هل في اي طريقه اقدر اركب بها سماعات في الابواب الخلفيه ؟

[Kazzaz]

بس اكبر من مقاسها يعني انا عايز اركب ورا مقاس 16 ينفع ؟؟؟ يعني لو رحت لادريان ممكن يظبطها ؟

[Ahmed Hassan]

اعتقد ممكن تركب سماعه اقوى و تكون بنفس القطر. معتقدش هينفع تقص في الباب علشان تركب سماعه اكبر.

[khalid_adel]

يااااه انت فكرتني بارخم حاجه في العربيه ( تقيمات بره بتقول انها فقيره لطقم الصوت)
انا لما جيت اغير سماعات الابواب معرفتش اركب سماعات دائري عاديه في الباب اللي قدام ولا اللي ورا
لان المكان بتاعها صغير اوي (slim speakers) عشان القزاز والمكنه قافله المكان وملقيتش ساعتها غير سماعات alpine 13'' هي اللي رفيعه كده وركبت والصوت طبعا فرق شويه بس مش اوي برضه
من الاخر الابواب ملهاش لازمه عليك وعلى البورده اللي ورا يامعلم اخرم وركب فيها سماعات دوبل كويل (كينود مثلا) بس حتضر تقص وتوسع سنه في صاج الشنطه ويفضل برضه صب ووفر في الشنطه وانا كنت عامل الكلام ده كله (سماعات الابواب الاربعه و2 دوبل كويل في البورده وصب في الشنطه ) والصوت كان تماااااااااام

[Ahmed Hassan]

انا مركب ال subwoofer الاصلي بتاع سوبارو و ده بيركب تحت الكرسي. و مخلي الصوت احسن كتير. صورته في اللينك ده

https://www.subarugenuineparts.com/popup_image.php?pID=1295

[Kazzaz]

انا اصلي ركبت jbl في الابواب اللي قدام و كنت عايز ان شاء الله الشهر الجاي اجيب من امريكا سماعات كمبوننت للامام .. فخساره الjbl تروح كده مالهاش حل :( ...
و سوال تاني هما اللي ورا 13 ولا 10 ؟
و حاجه كمان يا احمد فيين ممكن الاقي الصب ده و يعملوا كام مصري ؟

و حد يعرف حوار بتاع اراميكس اللي هو shop and ship ؟ ؟

[Kazzaz]

khalid_adel
ازاي بس الكلام اللي انت بتقوله ده اللي ورا ده اسف يعني غلط السوبارو الناس بتعمل فيها صوت زي الفل و بالنسبه للي انت كنت مظبطه اه صوت عالي و بيز ولكن لا نقاء ولا توزيع صوت صح ؟ يعن تحس الصوت جايي من ورا صح ؟ ولو لييك في الانجليزي ادخل اققرا المنتدي ده في الصوتيات الناس عاملين احي شغل
Car Audio, Video & Security - NASIOC
في السوبارو و كمان من فتره كبيره اتناقشت معاهم في موضوع ورا و قدام كنت لسه مش فاهم و الرد بتاعهم مقنع بصراحه ادخل اقرا كده
is the watt is important ?? - NASIOC


و سوال تاني لاحمد هو انت مركب للصب ده امبليفير ؟

[Ahmed Hassan]

زي ما قلتلك الصب ده اصلي.. فانت مجرد بتوصله في السي دي بتاع العربيه بفيشته. اعتقد انه بياخد باور من السي دي

[Kazzaz]

تمام اوي بس يا تري بكام و اققدر اجيبه منين ده ؟ و مردتش عليا هو ورا الساماعات كام 10 ولا 13؟

[Ahmed Hassan]

انا كنت شاريه من على النت. مقاس السماعات معرفوش بصراحه

[khalid_adel]

ياعم حرام عليك يعني انت عندك هنا خبراء في الساوند سيستمز زي kodak gti
وعندك انا وعندي تجربه كويسه مع السوبارو في الصوت
وكلنا بنتكلم عربي وحنفهم بعض كويس انت ليه روحت بره بس
بص ياسيدي انا عمري ماعملت شغل الميكروباصات ده الحمد لله لاني محسوك وحساس جدا جدا في الصوت بالذات
واللي انا كنت عامله ده افضل صوت surround ممكن يطلع من سوبارو وده لاني كنت مشغل السماعات مفيش واحده مغطيه على التانيه (مظبط fade ومظبط كل جزء انا عايز منه ايه وايه frequences اللي بطلعها منه سواء front,rear,subwoofer وطبعا مقلل الصب شويه)
واحب اقولك ان اي صب للااااااااااازم يركبله امبليفير والصب اللي عند احمد طبعا فيه امبليفير صغير built-in جوه الصندوق الصغير بتاع الصب
لكن عندي السماعات كنت مشغلها على الكاسيت على طول بس الهيديونيت كانت kenwood Double Din وكان فيها built in amp ده غير مخارج ال high power عشان كده مكنتش محتاج لامب في السماعات
ومتقلقش لو عايز مساعده في تظبيط الصوت قولي والافضل مني طبعا حسام كوداك و محدش حيبخل عليك طبعا
وزي ما قلتلك السوبارو ضعيفه في الصوت عشان سماعات الابواب والبورده اللي ورا مكانهم ومقاسهم صغير مش بيستحمل سماعات كبيره والشنطه كذلك مش كبيره وفيها فتحات بتخرج الهوا من جوا العربيه فتلاقي الصب صوته مفتوح وعريض مش مكتوم ومقفول
ياعم سيبك من اللي برا لانهم بيعدلو في كل حاجه (من البورده والصاج وبيضيوفو فيبر في الابواب وشماسات وكلام كتير ) انا بكلمك من واقع تجربه عمليه باقل تعديل ممكن بافضل صوت معقول (ومتقلقش ابدا مني في موضوع السرروند واسال حسام عليا حيقولك انه اهم حاجه عندي )
بالنسبه لمقاس السماعات ورا مش فاكر كام بس تقريبا 13 وعامه اول ما الباب حيتفك حيبان على طول