ماذا اصنع وقد ضاع مفتاح السوبارو ؟

[aboeshak]

السلام عليكم ورحمة الله وبركاته

وبعد موضوعي الجديد هو ضياع مفتاحي وريموت السيارة الاصل ( سوبارو 2007 ) وإنا لله وإنا إليه راجعون وقدر الله وماشاء فعل

وضاع مني في بورسعيد يمكن يلاقيه الاخ الفاضل (أحمد حسن) ههههههه لكن ليس بعزيز على الله


المهم أنا ماشي الان بالاستبن وأخشى أن يضيع مني فماذا أصنع ذهبت أنسخ واحد قال لي الناسخ ده مفتاح يمكن بشفره ؟ ويمكن بدون إذهب فحدد هويته عند الكهربائي قلت ولو كان بشفره يعني معضله قال لا بيكلفك فقط 150 جنيه
لكن يمكن يطلع بدون ولن يكلف إلا 10 جنيهات , طبعا الاخ عنده رحمه
والسؤال هل مفتاح السوبارو بشفره أم بدون ؟

وإذا كان بشفره هل أنسخ واحد بشفره ولا أستخرج واحد من التوكيل أشيروا على جزيتم خيرا وبورك فيكم

[Ahmed Hassan]

فداك الف مفتاح. العربيه بتتباع زيرو ب ٣ مفاتيح و كلهم بريموت. هل كان معاك ٢ فقط؟ عموما محلوله باذن الله. مفتاح السوبارو فيه شفره. ممكن طبعا نطلع عليه.. بس مش هيكون بريموت. يعني هتفتح الباب بالمفتاح. تمن المفتاح بيعتمد على نوع الشفره اللي جواه. لو تحب تشرفني في بورسعيد ممكن اعملك واحد... او ممكن كمان اشوفلك نوع الشفره ايه و اقولك يتكلف كام بالتقريب و تعمله عندك في دمياط

[khalid_adel]

لو عايز ممكن التوكيل يجيبلك واحد بريموت بس بيكون من بره وبيكلف شويه (كل التوكيلات بيبقى غالي اوي المفتاح ده خاصه لو بريموت)
وطبعا المفتاح مشفر immobilizer
وخد بالك متعملوش عند اي حد لان لاقدر الله ممكن ال immobilizer يبوظ من المفتاح المنسوخ والعربيه متدورش تاني

[أحمد علاء]

قدر الله وما شاء فعل
طبعا الحل السريع والأرخص انك تعمل مفتاح مشفر في التوكيل او عند راجل في شارع السودان ممتاز عن تجربة وبدون دعاية شغل نظيف وأمين وكلمة واحدة
انا جبت بياناته من التقرير ده

http://www.nilemotors.net/Nile/22724-a.html

[aboeshak]

أستاذ أحمد جزاك الله خيرا على سرعة ردك وعملك بوصية النبي صلى الله عليه وسلم ( ما زال جبرئيل يوصيني بالجار حتى ظننت أنه سيورثه.)

وبالنسبة للسيارة أنا اشتريتها من صاحبها الاول بمفتحين فقط

لكن مفيش مشكلة أعمل نسخة مشفره عندي في دمياط

لكن كلام الاستاذ خالد أخافني جدا

(وخد بالك متعملوش عند اي حد لان لاقدر الله ممكن ال immobilizer يبوظ من المفتاح المنسوخ والعربيه متدورش تاني )

فما رايك ؟

[otefa]

لا أعتقد بأحتمال بوظان للأمبولايزر لأنه متلقي للكود بمعني لما تعمل مفتاح جديد بياخد كوبي من الشفرة الأصلية من المفتاح عندك وينزلها علي الشيبية الي في المفتاح الجديد لو الجديد مظبوط هايرسل كود صح فالعربية هاتشتغل لو مش مظبوط مش هايضر لا الأيموبلايزر ولا الكمبيوتر بمعني ولا كأنه شايفه

[Ahmed Hassan]

لا أعتقد بأحتمال بوظان للأمبولايزر لأنه متلقي للكود بمعني لما تعمل مفتاح جديد بياخد كوبي من الشفرة الأصلية من المفتاح عندك وينزلها علي الشيبية الي في المفتاح الجديد لو الجديد مظبوط هايرسل كود صح فالعربية هاتشتغل لو مش مظبوط مش هايضر لا الأيموبلايزر ولا الكمبيوتر بمعني ولا كأنه شايفه

كلام مضبوط بس مش كل المفاتيح ينفع تتنسخ مباشرة من اذمفتاح الاصلي و لكن اعتقد ان في السوبارو ممكن ده يتم.

عموما يا جاري العزيز هتاكد و ارد عليك بس بعد بكره باذن الله

[aboeshak]

أنا في انتظار ردك يا استاذ أحمد لأني ذهبت لأنسخ المفتاح قال الرجل بيتكلف 250 قلت لا باس المهم يكون فيه استبن احتياطي للزمن

وبعد جلوس على الجهاز وقيام واشتغلات قال الشفره غير موجوده فقلت في نفسي لو قال لا ادري لأراح واستراح

فهل من الممكن تعطيني عنوان لأحد المراكز عندكم لو تفضلت مشكورا .

[Ahmed Hassan]

ارسلت لك رساله خاصه

[aboeshak]

جزاك الله الجميع خيرا

واخص الاستاذ احمد حسن وقد تم نسخ المفتاح في بورسعيد

[khalid_adel]

ياباشا انا اسف لو كنت قلقت بس اصل في الالفا الموضوع مقلق شويه خاصه مع وحده الاموبليزر
وانا كان قصدي ان بعد نسخ المفتاح المشفر جربه مره واتنين لو مدورش مترجبش تاني خوفا على الكمبيوتر هو اللي يضرب
على العموم الحمد لله انه اتعمل تمام ومادام دور العربيه خلاص ده المطلوب منه مش اكتر وربنا يباركلك