... أيوا أنا بدور على سوبارو بالتحديد ( يعنى قطع الغيار بالأسعار العادية وموجودة ذى اللانسر مثلا ؟ )
طيب فى حد بيصلحها غير التوكيل وتكون جربت عندو قبل كدة لو سمحتز
شكرا على الرد

ايوه قطع الغيار ممكن تقول عليها زي اللانسر. شوف كده مقارنة الاسعار اللي في الموضوع ده:

http://www.nilemotors.net/Nile/129999-a.html

ايوه فيه ناس تانيه بتشتغل في العربيه و كمان بيجيبولها قطع غيار استيراد من بره... بس انا مجربتهمش.

[oubaouba]

متشكر جد يا أستاذ أحمد حسن... أنا تعبتك معايا بجد ... بس عندى ملحوظة: تقريبا دى قطع غيار 2009

[Ahmed Hassan]

متشكر جد يا أستاذ أحمد حسن... أنا تعبتك معايا بجد ... بس عندى ملحوظة: تقريبا دى قطع غيار 2009

كلامك صح. قطع غيار 2006 ارخص من كده كمان.

[mr_sameh]

يعنى ايه شهيده ؟ ماتت خلاص يعنى d:

لا اقصد بالشهيدة يعني المظلومة عربية محترمة جدااااااااااااااا لكن للاسف ثقافة المصريين وسؤ التوكيل اللي مش موفر مراكز خدمة علشان كده هي عربية شهيدة

[Ahmed Hassan]

لا اقصد بالشهيدة يعني المظلومة عربية محترمة جدااااااااااااااا لكن للاسف ثقافة المصريين وسؤ التوكيل اللي مش موفر مراكز خدمة علشان كده هي عربية شهيدة

معاك ان العربيه من اسباب عدم انتشارها ثقافتنا كمصريين. بس اختلف معاك في ان التوكيل سيء. التوكيل لو مكانش كويس مكنتش العربيه باعت خالص!! التوكيل على الاقل جيد ان لم يكن افضل من كده

[ahmad7610]

التوكيل جيد ... بدليل ان مثيلاتها أوروبيا ماتت فعلا فى مصر زى ألفاروميو .. و فولفو ... أنا فاكر فى 98 كانت الألفا فى عزها و الفولفو ماشية كويس و الإمبريزا لاترى تقريبا فى مصر .. دلوقتى الامبريزا تخطتهم بمراحل .. أعتقد الفضل للوكيل ..
-
الأسعار عادية .. و الامبريزا والهوندا يقارنوا بأسعار بعض .. و الكورولا مع اللانسر فى الأسعار ... الامبريزا أرخص سعرا كسيارة من هوندا و قطع غيارها أرخص

[khalid_adel]

معاك ان العربيه من اسباب عدم انتشارها ثقافتنا كمصريين. بس اختلف معاك في ان التوكيل سيء. التوكيل لو مكانش كويس مكنتش العربيه باعت خالص!! التوكيل على الاقل جيد ان لم يكن افضل من كده

بعد تجربتي مع توكيلات اخري زي الزفت بمعني الكلمه ومبيفهموش حاجه في عربيه عاديه جدا
ابوغالي اسعاره معقوله جدا بالنسبه لقطع غيار اصليه يابانيه ان ماكنش ارخصهم ( انا بتكلم في اصلي )
ابو غالي فاهم كويس في العربيه مع انها عربيه صعبه بس هو تمام مش توكيلات تانيه كنت انا اللي بفهمهم العربيه
ابو غالي مش سفاح في تغيير قطع الغيار وبيغير في ميعادها او لما تحتاج على عكس متخلفين تانين بيغير قطع الغيار بسرعه جدا جدا ويديهالك لسه فيها كتير ولو حاجه محتاجه بجد لو مش موجوده في جدول النصب للتغير مش بيبص ولا بياخد باله اصلا وانت وحظك
في مصر ابوغالي افضل توكيل انا اتعاملت معاه بجد